كسر في الزجاج الامامي لاكورد 2008 ابي حل تكفون

**zeyad** · 18-06-2010, 05:55 PM

السلام عليكم

كنت طالع مشوار ويجي قدامي سياره وتطلع من كفراته ذررره حصاه وتجي على القزازه الي قدام
في الزاويه وتكسر واقصد في الكسر الي حد وكل يوم يزود

ورحت لمحل قزاز قلت سو لي حدود عليها عشان مايزود قال رح للرياض ويزينون لك القزازه
لانها حرام قزازه وكاله وتغير وووو

وابي استشيركم وين افضل مكان في الرياض يصلح الكسور

وكم سعر القزازه الاماميه في الوكاله او احد الموزعين

**amer09** · 18-06-2010, 06:22 PM

السالم في الصناعية القديمه

رح عنده وهو بيضبطك شغله 100%

**الـمـسـافـر** · 18-06-2010, 06:33 PM

القزازه قيمتها فوق الـ 1600 ريال بالوكاله

بالمحلات قيمتها 450 ريال صناعه وطنيه

الحل انك تجي للرياض بالصناعيه فيه محل دكتور الزجاج .. طبيب الزجاج يلحم لك الكسر ويختفي بنسبه 85%

بس المفروض ماتتاخر عليهم وتحط شطرطون شفاف على الكسر عشان مايدخل غبار .. تعال بدري صلحه

**اتحادي** · 18-06-2010, 08:02 PM

انا اشوف التجاري ركبته نوعه فنلدي او قريب من دي الدول

قيمته 350 و ضمان سنه على التركيب و الحمدالله الان مركبه ليا فتره طويله و ما اشتكيت من شي

**الشمــــالـــي** · 18-06-2010, 08:08 PM

اذكر فيه محل على خريص
اسمه دكتور الزجاج

رحله وإن شاءالله تنحل مشكلتك

**Abdulmajeed** · 18-06-2010, 08:10 PM

دكتور الزجاج أنا مجربة ونتيجة عجييييييييييييييييييييييييييبة .. انصحك وبقوة ..
تكلفك من 80 إلى 140 على حسب حجم الكسر (التشعّر) ,,

**ABU ABDULLH** · 18-06-2010, 08:16 PM

بالنسبة لقيمة القزاز سألت في الوكاله حصلته بـ 2800 ريـال مع التركيب

**zeyad** · 18-06-2010, 10:30 PM

كثرالله خيركم ماقصرتو

بس ابي مكان دكتور الزجاج وين محله بالظبط
وكم مده التصليح وهل اذا كان التشعر من بدايه لين وسط القزازه تصلح تتوقعون

**الـمـسـافـر** · 19-06-2010, 12:18 AM

المفروض ماتتاخر عليهم وتحط شطرطون شفاف على الكسر عشان مايدخل غبار .. تعال بدري صلحه

انت صلح اللي قلت لك عليه واذا جيت للرياض دق علي اوصف لك اسهل من السواليف

ارسل لي تذكير ورقمك ع الخاص

اتمنى من يعجبه ردي ان يضغظ على شكرآ لك

شطحه برا الموضوع : انت تطلب من الناس تشكرك وانت ماشكرت احد خصوصا بهالموضوع

**المباشر** · 19-06-2010, 03:23 AM

وفر فلوسك ومر على دكتور الزجاج في البداية وشف وش يقولك والمسافر ماقصر بيض الله وجهه جاهز يخدمك

**zeyad** · 20-06-2010, 12:06 AM

المسافر ترا التوقيع قديم بالحيييل وناسي كيف طريقه الشكر

مانيب مرابط في المنتدى

وش السالفه شباب لازم يعني اجيكم وتدلوني ههههه يعني هذا المحل ماله لوحه ماله شي

**الـمـسـافـر** · 20-06-2010, 01:29 PM

المحل بالصناعيه القديمه قبل اشاره السالم للزجاج وانت جاي من طريق الخرج (العزيزيه)

**zeyad** · 20-06-2010, 04:22 PM

طيب لو انا جاي من الشمال

خلنا نقول من طريق الملك فهد شمال

**كوكو2008** · 20-06-2010, 08:39 PM

افضل حل لاركبت القزاز الامامي وانت راعي خطوط ... تضلله عازل حراري شفاف ... يحمي لك القزاز ويقويه شوي من الحصى الصغير اللي يتطاير بسبب كفرات السيارات الي قدامك .... وغير كذا حط في بالك ان صوت الهواء بيكون اقوى لاصرت مركب قزاز تجاري ...

**متصفح** · 20-06-2010, 08:45 PM

الشباب ماقصروا معك ...سجل عندك نصيحتين سفري

نصيحه لا تتاخر بتصليح الكسر لانك لو تاخرت اثار الكسر ماتروح نهائياا لان يدخل في الكسر ذرات غبار

ولو صلحته بدرري تروح الاثار بنسبه كبيره

نصيحه ثانيه ...احتفظ بورقة الاصلاح معك عشان اذا جيت تفحص السياره

بعد وقت طويل وفي اسوأ الضروف يجيك واحد نشبه يقولك غير القزاز عشان الكسر توريه الورقه ...وسلامتك

طبيب الزجاج فرع جده مسوي عنده كسر طوله شبر ونص (وحده قياس جديده) وعليه ضمان وشغلهم ممتاز

**tloooooly** · 20-07-2010, 12:44 AM

شباب انا يوم ضللت القزاز الامامي صار فيه خدوش هل فيه محل يصلح هالخدوش ول لا .. وشكرا

**العشاق** · 20-07-2010, 11:01 AM

في محل يحط لك ماده زي الصمغ ويجيب شي زي المقص وبعدين يسحب الماده بطريقه غريبه وبعدين يختفي الكسر الموجود ولا كأنه صاير اي شي .. ويكلفك 100 ريال بالضبط انا صارلي نفس الي صارلك بالضبط لكن المحل بالمنطقة الشرقية للأسف :( ..

والله يكون بعونك ياااارب ....

اخوك / العشاق