الفرق بين كراسي المكينة وكراسي القير ؟؟
السلام عليكم ....
أنا سيارتي أكورد 2007 6 سلندر .... السيارة إذا كانت في الـ p أو الـ n مايكون فيها هزه أبداا حتى لو كان المكيف شغال ...
لكن إذا كانت في الـ d تكون فيها هزه خفيفة جدا وتزيد إذا شغلت المكيف ... ماتحس بالهزه إلا إذا مسكت الدركسون ... :(
لكن إذا كنت راكب ماتحس بأي هزه نهائيا .... اللي قاهرني السيارة ماكانت كذا يوم شريتها ... كانت طبيعية جدا ...
سؤالي هل الهزه اللي في السيارة من كراسي المكينة أو القير .... السيارة ممشاها 138 ألف ولا قد غيرت أي كرسي ...
شكـــــــرا ً ....
ممكن من كراسي المكينة أو من كراسي القير أو من الاثنين أنا مغير ثلاث كراسي للمكينة وكرسي للقير
بس كانت الهزة قوية مره ..... ممكن اللي خربان عندك مو الكراسي ممكن الثروتل يبغاله تنظيف
أو ان الكراسي بأول خرابها
أحسن حل توديها ميكانيكي فاهم يشوف من وين الخراب
أتمنى اني أفدتك.....
يعني مامرت على أحـــد من الأعضاء !!!
ماشاء الله تبارك الله .. انا ماشي 103000 ومغير كراسي المكينه مرتين على الضمان :dالسيارة ممشاها 138 ألف ولا قد غيرت أي كرسي ...
..
....
إن كنت تبغى تتأكد إنه في حاجة في الكراسي كامله فك الكبوت وطالع في الكراسي وخلي حد يحط على الدي وهو ضاغط على الفرامل ويدوس بنزين شويه ويرفع رجله ركز على جلود الكراسي حتبين إن فيها شي .
غير الكراسي كلها وارتاح
واذا تبغا تجرب جيب لك حديده وحرك المكينة اذا تحركت بسهولة تعرف انة كراسي خربانة
واذا انك بتغير كراسي خذ لك كراسي رياضيه وارتاح لك وللزمن
من شركة هاس بورت او انيفويت او غيرررررررررررها
هلا اخويالمشاركة الأصلية كتبت بواسطة الـمـسـافـر
والله لو تاخذ كراسي رياضيه صدقني تنسي شي اسمو تغير كراسي
تحياتي لك
^^^
اخوي انا اول مره اسمع عن كراسي المكينة الرياضيه ..!!
يليت تدلنا عن مكان بيعها في الرياض وسعرها وبكون لك من الشاكرين ..
وليش هي رياضيه ..يعني وش فرقها عن الكراسي العاديه ..؟؟
لان والله عذبتنا كراسي الهوندا تخرب بـ استمرار
يمكن عشان تعليق الهوندا قاسي شوي ..فـ المساعدات ماتمتص الضربات
وتجي الضربه على طول على الكراسي ..فـ تخرب بسرعة مع شوارعنا
...
اخووي انا عندي لك حـــل
ومره مقنع انشالله وراح يبين لك اذا عندك كراسي المكينه أو لا
شف ودها لورشه وخله يرفع المكينه على عفريته
وعشق القير على d وشف تروح الرجه او لا
انا صار معاي كذا
واذا صارت المشكله بالكراسي ولازم تغيرها
انا انصحك تاخذ القطع من الوكاله نفسها
لاتروح لا لفلان ولا لعلان
انا رحت للمحل اللي مسوين له أعلان هنا بالمنتدى
وانغشيت وعطاني كراسي مكينه مو اصليه 100%
الكراسي اللي اخذتها قااسيه مره
اما حقت الوكاله لينه اكثر من هذي
نفس المشكله والله للا كن الي عندي 4
الله يعطيكم العافية ياشباب ... بس سؤال أخير
كم سعر كرسي المكينة وكرسي القير ؟؟ ( الحبة الواحدة)
>>>up<<<
بكل بساطة كراسي المكينة هي الي اعرفها 3 اما اذا كان فيه واحد رابع ( العتب علي النظر)
كراسي المكينة تكون تحت المكينة و سبب خرابها الاول هو الحفر و المطبات و بالاول و الاخير ( الي يفكر انه معاه جيب ربع و يجلس يطامر بالشوارع بدون ماينتبة )
تكلفة التغيير بالوكالة 2000 ريال ، و السيارة تاخذ يوم ، لكن ممكن اذا سيارتك ماعليها ضمان او شي انك تاخذ الكراسي اصلي من الوكالة و تطير علي ورشة موثوق بها و تركبها و تحط الباقي بجيبك
و كراسي الجير عادي انا شفت بعض المواضيع تقول انه سعر الكراسي رخيص و تركيبها ارخص ( شغل وكالة )
و قبل اي شي جرب تنظف الثروتل بدي ( المنطقة الي بين انبوب فلتر الهواء و المكينة ) ولا تنسي تفصل البطارية قبل كل شي و شوي شوي علي الحساسات
و بالاخر اذا كانت سواقتك هادية انسي موضوع الكراسي ، وجرب تنظف الثروتل بدي <<< دايم انظفة و تعبت منه و تركتة ( نظرا لجونا الباريسي الي مافيه غبار )
وهذا رقم الوكالة ( طريق المدينة - جدة ) 026621500
شكرا ياصديقي
كراسي المكينة والقير تجي طقم عند الوكالة ب1670 ريال قبل اقل من شهر السعر ذا
وتقدر تاخذ خصم 20 % على السعر وشغل اليد اذا صلحتها بالوكالة ... بس الوكالة حررررامية
وعند الموزعين (محلات قطع الغيار) ب1600 وتقدر تاخذها ب1550 اذا كاسرتهم صح
نصيحة خذ الكراسي من الوكالة وركبها عند ورشة محترمة
وموفق ان شاء الله
ضوابط المشاركة
رد مع اقتباس
مواقع النشر (المفضلة)