ياشباب .. رائحة كريهه في السيارة بعدما أشد على المكينه !!
السلام عليكم
ياعالم
انا سيارتي 08
وماكانت فيها هذي المشكله
وانا ماكنت اشد عليها كثير
لكن بعد مابلغ عمرها السنتين قلت خلني اشد عليها شوي
المهم الان اذا شديت على المكينه بعدها بـ دقيقتين والا حولها تصير جوا الغماره ريحه كريهه
كانو شي يحترق
وش السالفه ؟
موضوع آخر .. ظهرت عندي اصوات الاقمشة
كيف اعرف هذا امامي والا خلفي اللي اخترب ؟
شكراً
المشاركة الأصلية كتبت بواسطة uo8
وعليكم السلام
والله صراحة ما أدري
لكن يمكن بسبب :
1) الضغط الزائد على القير والمكينة .( rpm عالي جدا ومتواصل )
2) كيسة >> لاصقة " ذايبة " على الهدرز أو الشكمان .
3) شيك على الزيوت " يمكن الزيوت ناقصة أو فيه تهريب " ( وينقط أو يصب ) على شيء حار
------
ثاني شي :
صوت الفحمات
يا أخوي ركّز وبتعرف ( وشوف الفحمات الأمامية والخلفية " اللي كثير متآكلة ممكن الصوت منها " )
أو فيه أوساخ وتحتاج تنظيف وتشحيم
عفواً
ان شاء الله افدتك
>>>سهران و تعبان
صح نسيت أقولك
ترى ما يصلح ( تشد على الموتر فجأة ) وأنت مدلعه
تحتاج تمرين بسيط وبالتدريج
--------------------------------------
مو تدلعها سنتين وبعدين تحرق القير وتفجر المكينة .. فجأة :d وتعدمها لا سمح الله
بالعكس حافظ عليها واعمل لها صيانة دورية
عشان تدوم فترة طويلة بأذن الله
ألف ألف شكر
بس والله ما وصلت لفكرة معينه بخصوص الريحه اللي في السياره
وبخصوص الشد .. مو على طول يعني مره والا مرتين اذا واحد رفع ضغطي وابي اتجاوزه < القير تمتييك
يعني مو طول اليوم .. ولا تظهر الريحه الا في هالحاله بس ..
بخصوص الفحمات والله تعبت ياخوي .. والله سلمت على الجدران من كثر ما اقرب عليها
ومره افتح الشباك الامامي ومره الخلفي ,, وكلها اصوات
اخي الكريم فيه امور كثيرة جدا تجعل هنالك روائح احتراق ولاكن بعطيك نقاط ركز عليها وهي الكزوز يمكن الاكزوز فيه تنسيم ويحرق عليك الفرشات الداخلية بمعنى يمكن من عند دبة التلوث ويحرق الفرشة الي تحتك او عند القير او يمكن الي ورى او في الشنطة شيك على الاكزوز من الى ورد لنا وش يصير معك ولا تتاخر لانها تسبب حريق هائل جدا
اذا فيه تنسيم بالقزوز>العادم< الشكمان.. تدخل ريحة الكربون عليك داخل السياره مع الدعس
ألف ألف عفو
الله يعينك ... نصيحة افحصها كويس لا تهملها ,, لأن بعض الخرابات اذا تركته يخرب عليك أشياء ثانية ( خراب يجر خراب )
حاول ما تدعس للمكينة على الآخر " خصوصا " وانت واقف
الله يعينك ..
ياشباب السياره سليمه .. يعني اقصد مو كل الوقت ريحه
يعني بس اذا شديت على السياره وانا مسرع في خط
اخوي سلفر يعطيك العافية .. في حياتي ما دعست على الموتر وهو واقف .. اموت انا في حنته
ياخوي الاكورد هذي نعمه تبيني اخربها ..
هاذا اخي الكريم اذا كان قبل دبة التلوث يعني الهاد لاكن اذا تحت لا بعطيك مثال اذا الشق في الدبة الخلفية بتجاه علوي يصير الحراق من الشنطة الخلفية الفرشة
اخوي العزيز
اللحين بدأت أواجة نفس مشكلتك بخصوص الريحة وهي عند المشي على سرعة 160 /150
أتمنى انك وجدت الحل لافادتنا
الموضوع قديم بارك الله فيك
راح اجاوبك تاكد من غطاء الدوده خلف دعسه البريك من اسفل
لان لماتفتح الغطا فيه ربله دائريه
بعدماتفتح الغطا بتشوف الربله لان ممكن انتا سويت اصلاح للدوده والربله موراكبه صح وسببت الروائح..
الموضوع قديم بارك الله فيك
راح اجاوبك تاكد من غطاء الدوده خلف دعسه البريك من اسفل
لان لماتفتح الغطا فيه ربله دائريه
بعدماتفتح الغطا بتشوف الربله لان ممكن انتا سويت اصلاح للدوده والربله موراكبه صح وسببت الروائح..
حياك الله اخوي
وشاكر لك ردك يالغالي
بالنسبة لي انا لم اعمل اي اصلاح
لكن بجرب حلك وارد ان شاء الله هنا
انا عندى نفس الرائحه وكنت اتوقعها من الدخان وكذا
الله يعينك ويعيننا وموفقين
شي يحير بصراحه
ههههههههههههه من جد حاصله معي لما اشد عزم تجيني ريحه شي محترق ووسوسه الشباب الي يقول اللتماسات ومدري وش
حتى شكيت ان في كيس ناشب تحت ومحترق من الحراراه دخلتها حفرت زيت وشيكت بس مافيه وموتري 2012 ماشي 11 الف بس بالاخير طنشت السالفه والا الا الان مالقيت حل لها
، وانا بعد نفس الطريقه .. لاشحطت الموتر وزدت بالسرعه شوي طلعت نفس الريحة مع ان موتري 12 !!
بس اتوقع انها طبيعيه دام كلنا نفس الوضع !!
والا شوفوا لنا حل ،
--------------
سالفة عادية ..
ريحة المكينة موجود في اغلب السيارات وخصوصا الي اصحابها مو حقون دعس وكرف ..
وفجأة صارت السيارة في يد واحد شد عليها شوي , معروفه بتطلع ريحتها ..
وشوف الكامريات , العن ما ريحتها ماقد مر علي ..
عن اخوي كامري يمشي فيها نظامي وأظن 110 ماقد تعداها , اذا اخذتها انا وشديت عليها شوي تصير ريحتها معفنه ..
ولاحظتها في اكثر السيارات .. الا الاليمه المزيونه الي في التوقيع .. بسم الله على قلبها
رد رائحة كريهة تخرج عند التسارع او الضغط على السيارة
السلام عليكم اخي انا اعلم ان الموضوع قديم لكن سوف ارد على الموضوع لكي يستفيد من يقراء الموضوع انا سيارتي كيا اوبتيما 2011 كنت عندما اسرع تخرج رائحة احتراق جدا جدا قوية وبحثت في جميع المنتديات ولم اجد حل ذهبت الى اقرب ميكانيكي واتضح ان المشكلة كانت في سير المكينة كان قديما وهو السبب في رائحة الاحتراق المزعجة فقمت بتغير سير المكينة وانتهت رائحة الاحتراق المزعجة
ضوابط المشاركة
رد مع اقتباس
مواقع النشر (المفضلة)