لدي عدة أسئلة بخصوص الصيانه .. مثل الفحمات والكفرات

**اسطورة** · 25-05-2010, 03:03 PM

السلام عليكم ورحمة اله وبركاته

الأكورد الله يخليه لي .. اطربت مزاجي ولله الحمد

وانا راعي سفر كثير جداً جداً وقامت بالواجب وأكثر

السيارة الآن له بالضبط 10 شهور بالضبط

مشت سيارتي 70.000 كيلوا
موديلها 2009

الأسئلة ..

انا غيرت فحماتها مرتين في هذه الفتره والآن تطبل فحمات
هل هذا عادي او فيه مشكلة ..؟

بالعادة الفحمات كل كم تغير ..؟

السؤال الثاني .. الكفرات تم تغييرها مرة واحدة .. والآن ابي اغيرها واحط جدد .. هل هذا عادي ولا فيه مشكلة ..؟ يعني طبيعي .؟

لأن اللي حولي يقولون ان الكفرات والفحمات كل سنه تغير

وانا اقيسها بالكيلوا وليس بالوقت ..

لكن لا اعرف هل هذا طبيعي ام لا ..

السؤال الثالث ..

ماهو أفضل نوع كفرات للهوندا .. اكورد 2009 فل كامل 4 سرندل

اريد كفرات يتحملن الخطوط والسفر بشكل مريح وممتاز .. ولا يهم السعر ..

السؤال الرابع والأخير

بالنسبة للريموت ..
اريد ريموت للسيارة جديد نفس الوكالة ..
كيف احصله وماهي الطريقة وبكم السعر ..؟

جزاكم الله خير

**اكورد لؤلؤي** · 26-05-2010, 12:56 AM

انا غيرت فحماتها مرتين في هذه الفتره والآن تطبل فحمات
هل هذا عادي او فيه مشكلة ..؟

طبعا فيه مشكله ..عيب مصنعي في فحمات الهوندا الجديده
ونزلت في امريكا فحمات جديده برقم جديد ..يختلف عن الي عندنا
ولا ادري متى تتغير الي عندنا

لكن انضحك بـ تغيير الفحمات بـ فحمات غير الوكاله
فيه نوع ياباني ممتاز وافضل من الوكاله ..ونزل فحمات اماميه للجديده
والخلفيه مابعد نزل ..لكن فيه نوع هندي برضو افضل من الوكاله
غير الهندي الى ان تتوفر الخلفيه ياباني

وبالنسبه لـ الكفرات ..فيه دنلوب اذا ضمنت انها يابانيه اصليه
غير وارد الخليج ..فـ هي ممتازه
وباقي الكفرات قريبه من بعض ماتفرق كثير

والريموت تلقاه في بعض محلات برمجة المفاتيح
بس ماادري اذا في القصيم موجود او لا ..
لكن اذا انت تجي لـ الرياض فيه محل في مخرج 15 عند جامع الراجحي

يسويه لك الريموت مع البرمجه بـ 500 ريال
مع العلم انه في الوكاله فوف ال1000 ريال ..!!

وبالتوفيق ...

**اسطورة** · 26-05-2010, 01:56 AM

تسلم ياغالي والله فرحتني بردك الله يوسع صدرك ياغالي

الفحمات كلامك على العين والراس وجبت كل اللي في خاطري .. الله يخليك

بالنسبة للكفرات

كيف أعرف انها اصلية يابانية ..؟ هل فيه علامة ولا كذا ..؟
أنا لدي محل بنشر وكفرات
لكني ممسكها يماني ..
وكلمته بالموضوع .. لكني أثق باليماني .. واريد نوع باسمه كامل وعلامه واضحه عشان ابلغه يجيبها بالملي ..

شكراً لك

**اكورد لؤلؤي** · 26-05-2010, 07:24 PM

^^^
الاصلي يكون الكفر مغلف وعليه استكر الوكيل (بن زاقر)
والخليجي الكفر جاي كذا بدون تغليف

**اسطورة** · 27-05-2010, 01:41 PM

الاصلي يكون الكفر مغلف وعليه استكر الوكيل (بن زاقر)

ياعيني
ايوه كذا اللي ابغا علامه الأصلي
جزاك الله خير

**الـمـسـافـر** · 27-05-2010, 02:33 PM

ما شاء الله ممشى السياره خلاص استهلك الكفر وحقها انك تغيره

طبعا فيه نوعين كويسه اللي هي ميشلان برايمسي (الكفر الصامت عند ميشلان)
والثاني برجستون تورنزا gr-80 والحين نزل نوع جديد gr-90 افضل من السابق

الفحمات ركب للامامي فحمات نيسن يابانيه
والخلفي فيه نوع هندي جيد بـ 50 ريال