افضل بطاريه لمغيريها

**ya$$er** · 13-05-2010, 10:13 PM

سلام الله عليكم جميعا
شخبار الشباب!؟

ياشباب اليوم هنادي سوتها فيا وماشتغلت وطلعت المشكله من البطاريه منتهيه
ف ياريت الي غير بطاريه الوكاله وركب غيرها وماشيه معاه تمام
يبلغنا نوع واسم الشركه في اسرع وقت .. لان دورت في البحث ماحصلت المطلوب
ف ياريت الاقي جواب
وتحيااتي

**المباشر** · 13-05-2010, 11:49 PM

وعليكم السلام ورحمة الله وبركاته

عندك طال عمرك بطارية يواسا ممتازة واغلبنا صار يركبها تايوانية بس ممتازة

http://www.hondaarabia.com/club/showthread.php?31629

**ya$$er** · 14-05-2010, 01:36 AM

يعطيك العافيه

**King** · 14-05-2010, 01:41 AM

انا قبل كم يوم البطارية سوت لي فلم وتعبتني وتعطلت اشغالي !

المهم بعد ماسويت إشتراك ورحت اكثر من 6 محلات بطاريات كلهم قالو البطارية خلاص مافيها شي غيرها !!

المهم انا خز بقلبي ان البطارية توها جديده ماكملت 8 شهور >_<

وارجع البيت وانظف البطارية واصنفر الأصابع واضبط الأمور وبعدها شحمتها والحمد لله طلعت جديده (ماشاء الله)

والبطارية كالعادة Ac delco الفاشلة

http://www.hondaarabia.com/club/show...%C7&highlight=

إذا كان فيه ترسبات نظفها وشحمها وشد عليها صدقني تبي ترجع جديده والبطارية عمرها الافتراضي سنه إلى سنه و5 شهور انت وحظك .

**ya$$er** · 14-05-2010, 02:02 AM

اجل تمام انك ماستعجلت عليها ورحت غيرتها

والله بالنسبالي بطاريتي بطاريه السياره ماغيرتها من يوم ماشتريتها
وكلامك سليم هي السياره كملت الحين سنه فاكيد البطاريه منتهيه
وبطاريه السياره من بلدها FB ف ماادري احسها خايسه

الي افهم من كلامك انه ماتنصحني في Ac delco ؟؟

جزاك الله خير ع المرور

**King** · 14-05-2010, 02:22 AM

Ac delco ابدا ً ماتنفع ولا بريال

FB اذكر انها مو منتشره مثل غيرها لكن الاهم هو تاخذ نفس الأنبير وتتأكد من حاجه نسيت اذكرها لك

ومهم جدا ً تتأكد من تاريخ الصناعة

لأن البطارية لها عمر إفتراضي مثل الكفرات لابد انك تتأكد من تاريخ الصناعة وتكون حديثه .

**اكورد لؤلؤي** · 14-05-2010, 04:07 AM

طبعا اسي ديلكو مستبعده من الخيارات ..

لكن انا اشوفه فيه بطاريات باناسونيك ..احس انها ممتازه صراحه
الشركه معروفه يابانيه ومحترمه ..بس مصنعها في تايلند ..
عشان يقللوون التكلفه ..لان اجور العاملين ارخص
فـ لذلك انا متاكد الجودة نفسها حتى لو في تايلند
وتلقاها في محل في صناعية ام الحمام اذا انت من الرياض ..
قبال مسجد الملك خالد عند صراف الراجحي بالضبط
وهو نفسه وكيلها يعطيك ضمان لمدة سنة ..يبدلها في حال الخراب
وانا ان شالله ناوي عليها بعد بطاريتي هذي

وبالتوفيق...

**A N M A R** · 14-05-2010, 08:39 AM

انا مركب بطارية روكيت من رمضان العام الماضي

وماشية معي ولا اجمل

صحيح انها كورية بس ممتازة بشهادة كتير من الناس

ووكيلها باقادر

انا شريتها من محل عندنا في جدة في البني مالك ب170 وضمان الشركة سنة مو ضمان المحل 6 شهور

وفي البناشر يبيعونها اليمنه ب200 ريال وضمان شهرين او بدون او 6 شهور على المحل

والاخوان يمدحو ياواسا بس انا مجربتها للان

واي سي ديلكو ابعد عنها ولاتقربها

**ya$$er** · 14-05-2010, 01:51 PM

يعافيكم ربي جميعا .. ماقصرتوا

**D.H.o.O.o.M** · 14-05-2010, 09:17 PM

انا مركب بطارية يـــوسا

وماشاء الله تباركـ الله

**ya$$er** · 15-05-2010, 12:29 AM

الحمد الله ركبت بطاريه
بس للاسف مالقيت يواسا 80 امبير ولا باناسونك ولا روكيت كليا في ينبع كلها
لقيت fb نفس حقت الوكاله والله مالي حل الا اركبها والله بالفعل ركبتها وماشيه الامور تمام التمام

------------------

بس في شي واجهني عند تغيير البطاريه
قالي ابو يمن خلي السياره شغاله (طبعا يكون الانوار والمكيف طافيين) وح افصل البطاريه واركب الثانيه
قالي عشان لا يخرب معك الكمبيوتر وزي كذا
قتله ماتطفي السياره قالي لا ماراح تطفي تكون شغاله على الدنمو واستغربت انا .. وقتله يلا بسم الله
والله قام فصلها وطفت السياره قالي غريبه انا غيرت بطاريه اكورد 2008 وماطفت السياره
يقلي يمكن الدنمو عندك في مشكله
ف اش رايكم هل كلام ابو يمن صح فيه مشكله .. وكيف اعرف انه الدنمو شغال ولا

**المباشر** · 15-05-2010, 01:12 AM

البطارية سابقآ عندك تعبانه وماتشحن الدينمو مضبوط واكيد راح يطفي الموتر

حبيب قلبي موترك جديد ومافيه الا العافية لو الدينمو تعبان راح تواجه مشكلة حتى بعد تركيب البطارية الجديدة ومعلومة لو الدينمو مايشحن البطارية مع الاستخدام راح تفضى بطاريتك خلال يوم او يومين واذا انت على طريق راح تسمعها تفرقع مثل المتفجرات :d << تجربة سابقآ على بكب

اذا تبي تتأكد مر اقرب كهربائي وخله يفحص الدينمو بجهاز عنده وراح يعطيك الخلاصة واذا طلع نصاب راح يقولك خربان لذا روح عند اكثر من كهربائي وشوف وش يقولون

مع اني اقولك الدينمو عندك مافيه الا العافية

**memories** · 15-05-2010, 10:13 AM

الله يعطيك خير البطاريه ويكفيك شرها

بالنسبه للدنمو مافيه الا العافيه

ولو تبي تتأكد في كهربائي سعودي كويس في محطة العيون اللي عندها صراف الرياض روحله خليه يكشف عليه وتتأكد