النتائج 1 إلى 16 من 16

الموضوع: يقولون خبطت المكينة!!

  1. #1
    عضو
    تاريخ التسجيل
    02-2009
    الدولة
    عرعر
    المشاركات
    12

    يقولون خبطت المكينة!!

    الإخوة الكرام محبي هوندا

    أحبكم في الله

    السلام عليكم ورحمة الله وبركاته،،،

    رجاء تام لمن يستطيع تقديم المساعدة!!!
    سيارتي هوندا أكورد موديل 2006 - 4 سلندر
    ماشية/ 150.000 تقريباً
    عندي لمبة المكينة مرات تشتغل ومرات كثيرة طافية
    المكينة لها صوت أمواج لما أتعدى الـسرعة 60 كلم
    وأنا واقف لها صوت ترررر تررر تررررررر
    أحد الميكانيكة بمجرد النظر والسمع بدون فحص قال لي: عندك البستم ضارب يعني يبي لك توضيب ماكينة أو استبدال!!!
    واحد ثاني قال لي شمبر
    واحد قال افحص يمكن لا هذا ولا هذا
    خلاصة القول/ أنا في مدينة عرعر – منطقة الحدود الشمالية - السعودية يعني دلوني على محل كويس
    أو أفيدوني إذا العطل تتوقعون في الماكينة – من وين ألاقي مكاين نظيفة تشليح وكم أسعارها
    على العموم السيارة تمشي الحال في الديرة لكن أخاف أسافر عليها..
    أنتظر منكم المساعدة المعهـــودة ،،،
    ولكم جزيل الشكر،،،،
    alloy

  2. #2
    عضو
    تاريخ التسجيل
    04-2010
    الدولة
    الرياض-الشفاء
    المشاركات
    84

    افتراضي

    هلا أخووي الله يعينك وما أتوقع تخبط المكينه والسياره ماشيه 150000 شوف شيك على المكينه كمبيوتر أو أفحصها في الوكاله
    عشان يمكن تكون المكينه سليمه بس يبغالك شي تغيره يكون بسيط أنشاء الله.

  3. #3
    عضو
    تاريخ التسجيل
    12-2009
    المشاركات
    98

    افتراضي

    اخوي تنقص زيت المكينة

  4. #4
    عضو نشيط
    تاريخ التسجيل
    03-2009
    الدولة
    عروس الشــمــال
    المشاركات
    115

    افتراضي

    وعليكم السلام

    واحبك الله الذي احببتنا فيه


    اولا لاتستعجل رح وافحص كمبيوتر 150 ريال منت خسران شي
    ثاني يمكن يكون عندك بلف محترق وضارب عندك واحد من الشدادات داخل المكينة
    بس امرها سهل فك فقط روس المكينة ويزينونها لك من احسن مايكن يمكن ماتكلف عليك 2000 ريال
    بس الاهم رووووووح افحص اتأكد قبل كل شي

  5. #5
    عضو فعال
    تاريخ التسجيل
    12-2009
    الدولة
    Tabuk
    المشاركات
    651

    افتراضي

    اتوقع انها شنبر

    لان كانت عندي مرسيدس نفس الشيء وقالولي شنبر

    وكان لها صوت زي ماقلت

    وان شاء الله انها تطلع شيء بسييييييييط

    تحيتي لك , , ,

  6. #6
    عضو
    تاريخ التسجيل
    02-2009
    الدولة
    عرعر
    المشاركات
    12

    افتراضي

    اقتباس المشاركة الأصلية كتبت بواسطة نو نيم مشاهدة المشاركة
    اخوي تنقص زيت المكينة
    اخوي شكراً لك وللجميع على التفاعل

    بس أبشرك ما تنقص زيت

  7. #7
    The Power Of Dreams
    تاريخ التسجيل
    05-2009
    المشاركات
    1,247

    Exclamation في التأني السلامة وفي العجلة الندامة \ وترى اغلب الورشات نصااابين


    وعليكم السلام ورحمة الله وبركاته

    أحبك الله الذي أحببتنا فيه

    أول شي لا تتسرع وتتهور

    و[ افحص كمبيوتر ]

    اذا المكينة نظيفة وتغير الزيت كل 5 الآف والسيفون كل 10 الآف
    والزيت لزوجته مناسبة ونوع الزيت ممتاز
    واستخدامك نظيف

    تطمن إن شاء الله مافيها شي

    وان شاء الله المشكلة بسيطة >>> على الأقل ما توصل للتوضيب بإذن الله :

    تأكد : من البواجي \ فلتر الهواء والبنزين \ وزن البلوف اذا تحتاج \ سير المكينة والشدادات \ السير الخارجي والشداد \ البكرات \ البلوف والسبرنقات \ طربمة الزيت \ تنظيف بخاخات إلخ ...

    الشنابر اتوقع سليمة >>> خصوصا شنابر الزيت >>> لأن الزيت عندك ما ينقص
    واذا العزم ممتاز أو مقبول >>> اتوقع شنابر الضغط سليمة

    اهم شي تأكد 100% ان المكينة مخبطة قبل ( تفكها )

    ولا تنسى المكاسر (تخفيض السعر) :d
    -----------

    اذا عندك صوت عقب المطر
    أنتظر لها كم يوم ويروح ان شاء الله >>> اذا كان الماء موبب كثير بالحيل يعني السيارة موب غرقانة بالماء

    **
    اذا افدتك وساعدت بحل مشكلتك وتوفير قروشك (فلوسك) $$

    ما أبي منك الا تدعي لي :o


  8. #8
    عضو
    تاريخ التسجيل
    02-2009
    الدولة
    عرعر
    المشاركات
    12

    افتراضي

    أخوي الأكورد سيلفر

    تحياتي لك، ولكن...

    أنا مهمل في تغيير الزيت يعني تقريباً مرتين أو ثلاث ما غيرته إلا بعد 10000 عشر آلاف أو أكثر بعد !!!!
    لأني قرأت في أحد المنتديات إن الزيت يدوم لمدة أطول والظاهر انهم لعبو علي.
    وسواقتي دفشة شوي. يعني على الخط ما دون المية وتسعين 190 كلم شي.!!!

    أنا والله تايب الحين من تغيير الزيت والسرعة خلاص توبة.

    وأدري إنكم بتقولون تستاهل ما جاك خخخخخخخخ

    ولكن معلوماتك وإرشادتك حلوة ومفيدة وبأطبقها إن شاء الله وبروح بفحص اللي قلت لي عليه
    لأن العزم تمام إلى الآن.
    ولا في صوت إلا صوت التمويج ووو وووو ووو على الخفيف لما تتعدى ال80 ولما تتعدى شوي يخف الصوت

    ولكن الحاجات هذي اللي أفحصها .. عند ميكانيكي عادي ولا بالجهاز الإلكتروني يعني كمبيوتر..
    المشورة..

  9. #9
    The Power Of Dreams
    تاريخ التسجيل
    05-2009
    المشاركات
    1,247

    افتراضي والله اني مقهور ورحمتك ... لكن حسبي الله على اللي وهقك

    اقتباس المشاركة الأصلية كتبت بواسطة alloy مشاهدة المشاركة
    أخوي الأكورد سيلفر
    هلا وغلا
    تحياتي لك، ولكن...
    أنا مهمل في تغيير الزيت يعني تقريباً مرتين أو ثلاث ما غيرته إلا بعد 10000 عشر آلاف أو أكثر بعد !!!!
    لأني قرأت في أحد المنتديات إن الزيت يدوم لمدة أطول والظاهر انهم لعبو علي.
    وسواقتي دفشة شوي. يعني على الخط ما دون المية وتسعين 190 كلم شي.!!!

    الله يهديك ... يا رجال اللي يقولون بالمنتديات ( ان الزيت لا يغير فقط يزاد والخ ... من هالكلام \ أو لا تغير الزيت الا بعد 10 الآف أو 15 ألف >>> خراااااابيط وكلام فاضي ... حسبي الله على اللي وهقك >>> انا أشك ان اللي يكتبون هذي الأشياء ان لهم علاقة بقطع الغيار والوكالات
    الخسران اللي يطبق كلامهم ويمشي على الزيت 10 أو اكثر والربحان ( محلات قطع الغيار أو الوكالات أو التشاليح )

    مهمل بتغيير الزيت + سواقتك دفشة = الظاهر انعدمت عليك المكينة :(

    المشكلة المكينة مكلفة جدا $$ وما راح ينفعك اللي يقولك امش كثير على الزيت

    وفيه أشياء جدا مكلفة >>> مثل الكرنك وعمود الكام وأشياء كثيرة

    قطع غيار غالي واتوقع ( وزنية المكينة صعبه لأن فيها نظام i-vtec ) وممكن ما يضبطونها 100 %

    أنا والله تايب الحين من تغيير الزيت والسرعة خلاص توبة.
    خطأ وتتعلم منه ان شاء الله
    ونصيحة من أخوك >>> غير زيت المكينة كل 5 الآف 20w50 والسيفون (أصلي وكالة ) كل 10 الآف


    وأدري إنكم بتقولون تستاهل ما جاك خخخخخخخخ
    الله يهديك :( حرام مكينة أكورد وتخبط والمكينة المفروض تكون نظيفة لأنها ماشية 150 ألف
    لو انت محافظ على تغيير الزيت وسواقتك زينة >> ممكن تمشيك 300 ألف بدون مشاكل ويمكن أكثر

    ولكن معلوماتك وإرشادتك حلوة ومفيدة وبأطبقها إن شاء الله وبروح بفحص اللي قلت لي عليه
    الحمد لله وهذا شي يسعدني ان المعلومات والارشادات مفيدة
    لأن العزم تمام إلى الآن.
    الحمد لله
    ولا في صوت إلا صوت التمويج ووو وووو ووو على الخفيف لما تتعدى ال80 ولما تتعدى شوي يخف الصوت

    ولكن الحاجات هذي اللي أفحصها .. عند ميكانيكي عادي ولا بالجهاز الإلكتروني يعني كمبيوتر..
    المشورة..

    والله ما ادري يمكن تحتاج الأثنين
    لكن فحص الكمبيوتر مهم >> وياليت تاخذ تقرير أو تكتب بورقة المشاكل


    انت وفرت قيمة تغيير زيت وسيفون لكنك خسرت أضعافها :( + وجع راس وقلق ويمكن تعاني من المشاكل بعد التوضيب أو تركيب مكينة من التشليح

    واحمد ربك يا رجال الأكورد (ال 4 سلندر) ترى راس مالها 4 علب زيت ( بدون سيفون ) ومع السيفون زد ( 200 ملي أو نص علبة تقريبا)
    أجل لو معك سيارة مثلا تاخذ 7 علب أو 8 علب :d وش سويت

    13 (سعر العلبة مثلا) × 4 علب = 52 ريال + شغل اليد ( على حسب )
    + السيفون بـ 16 أو 17 ريال ( وتزود نص علبة تقريبا )

    وأنصحك بزيت 20W50 خصوصا في الصيف أوالمكاين اللي تصرف زيت

    بترومين الترا7 أو فوكس >>

    واذا تبي توفر ( أشتر لك كرتون زيت من محلات الجملة أو الموزعين المعتمدين عشان تضمن انه مو مغشوش ) وتقدر تغير بنفسك اذا عندك حفرة للزيت \ بس بشرط ان الزيت القديم تعبيه بعد ما تخلص من كل شي بعلب الزيت الجديدة وتوديها للبنشر ;) >>> يبيعونة ويكررونه الظاهر

    عشان ما تلوث البيئة ولا توسخ الشوارع

    -------
    اذا خربانة معك وما تبي توضبها وتبي تغيرها بتشليح >>> انتظر وحلل والدينها وغير الزيت مثل ما قلت لك وامش بهداوة يعني لا تحرق المكينة :d واستفد منها واذا خبطت بالكامل :( خذ لك مكينة من التشليح ولازم يكون عليها ضمان وانتبه من الغش

    مكاين التشليح >>> ممكن تكون موضبة بقطع غيار تجاري أو مكرووفة وممكن تججلس معك 6 شهور وتخبط ( يعني ما تدري عنها 100%) وممكن يكون راعيها السابق مهمل بتغيير الزيت والخ ... وممكن تضبط معك

    الله يعينك :(
    # اهتم بالتسخين وتغيير الزيت والسيفون
    # اذا سيارتك V6 >>> اظن لازم تغير سير المكينة كل 100 ألف وتفحص طرمبة الماء اذا تحتاج نغيير تغيرها

    # وتراي جالس يمكن ثلث ساعه :d وانا امخمخ بالرد عليك واحاول ما انسى شي
    واراجعه كم مرة

    لا تنسى ادع لي :d

  10. #10
    عضو
    تاريخ التسجيل
    02-2009
    الدولة
    عرعر
    المشاركات
    12

    افتراضي ما قصرت والله يزوجك..

    تقديراً للثلث ساعة اللي أعطيتنياها من وقتك الثمين

    برد عليك بالوضع المتقدم - مو بالرد السريع ههه

    الله يجزاك خير ويبارك فيك والله إنك طيب انت والاخوة كلهم

    وكلامك ذا بطبعه في ورق علشان ما أنساه وآخذه معاي وأدوج بالصناعية

    بس حسبي الله عليهم ما في ولا واحد في عرعر يعرف للهوندا ولا في أي قطعة غيار هوندا ولا وكالة ولا شي.

    أقول ادعي انها ما بها بلا ان شاء الله يطلع شي خفيف.

    وأقول: الله يزوجك وحدة إن شاء الله تشبه أكورد 2010 فل كامل 6 سلندر.

    الله يحفظك ويوفقك دنيا وآخرة

  11. #11
    The Power Of Dreams
    تاريخ التسجيل
    05-2009
    المشاركات
    1,247

    آمين يارب والجميع ان شاء الله \ وانت بعد اذا متزوج وحده الله يزوجك الثانية

    اقتباس المشاركة الأصلية كتبت بواسطة alloy مشاهدة المشاركة
    تقديراً للثلث ساعة اللي أعطيتنياها من وقتك الثمين

    برد عليك بالوضع المتقدم - مو بالرد السريع ههه

    الله يجزاك خير ويبارك فيك والله إنك طيب انت والاخوة كلهم

    وكلامك ذا بطبعه في ورق علشان ما أنساه وآخذه معاي وأدوج بالصناعية

    بس حسبي الله عليهم ما في ولا واحد في عرعر يعرف للهوندا ولا في أي قطعة غيار هوندا ولا وكالة ولا شي.

    أقول ادعي انها ما بها بلا ان شاء الله يطلع شي خفيف.

    وأقول: الله يزوجك وحدة إن شاء الله تشبه أكورد 2010 فل كامل 6 سلندر.

    الله يحفظك ويوفقك دنيا وآخرة
    هذا شي يسعدني ان الشخص يقدر المجهود والوقت والتعب <<< والله انها مو منة ,,, لكن أي واحد يفرح اذا احد قدرمجهوده
    ثلث ساعه نص ساعه ... ما تغلى عليك واستغلها بالحلال احسن من الحرام واساعد واحد من اخواني
    آمين يارب وياك والجميع ان شاء الله

    آمين من بوئك لباب السماء :d
    الله يسلمك وانت أطيب
    والله انك فرحتني بدعائك الطيب
    الله يعينك يارب :(
    اللهم يا حي يا قيوم يا سميع يا مجيب اللهم اعن اخينا في الإسلام alloy ويسر أموره ووفقه في الدنيا والآخرة وجميع المسلمين اللهم آمين

  12. #12
    عضو
    تاريخ التسجيل
    02-2009
    الدولة
    عرعر
    المشاركات
    12

    افتراضي

    حبيتك والله يالاكورد الفضي انت والشباب كلياتهم

  13. #13
    عضو فعال
    تاريخ التسجيل
    09-2009
    الدولة
    جدة - الدمام
    المشاركات
    697

    افتراضي

    حاول تشوف مشكلة لمبة المكينة وتحلها وبعدين تروح للمشكله الثانيه

    ممكن لمبة المكينة من حساس الاكسجين وبعض علاماته يتغير عليك صوت المكينة شوي << مجرد مثال للتوضيح

    يعني لا تستعجل وابدا بفحص الكمبيوتر

  14. #14
    عضو
    تاريخ التسجيل
    05-2008
    الدولة
    الرياض
    المشاركات
    74

    افتراضي

    السلام عليكم ورحمة الله وبركاته
    طبعا انا قريت كلام الاخوان وهم ما يعرفون شنو حالتك
    طبعا مشكورين الاخوان على الكلام والتعليق والنصائح لحل مشكلتك
    وانا راح باذن الله اقتصر عليك الطريق
    اولا باعطيك طريقه تشيك على المكينا
    تفك غطاء البواجي الاسود الي فوق
    ثانيا ترخي جميع الكويلات حق البواجي الاربعه
    مو تفكها بس تفكها وتخليها على حطة يدك يعني يمديك تشيلها براحه يعني اهم شئ انها توصل الكهرباء للبوجي
    ثالثا تخلي واحد داخل السياره يدعس بنزين يعني يخلي الضغط على 2 لان اذا شلت واحد من الاسلاك حق البواجي راح تطفا بس لاحظ الصوت يروح ولا لا
    وسوي مع كل واحد هذي الحركه الاول والثاني والثالث والرابع
    رابعا اذا الصوت انقطع اعرف انه فيه مشكله في البستم او الشمبر وممكن محتمل من السبائك الثابت وهذا توضيب
    بس اذا الصوت موجود باعرف ان المحرك 100 % سليم
    وانا اقولك محرك الهوندا من اقوي المحركات يعني حتى لو ماغيرت الزيت من الوكاله الي 150 الف كيلو ما راح يسير في المحرك شئ وهذا الشئ متبع في امريكا لانهم ما يغيرون الزيت
    المهم اذا الصوت باقي هنا انا ماعرف وشنو المشكله لازم مكنيكي فاهم وكمبوتر
    ولك جزيل الشكر ولا هانوا الموجودين بس هذي من وااااقع خبره وانا مهندس في المحركات المطوره

  15. #15
    The Power Of Dreams
    تاريخ التسجيل
    05-2009
    المشاركات
    1,247

    افتراضي اجوائنا وظروف القيادة تختلف عن الغرب

    اقتباس المشاركة الأصلية كتبت بواسطة alloy مشاهدة المشاركة
    حبيتك والله يالاكورد الفضي انت والشباب كلياتهم
    أحبك الله الذي احببتنا فيه
    -----------------------------
    انا أنصح تغيير الزيت كل 5 الآف ... للمحافظة على المكينة
    وتغيير فلتر الزيت ( السيفون ) كل 10 الآف

    وأتحدى أي واحد يمشي 150 ألف ويكون ( ما عمرة غير الزيت أو السيفون ) و ما تخبط المكينة

    * الزيت يحترق ويفقد خواصه وتقل لزوجته وممكن تنعدم بعد مسافة طويلة جدا
    * يكون مشبع بالشوائب والأوساخ






    وظائف الزيت :
    تقليل الاحتكاك بين أجزاءالمحرك
    تبريد أماكن الاحتكاك وأجزاء المحرك
    تنظيف الأجزاء الداخلية للمحرك
    حماية أجزاء المحرك من الصدأ
    والخ ...


    وعدم تغيير زيت المحرك أو المشي عليه لمسافة طويلة جدا

    شوفو النتيجة




    + وجع راس
    + زيادة استهلاك الوقود
    الخ ...


    (( الوقاية خير من العلاج ))

    اعذرني على الإطالة



  16. #16
    عضو
    تاريخ التسجيل
    04-2019
    المشاركات
    5

    افتراضي

    يبي لك واحد فاهم يوزن لك الـ....... نسيت اسمها اسمها صعب تكلفتها ٢٥٠ ريال واذا مالحقت عليها تكسر لك المكينة والقير على كلام الميكانيكي المشكلة اللي عندك صوت كركره وتسمع وانت ماسك خط تسمع صوت عالي شبيه بمكينة مكتومة

المواضيع المتشابهه

  1. والله مقهورر .. يقولون توضيب قير
    بواسطة طاط بيب في المنتدى هوندا اكورد Accord
    مشاركات: 22
    آخر مشاركة: 04-06-2010, 09:44 AM
  2. أكوردك.. بها كم خبطة.. وكم خدش؟؟!!
    بواسطة أوشين في المنتدى هوندا اكورد Accord
    مشاركات: 25
    آخر مشاركة: 20-04-2009, 09:40 AM
  3. يقولون ما يحتاج تشحيم
    بواسطة إنسان في المنتدى هوندا اكورد Accord
    مشاركات: 8
    آخر مشاركة: 18-09-2007, 02:12 PM
  4. هل هذه المكينة نفس المكينة التي لدينا ام غير؟
    بواسطة FOXDIE في المنتدى التجمعات convergence
    مشاركات: 15
    آخر مشاركة: 09-04-2007, 10:15 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 104.43 Kb. compressed to 91.72 Kb. by saving 12.71 Kb. (12.17%)]