اسفسار ضرووري .. الزجاج الامامي

**..حمودي..** · 01-06-2010, 01:04 AM

السلام عليكم

كيف الحال

قدر الله علي وانشعرت القزازة الامامية

وابي اغيرها باحد وكالات الراياض

لان وكالة القصيم مو موجودة عندهم

المطلوب :

1- كم سعر القزازة الامامية للفل كامل تقريبا

2- هل الوكاله يركبونها

3- افضل فرع بالرياض من ناحية التشيك والصيانه والسرعه

ومشكوورين مقدما

**اكورد لؤلؤي** · 01-06-2010, 01:11 AM

حياك اخوي ..

اخوي نصيحه اخويه خل تغيير القزازه الاماميه اخر الحلول ..
اذا غيرت القزازه الاماميه ماعاد تصير سيارتك جديده ..!!
نادر نادر جدا تلقى احد يضبط القزازه الاماميه ..بتسمع اصوات تنسيم ..!

واذا الشطب ماهو قويه ..تقدر تعالجها عند طبيب الزجاج ..وتختفي بنسبه كبيره
لـدرجة انك ماتلاحظها في الليل ..وبرضو تتوقف عن التمدد ..
بس حاول تعالجها بـ اسرع وقت عشان مايدخل فيها وصخ
وحاول تحط عليها شطرطون مؤقت عشان مايدخل غبار ..ولاتغسل السياره قبل ماتروح له
وماتكلفك الشغله اكثر من 100 ريال ..

وبالتوفيق ..

**أبو غيوض** · 03-06-2010, 09:23 AM

كلام اكورد لؤلؤي صحيح 100%

**الـمـسـافـر** · 03-06-2010, 02:18 PM

غير القزازه بـ 450 ريال زي الوكاله عند السالم للزجاج بالرياض وضمان عن التهريب للماء والهواء

**Nice Accord** · 04-06-2010, 06:56 AM

المشاركة الأصلية كتبت بواسطة wesam999_60

كلام اكورد لؤلؤي صحيح 100%

أضم صوتي لصوتكم ...

أنا أخوي مركب قزازه بعدها صار يطلع من عندها صوت تنسيم :(
علما أنه مركب عند السالم ..

**الـمـسـافـر** · 04-06-2010, 01:38 PM

انا قبل اسبوع مركب لسياره الوالد (اليوكن )

والسنه الماضيه 3 اكوردات 2007 مغير قزاز عند السالم وزي العسل .. مع ضمممممممان

**ياما نسيت** · 04-06-2010, 03:28 PM

يا اخوان الزجاج الأمامي مهم جدا

لاتحاول تغيره الا في اضيق الظروف مثل ماقال اخواني اللي فوق

انا غيرت الزجاج الخلفي تجاري وغيرت الزجاج الأمامي أصلي من الوكالة وعندها 1400 ريال الأمامي فقط لكن مو مثل حق بلدها تمخش على طول من الرمل والمساحات لعبت فيه

لكن افضل من التجاري الخلفي اللي مركبه عند الصناعية

صدقني التجاري بيشقق عليك الطبلون لأنه يجمع الحرارة على الطبلون
انا جربت وحطيت شريط تحت الزجاج الخلفي وشريط تحت الزجاج الأمامي
بعد التغيير طبعا لكلا الزجاجين

الشريط اللي ورا ماكمل ساعتين الا وهو متسفط ومتعفط واللي قدام ماتغير ابدا

اخي الكريم روح لدكتور الزجاج يصلحونه لك بطريقة جميلة وراح تمر من الفحص بدون اي مشاكل
ولن تندم أبدا