الموضوع: والله بالعقل يا شباب وابي المشوره " اكورد 6 سلندر ولا لكزس 430 ls

اللكزس صارله 4 سنين تقريبا
لكن الاكورد تطلعها على يدك وكاله
بعدين شوف اللي انت مرتاح له ولا تنسى صلاة الاستخاره

والله انهم صادقين ... كبر عقلك حبيبي .. وخل 100 ألف تروح في ليكزس والا انفينيتي
قد معك سيارات ... اسماء شركات عملاقة .. تستحق ان تدفع ماقبلك وما بعدك لها
ولعلمك أنا معي أكورد 2004 ورحت عند جيب fx انفينيتي 2010 ورب البيت قطع غياره أررخص من الهوندا

وعاد انت وراحتك

الصراحة بدون عصبية

والله المبلغ هذا كبير على الاكورد
يعني 119 الف على اكورد؟؟ والله ما تستاهل
وهذا بدون مواصفات ولا شي
يعني بدون نفقيشن وكالة بدون ساوند سيسيتم بوس ولا اي شركة
بدون كراسي مكيفه بدون بدون

بس الي مغلي السعر خلفية البي ام :d

لو انا بدالك ما بدفعها على اكورد
بدورلي على سيارة محترمه


لكن اللكزس عيبه انه ضيق وما ينفع اذا شباب بيركبون وياك
لانها صغيرة واايد


واستخير قبل ما تاخذ سيارة

طيب مو مشكله سعر الشراء
هل تقدر لسعر قطع اللكزس في المستقبل!؟
وللمعلومه اسعار قطع غيار هوندا عاديه لاهي غاليه ولاهي رخيصه

ف الصراحه كل السيارتين تستاهل
بس لو انا مكانك اخذ اللكزس

وبالاخير الشي راجعلك
تحيااتي

صراحه يالغالي لا مقارنه ابدا
الاكورد مره ما تستاهل سعرها هذا وهيا خالية من المواصفات ولا فيها شي
واللكزس تراها افضل بكثير وقطع غيارها مو مره غالية بس الاشياء الخارجية
الشمعه الامامية ب 3500 والخلفية قطعتين الكبيرة ب 450 هذا الي افتكره بعد حادث للكزس الوالد طبعا جديد في التشليح ما ادري كم سعره
والفحمات الامامية ب500
طبعا غير عزل الصوت غير الرساوة غير المواصفات الحلوة فيها
انا ارجح اللكزس وبقوة واذا مره تبغى جديد عندك الافلون ب 120 الف 2010
تحياتي.

اللكزس الـ 430 موديل 2005 او 2006 مااتوقع تحصله باقل من 130 - 150 الف ,,

خصوصا لو كان استعمال سعودي خصوصا لو كان الترا

انا عن نفسي راح اخذ اللكزس ,,

لكن في ناس عندها قناعات ( احترمها طبعا ) ان السياره جديده وع يدك واستعمالك الشخصي تفرق عن سياره مستعمله ماتدري ايش حالها !!

اللكزس سياره عمليه جدا ومواصفاتها معقوله وهالموديل LS430 مطلوب ومرغووب للغايه ,,

لكن نصيحه ابتعد عن الاستعمال الامريكي لان في شوية اختلافات عن الخليجي من ناحية الرديتر وحجمه واكيد النيفيقيشن و اعتقد حجم الهوبات حقه مختلفه

,,,

مااقلـل من قيمة الهوندا لكن انت قارنت بين افخم السيارات اليابانيه ( اللكزس ) وبين اكثرالسيارات مبيعا واقلها اعطالا (الهوندا ) ,,


بس على فكره الاكورد اقل السيارات المنافسه مواصفات وتطورا ,,,

يعني اذا انت انسان والله ماتهمك التقنيه والنيفيقيشن والبلوتوث والملتيميديا والنظام السمعي ,,

يعني انسان عملي من الدرجه الاولى ,,

يكفيك اسم هوندا الكبير و استيكر MADE IN JAPAN على الباب << :d

وتحب تدق سلف وماتسأل عن شي في السياره والكبوت ماينفتح الا للزيت ,,

وقطع مقبوله وصيانه سهله ومتوفره في كل مكان ووكيل محترم ( مقارنه بغيره )


فالخيار الافضل لك هو الهوندا بكل تأكيد ,,

لكن والله انت انسان تدور التكنولوجيا والـ نيفيقيشن والوسائل المتطوره والمتقدمه ,,

مثل : تدفئة المقاعد - نظام سمعي بـ 10 ولا 20 سماعه :d وبلوتوث وكاميرا خلفيه وحساسات وبصمه دخول وتشغيل ذكي - وكمبيوتر رحلات وحساس حتى

للضغط الكفر والكثيييييييير ,,,

اقولك بكل تأكيد( وبالفم المليان ) اجعل الهوند اخر خيااار تفكر فيه واحذف عضويتك وروح سجل في منتدى تويوتا او لكزس او نيسان او مازدا وحتى فورد :p

ع قولهم انحش عن الهوندا ,,,

وايش الله حادك ,,



ماراح اتكلم عن متعة قيادة سيارات هوندا واحساسك في الطريق ونظام تعليقها القاسي ( شبه رياضي )الي ماراح تحصله في اغلب السيارات المنافسه لانك

قارنتها مع اللكزس فاعيب اذكر هالنقطه ,,


في الاخير كلامي الي فوق لايودي ولا يجب !!!

الحكم الاخير اتمنى يكون لك عن طريق تجربه للسيارتين في ارض الواقع (Test drive )

تقبل مروري

المشاركة الأصلية كتبت بواسطة Pink Dream

ماراح اتكلم عن متعة قيادة سيارات هوندا واحساسك في الطريق ونظام تعليقها القاسي ( شبه رياضي )الي ماراح تحصله في اغلب السيارات المنافسه لانك

قارنتها مع اللكزس فاعيب اذكر هالنقطه ,,

هههه حلو هالكلام

اولا مشكورين ياخوان على الردود

ثانيا : اخوي الحلم الوردي ردك ياخي حلو مضحك على رسمي ..

بس والله يناس بجد قهر احط 119 الف ريال .. ترى على فكره والله الفلوس مني لاقيها في حوش بيتنا بين الزرع والرمل .. يعني قلبي بيتقطع لمدة اربع سنين وانا ادفع تهئ تهئ ..

واذا عن قطع الغيار ترى هي قريبه من الهوندا في الجوده غير وانسى ...

صح انا احب الهوندا واموت فيها بس والله حرام هالمبلغ .. والموظف كل شوي ويمدح في السياره يبغاني اخذها يسحب فيني .. بجد محد يشتريها هالسته سلندر ..

ومن هنا الين شعبان اذا الله احيانا اذا ما لقيت لي على لكزس نظييف .. اخذت الهوندا ... مع العلم ان الافالون اللي قالها الاخ اول واحد مدري ثاني واحد .. العالم شارده منها خرابات يقولون فيها ...

واحد من اصحابي سوى الكمبيوتر حقها بـ 10,000الاف ريال <<< كله من المطر

وافضل السيارات في الشركات القريبه من هالاسعار الهوندا صراحه ...

وااااه يا قلبي اااااه بجد بجلس شهر ونص وانا متجنن من هالموضوع

حرااام عليك تقارن لكزس بهوندا..اللكزس صراحة تعتبر بمواصفات المانيه
انا عن نفسي لو خيروني بين لكزس ولا مايباخ بختار اللكزس:p
خصوصا ال LS 460 L يالبى قلبها امنية حياتي,,
بس انت استخير والله يكتبلك الي فيه الخير

لكزس وريح دماغك الاكورد سته سلندر غاليه على الفاضي

http://www.hondaarabia.com/club/show...v6-للجادين-فقط

http://www.hondaarabia.com/club/show...-للبيع-6-سلندر

http://www.hondaarabia.com/club/show...-v6-لؤلؤي-2009

شوف هالمواضيع يالخوي
و ان شاء الله يكون نصيبك منهم

و منها استفدت من باقي المبلغ
و ما راح تكون غاليه عليك

و اول رابط صراحه اشوف السياره تمام
و انت براحتك

مشكوووووور اخوي نصووور

اكيد اللكزس بلا منازع وبلا مقارنة
لكن ياحبيب واحد من خوالي طاق له لكزس الشكل القديم 2004 استعمال سعودي ب120 الف يعني الشكل الجديد مهب قال عن 140

وفيه يا حبيب فرق بين انك تشتري جديد ولا مستعمل من 5 سنوات

من جد كبر عقلك

الأكـورد لا تفـآن نهـآئيـاً باللكزس حتى لو كـآنت موديل قديم نسبيا ً 2006


لكـزس والقلب دآعي لك

لكزس 2006
اقول ورا ما تعقل
حتى لو كانت الفين وستة
وانظف واطلق وحدة
بس مااخذ موديل قديم وانا بخاطري موديل جديد


لو كانت نفس الموديل بأقول لك لكزس
بس موديلات تختلف
اخذ ددسن 2011 ولا اخذ لكزس 2006

اخوي .. ماراح ازيد على الشباب من ناحية اكورد والا لكزس .. اكيد لكزس

بس فيه نقطتين في اللكزس ..

1. يكون نظيف
2. سعره غالي واتوقع فوق 130 بالنسبة للموديل والنوع اللي ذكرته مع انو مالي خبره

موفق

انا اقولك الهوندا بحكم انه جديد يالغالي

والكزس اشوف راح عليه كم سنه

بس اذا كان يهمك مواصفات فاخذلك الكزس
وبي التوفيق

لكزس وآنت مغمممممضُ ،

أنا اشوف اللي تكلم عن الهوندا وانها ما تستاهل قيمتها و الله انا معاه و لكن مو اي هوندا لا هوندا الخليج فقط لا غير ..... يعني انت فكر راح تاخذ سيارة ما فرقت بينها و بين موديل الفين الا بتكييف خلفي و امبي ثري فقط !!!
يعني انت الآن راح تحط المبلغ في مواصفات لا ترتقي بكونها و لا شي بالمقارنة مع المنافسين و لكن ما فكرت بعد اربع سنوات وين راح يكون موقعك من الاعراب بعد دخول البلو راي يعني سيدي واحد يشيلك ٢٠ جيقا بايت و دخول نظام التحكم الصوتي ((فويس كوماند)) و هوندا الخليج ما دخلت البلوتوث العادي !!
تخيل انت تاخذ سيارة و كل ما ياخذا الوالد يجلس يعدل في السيت و الدريكسون و بعدين يجي اخوك و نفس السيناريو ثم تجي انت و تعدل و هلم مجره ..... و غيرك في سيارته نظام حفظ وضعية الجلوس ((سيت ميموري )) لوضعيتين او اكثر
صح انا مستعد ادفع ١٢٠ الف ريال و لكن اذا حطيت في راسي ان اللي عندي هي مواصفات الفل مع السوح تحت مسمى مواصفات الزفت خليجية !!
يعني السوح في امريكا يجي معاها بلوتوث و فتح كراج و احنا فرحانين بخلفية البي ام و ياليت ما شالوا اللمبة تبعها :( ممكن يشغلوها في ٢٠٢٠ كمواصفات خليجية:d انا اول مره اشوف وكالة تتخلف بعد ما ترتقي !! يعني خلفية اكورد ٢٠٠٦-٢٠٠٧ انوار ليد و ٢٠١٠ لمبة ابو كلب :(
(( انا كلامي و نصيحتي ...لا تاخذ العجوز اللكزس مهما كانت الا انها عدت زمانها ..... خذ لك افالون او شي جديد تحصله بالسعر ...... تراك تقدر تاخذلك لكزس او بي ام نظيف و حديث من امريكا بحدود السعر و كل اللي تغيره الراديتر و سي دي الملاحة .............

تصدق أنك أجبت نفسك في عنوان الموضوع

((( بالعقل ))) >>>>> = أكيد لكزس

آنآ آقوووووول لا آكورد ولا لكزس رآحـ موديلهـ

يآ حبيبي هىذي 119 يعني تجيبلك آحسن سيآرهـ

عندكـ مكسيمآ آو آف جي آو آريون آو جمس

عد وغلط

خذ أكورد ياخوي ويكفي انها 6 سلندر قوه جباره وتحمل واقتصاديه بأستهلاك الوقود
والأروع من هذا تصميمها المنفرد والأنيق

تطلعها أنت من الوكاله جديده أفضل من أنك تشتري بنوراما مستعمله
ماتدري من الي يسوقها قبلك { وبعدين ترا كلها ياباني بس فرق شاشه وكم حساس }

اللكزس اذا كانت نضيفه وحلوه خذها

بصراحه اذا انت موظف وتقدر على الكزس وعلى قطع الغيار فلا تتردد اما اذا انت طالب والله نصيحه خذ اكورد على يدك من الوكاله وبعدين اغلب المواصفات موجود واتمنى لك التوفيق .