الموضوع: عضو جديد ومحتاررررررررررررررررر

مرحبا" بك كأخ وصديق في منتدانا
وبالنسبة انصحك بشدة بالسوناتا اللون اللولوي لانها جودة وهدوء بالمقصورة وشكل جديد والوجه تقول وجه بانوراما
مو الاكورد لاهدوء والكفرات ميشلان مزززززززززززززززززعجة جدا" ولا نفيقيشن ولا مراتب ساخن وبارد ولا بانورراما ولاتبديل سرعات ولا كمرة خلفيةولا قياس لضغظ الكفرات والبنزين والزيت
وشكلها سرقة × سرقة من الفئة الخامسة بس نسخة يابانية والتقليد خايس
والا الماكس تقول يارس مكبرة

حياك الله بينا يابعد حيي شكلك حايلي
بالنسبه لسونات صح انه تغير شكله وصارت احسن من اول لان تضل سياره كوريه ومهماء صار تضل الاكورد الافضل لانها صناعه يابانيه 100 % وانت بالاخير لك حريه الاختيار ولكن وجهه نظر والشور الاول والاخير لك يابعد حيي.

أول شي حياك الله يا غالي في هذا المنتدى الراقي !! وألف مبروووك مقدماً سواء كانت أكورد أو غيرها.

ثاني شي : لا تنس الاستخاره قبل كل شي .

ثالث شي : من وجهة نظري أكورد 2010 فل 4 سلندر واللون يكون أسود ..

حياكـ يابعدهم

خير الامور اوسطها :d

والله يكتب لكـ الي فيه الخير

ياغالي كل شخص له ميوله وله ذوقه ولكن انت صل الاستخارة وشف السيارة اللي تحس انها افضل بوجهة نظرك واسال عن عيوبها قبل مميزاتها وبعدها توكل على الله وخذها بغض النظر عن اسم السيارة ,,,


وشخصياً ارشح الاكورد ولو رجع لي الامر وخيرت من جديد ساعود واختار الاكورد رغم استخدامي لها الا انني اراء بانها الافضل بجميع النواعي ماعدا المواصفات فقط والمواصفات شيء ثانوي ,,,



ومبروووكـ لكـ مقدماً والله يعطيكـ خيرها ويكفيكـ شرها ,,,

حياك الله وغير الاكورد لاتدور ( الزين غالي لكن الازين اغلى ) وازيدك من الشعر شقه الهوندا افضل هالسيارات اللي قلتها ولكن يبغالك اهتمام في السياره علشان تعزك مو بعدين تدقها كعابي

آول ششئ حيآك الله بيننآ

وثآني شئ الامر بالاول والاخير يرجع لك ولا تنسى الاستخآره

وآنا اقول من السيآرات اللي ذكرتهآ مآكس صرآحه حلوه ويآبنيه بعد ولآ تهون آلآكوورد

بس آنا افضل الماكس من اللي ذكرتهآ

والف الف مبروك ...

المشاركة الأصلية كتبت بواسطة H.O.N.D.A M.A.N

مرحبا" بك كأخ وصديق في منتدانا
وبالنسبة انصحك بشدة بالسوناتا اللون اللولوي لانها جودة وهدوء بالمقصورة وشكل جديد والوجه تقول وجه بانوراما :d:d:d
مو الاكورد لاهدوء والكفرات ميشلان مزززززززززززززززززعجة جدا" ولا نفيقيشن ولا مراتب ساخن وبارد ولا بانورراما ولاتبديل سرعات ولا كمرة خلفيةولا قياس لضغظ الكفرات والبنزين والزيت
وشكلها سرقة × سرقة من الفئة الخامسة بس نسخة يابانية والتقليد خايس
والا الماكس تقول يارس مكبرة

هذا رابط موضوع لك بعنوان أتحداكم :d

http://www.hondaarabia.com/club/show...%E3&highlight=

وهذا كلامك :d

هامش (للأسف فيه ناس تشبه السوناتا 2011 بالبانوراما وتقارنها بالملكة )
والله لا جودة ولا خلفية تقول انترا
ولمعرفة جودة اي سيارة طق باصابعك الديكور والابواب من الداخل والعارضتين الداخلية واسمع الفرق بين الاكورد ( صاحبة الجودة ) والسوناتا (الاقل جودة)والماكس (نص جودة ) والبي ام دبليو الفئة الخامسة (الاعلى جودة)

- - - - ------------ - - - - -
بالنسبة لقياس ضغط الكفرات ما نحتاجه :d ( فيه شي اسمه عيار )
* عيب قياس ضغط الكفرات الألكتروني يلزمك بضغط معين مثلا 35 اذا نزلت عنها تولع لمبة بالطبلون أو تصير مشاكل

مو مثل اللي بدون القياس الألكتروني ( تحط الهواء مثل ما تبي )

وقياس الزيت الألكتروني ما نحتاجه :d ( فيه شي اسمه عيار للزيت واضمن من حساسات كورية أو أي كلام ممكن تتعطل :d )

والأكورد ما تصرف زيت كثير ( اذا كان الزيت ممتاز والمكينة نظيفة ) وتغيره كل 5 الآف

( أي مكينة جديدة < تصرف زيت أكثر > )

والزيوت تختلف ويختلف معدل التبخر

اللي يقول تصرف كثير أقوله استخدم زيت ممتاز وتعال أتكلم أو انك راعي سرعات عالية :d أو مكينتك فيها شي

لأن معروف الوكالات ( زيت تايوتا \ زيت هوندا الخ ... ) كلها عشان (( تكسب الوكالات ))

الا اذا كان الزيت لازم تستخدمه من الوكالة >>> مثل زيت الدركسون ( لأنه زيت خاص )


وفيه ناس معاهم ( سيارات تايوتا ) يسبون زيت تايوتا ويقولون انه فاشل ( بعد ما جربوا زيوت أخرى )

ولو يحصل للوكالات يسوون احتكار :d ما تعبي الا من زيت الوكالة فقط لا غير

النفيقيشن والكاميرا الخلفية ان شاء الله بموديل 2011 أو ( تقدر تشتريها وتركبها )
والمراتب ساخن وبارد وسقف بانوراما
<<<
وش خليت للسيارات الثانية وبعدين بيكون سعرها غااااااااااالي جدا ( من راح يشتريها ) لو يكون فيها المواصفات اللي انت تقول
لأن هوندا ( يابانية 100 % وجودتها عالية ) وما راح تحط أكسسورات أي كلام وتشوه سمعتها

يا أخوي الشعب على قده :o عساه يشتري الأكورد بالمواصفات هذي وش عاد لو تغلى ( من وين له )
اذا انت تبي سيارة مراتب تبريد والخ ... أشتر لك bmw

(( مد رجليك على قدر لحافك ))

من جدك مافيها قياس لضغط البنزين ؟؟؟ أول مرة أسمع فيها وش دخل ضغط البنزين ؟؟
فيها عداد للبنزين مثلها مثل السيارات الثانية :d
* ضغط البنزين السواق ماله شغل فيه ( اللي يتحكم فيه الكمبيوتر والطرمبة وفلتر البنزين و الخ ... )

أجل مافيه تبديل سرعات :d:d:d:d
حشى صارت دباب ( بدون تعشيق )

الا فيها قير أوتوماتيك ( 5 سرعات ) وتحكم الكتروني ( وممتاز جدا ;) مو أي كلام ) <<< اذا حافظت على تغيير الزيت والفلتر الخارجي

& أي قير أو مكينة ( اذا اهملت تغيير الزيت أو الفلتر أو استخدمته استخدام خاطئ ) ينعدم عليك &

والمقاومات مضرة وهذا شي معروف

بالعكس الأكورد هادية لكن المشكلة من كفرات الوكالة ( ميشلان ) ومن بعض شوارعنا السيئة

كل المواصفات اللي قلتها انت (ثانوية) وغير أساسية

الأهم الجودة والتحمل والأمان والرساوة خصوصا منطقتنا ( حارة \ مطبات \ حفر \ الخ ... )

وش الفايدة مواصفات وبالنهاية تتفكك وتتهربد :d وكل يوم والثاني تسوي تربيط :p مثل بعض السيارات

صح الأكورد ناقصها مواصفات لكن جودتها عالية وتتحمل
ومن قالك سرقة انا مرة قريت مشاركة لأحد الأعضاء
انه يقول اتفاق بين هوندا وبين bmw
ونسيت اسم العضو أو اسم الموضوع

والماكسيما رائعة وش دخلها باليارس :p ( فرق السماء عن الأرض بالجودة وكل شي ) الا الشكل ممكن يكون فيه تشابه

* يخلق الله من الشبه أربعين *

تايوتا للأسف صارت سيئة وعيوبها كثيرة ( توليف ابو جميل \ تعليق دعسة البنزين \ تجميعها مو مثل قبل ) قبل كانت تصنع وتجمع باليابان

-------
وأخيرا هذا رابط لأحد مواضيعك
- جوائــــــــــــــــــــــــــــــــــــــــــز العالمية للاكورد -


http://www.hondaarabia.com/club/show...%CF&highlight=



أرجو انك ما تزعل مني ولا أحد يزعل مني

المعذرة على الإطالة :o

وش رايكم أصلح * محامي *

المشاركة الأصلية كتبت بواسطة THE QWEEN 2010

السلام عليكم ورحمة الله وبركاته
سمعت عن هذا المنتدى وعن قوة الصداقة فيه واتمنى قبولي كعضو بينكم (نترك اللغة العربية ونتجه الى العامية ):d
السالفة يا بعد حيي محتارررررررررررررر
مابين الاكورد اربعة فل كامل أو الستة فل كامل أو الماكس فل كامل ( عودي او اسود قرمزي )أو السوناتا فل كامل(لؤلؤي- بني)
الاكورد محتار (العودي - اللؤلؤي)
وراح اشتري السيارة خلال ايام
من باب قوله تعالى (وشاورهم بالامر)
ولكم حبي

وعليكم السلام ورحمة الله وبركاته

حياك الله

الأكورد ال V6 أفضل مواصفات من الأربعة سلندر ( زينون + حساسات + مكيف خلفي الخ ... ) + تقنية جديده ومطوره للمكينة VCM ( لتقليل استهلاك الوقود )

VCM اختصار لــ
Variable Cylinder Management








لكن ميزة الأكورد الـ 4 سلندر ( سير المكينة لا يحتاج لتغيير كل 100 ألف ) عكس الـ V6 ( يحتاج تغيير سير المكينة كل 100 ألف + فحص طرمبة الماء وتغييرها عند الحاجة )

اللؤلؤي يتحمل أجوائنا والحرارة والغبار والخ ... ( مناسب ) وبنفس الوقت كشخه

الألوان الغامقة تحتاج اهتمام والخ ...

والقرار راجع لك

# لاتنسى صلاة الاستخارة # وعسى الله يوفقك بالاختيار

بختصار تبي جودة ( ماكسيما أو أكورد )
تبي مواصفات ( سوناتا أو ماكسيما )
تبي خليط من المواصفات والجودة ( ماكسيما )



ولك حبي :d

والله من رأيي تروح لوكالة هوندا ونيسان وهيونداي
تاخذ فكرة شاملة , إذا أحد من أقاربك أصدقائك عنده أكورد ماكسيما سوناتا
جربها ولا تنسى تستخير , والله يكون في عونك
ولو خيرتني إنت لكان أخذت الماكسيما الفل كامل اللي ب123000 ريال أسود قرمزي
أو سوناتا فل كامل لؤلؤي ,,
اما الأكورد , فر من المجذوم فرارك من الأسد


____________
نترك العامي ونجي للفصحى ... هههه نسيت وش كاتب بداية موضوعك
حياك الله تحية السيل في منتدانا الراقي , وبإذن الله تفيد وتستفيد

الرد على العضو سلفر اكورد
الشغلة مو تناقض الشغلة ابي اشوف فيها ناس تدافع عن الاكورد والا لا وان شاء الله فهمت قصدي
حبي للملكة الى الابد

ااذا تبي الجودة وطول العمر .....الهوندا
تبي مواصفات وكشخة حق سنتين .... هيونداي بس الجودة زيروووو
تبي الرياضية والسرعة والقوة .... ماكسيما

أنا بعطيك خيار آخر

خذ لك أورين فل كامل لؤلؤي أو ماكسيما فل

السلام عليكم

أخوي أنا بقول لك قصتي قبل 4 سنوات

شريت سوناتا 6 سلندر موديل 2006 أول ما نزل الشكل قبل الأخير ومبسوط كاشخ والعالم يقولون لي شاري كوري وفيه أحد يشتري كوري :d قلت لهم لا الكوري

تغير الكوري أثبت نفسه في السوق والكوري والكوري منزل قير تبترونك ومحد يكلمني مع العلم اني ادلع السيارات كأنها ولدي هذا الي حصل معي :

السنه الاولى الفحمات طبعا تغيرها ما تغيرها تصنفر ما تصنفر تخرط هوب ما تخرط هوب مطلعه صوت يعني مطلعه صوت

السنه الثانية قربعه ووعرس تحت موترك لو تمر فوق زفلت خشن معد تسمع سواليف خويك وتغيير مساعدات وكل مساعد بـ 250ريال وتغير جلد مقصات بـ600

السنه الثالثه لمبه الاير باق مولعه لمبه الانجن مولعه بالنسبه للمبه الانجن صبيت قاروره صفايه في البنزين وراحت برضو جلد مقصات بـ600

السنه الرابع 2010 خبط القير .......... والى يومك ما صلح طبعا وديته للوكاله الفدغان مدري الوعلان قال انتا ضمان خلاص لازم سوي فهص كمبيوتر 380 ريال وسوا لي فهص كمبيوتر

نتيجة الفحص قال لازم ننزل القير قلت وبكم تنزلون القير قال تنزيله القير وفكته تكلفك 980 ريال قلت أها وبعدين قال بعدين نقول لك ايش المشكله

قلت وتصليح القير كم يكلف قال : والله من 10000 ريال الى 12000 ريال

قلت طيب سيارتي لو انها سليمه وما فيها شي بنزلها للمعارض بتجيب 25000 ريال تصلحون قيرها يا عيال المنيب قايل بنص سعرها

ذكروني بطابعة HP الي تشتريها بـــ300 ريال ويبيعون حبرها بــ 300 ريال :d

طبعا ناهيك عن انو الورش دايم ما تعرف تصلحها لاني الى الحين ما لقيت احد يصلح القير لان القير فيه 85 قطعة :d لعن ابوه ذا معدهوب قير ذا صار بيت نمل:d


طبعا وبعد توفيق من الله اشتريت هوندا أكورد طبعا توني شاريها لاسباب :

1-مع اغلب زملائي أكوردات موديل 2003 الى 2006 ومشالله تبارك الله لا قرقعه ولا تصفير فحمات و لاكلام فاضي حتى صوت هوا في البيبان مافيه

2-موتر تشتريه لا سمح الله اضطريت تبيعه تلقاه واقف جنبك وسعره فيه موب يسومونه الشريطيه بعد سنتين بــــ 10000 ريال :d

3-وكاله تعاملهم مقبول مقارنه بالفدغان شايفين نفوسهم عليك بدون ذكر مواقف كثيره ولو تبيها سردتها لك ;)

وبس حبيت انقل لك تجربتي وانشالله تستفيد من أخطاء الآخرين

الماكس الافضل

وبعدها الاكورد

السوناتا حلوة كشكل خارجي اماا الجوده ماتوقع

لاتاخذ السيارة بسبب موصفاتها عشان لاتندم بعد سنتين ثلاثه

يااخوان لااحد ياخد السيارة عشان تقنيتها خذها عشان جودتها زي ماقال اخونا
م ج ر د حلم

انا اقولك خد اكورد

مدام المقارنه بين سوسو و اكورد

لاكن

لمن دخلت المكسيما

غيرت رائيي 180

واقولك مكسيما وبس

واللون ابيض لولي روعه مثل يلي مع اخونا الحبيب الغالي محجوب

مكسيما شكل أفضل أفخم مواصفات أكثر

الاكورد أجــــــــــــــــــــــــــــود

سوناتا لا تهمك فقاعة صابون فترة و تنتهي

بالتأكيد نمبر ون المكس لكن ليست بجودة الاكورد
ثانيا الاكورد
ثالثا السوناتا

طيب اخوي فكر في الافالون وفي الاوريون والالتيما ممكن يصلحون لك
لكن خياري لك الماكس بلا منازع