الموضوع: صدمت بموتري ماتهنيت فيه .,’ :(

الحمدلله على سلامتك ..

وان شاء الله هواااين ..

والله ما ادري بالتسعيرات ..

بس ان شاء الله ماتكلف عليك ..

مدري يمكم افيدك .,

فيه عضو اسمه (عمري اكورد)
عنده وجهيه للأكورد سته سلندر .,

لاكن الي اشوفه ., كبوت و رفرف ., سمكره ., والاصقعه الي ورا سمكره .
وجهيه يبلها تغير ., والاسطب الايمين ., يبيله تغير. ,


بعطيك سعر من راسي ., ( 6000ريال ):(

الحمدلله ع السلامه...
ان شاء اخر الاحزان

صار الحادث ع طريق جابر عند الدوار الثاني مقابل ليلة حياتي صح ؟:d

ماتشوف شر

شوف يا خوي

اذا بتنزل السيارة الوكالة بيصكوك بمبلغ و قدرة ..... ريال

لكن الافضل و الاحسن و الاروع و الاجمل و الاكمل :d

بوجهك على التشاليح .. خذ لك الحاجات الخارجية الي تكسرت ( شمعة - صدام امامي - بطانة كفر ) ولا تنسى قاعدة الشمعة تجي معاها من الوكالة يعني غصب بيعطوك هي بالتشليح

بالنسبة للقطع المكانيكية .. خذها من الوكالة ولا تفكر تاخذها من التشليح ابد

لا يهمك لو كانت اي لون ، لانها كذا كذا بتنرش على لون سيارتك ، اهم شي لا تكون القطع الي بتاخذها متضررة يعني محكوكة او مقطوعة او او او .

اما الصدام الخلفي .. يتصلح و يترش

الحمدلله على السلامه في الحديد ولافيك يالغالي

السلام عليكم ورحمة الله
معافا ياخوي وانشالله بسيطه وتساهيل
بالنسبه ياخوي عبدالله هاشم مسوي عروض على قطع السمكره بخصم 25 %
يعني جلده صدام امامي بقيمة 662 ريال تطلع عليك بعد الخصم ب 497 ريال
وعندك علبة الدركسون بقيمة 312 ريال بلياتها مجانا
وعندك جلده تحت الشمعه بتكلف 114 بعد الخصم 96 ريال
وعندك الطامه الكبري اللي هي الشمعه الله يعينك بتكلف 2600 ريال ماحبيت اصدمك بس ذا الواقع
الا اذا بغيت تجاري بتطلع عليك 382 ريال صيني اما التايواني بـ 432 ريال
عندك الخلفيه كأني شايف حساس فيه
اذا فيه حساس والله مادري بكم لكن الرش الطيب بيكلفك 280 ريال كامل الجلده طبعا
وكمان رش جلده اماميه بـ 300 ريال
الشبك اعتقد سليم
والله يعينك انشالله
اعتقد بتكلف من الي حول 4000 الى 4500 قطع اصلي طبعا
الشبك تري 780 اذا كان تعبان عندك
الرفرف سمكره كفايه
وفي الختام ابنصحك نصيحه ابعد ابعد ابعد قد ماتقدر عن التشاليح
لانك بتدوش راسك وانت مالقيت قطعك واذا لقيتها اول مايروح في الحوادث الوجهيه بتلقاها تالفه
واذا فرضنا ولقيتها بتلقاها بناااار مولعه غاليه ترى حراميه التشاليح
روح الوكاله ارخصلك حتي لو زادت 50 او 100 قطع جديده نظيفه
والله يسرلك انشالله

اخوي تعديل بسيط قيمة الشمعه 802 ريال فقط اصلي
وبالتوفيق

الف الف حمدلله على السلامه



في الحديد ولافيك

لكن اتوقع التشليح احسن

ألف الحمد لله على السلامه يا شيخ

وإن شاء الله آخر المكاره يارب

بالنسبه للوجهيه أنا أنصحك تغيرها كامله

يعني عندك الكبوت والرفرف والشمعه والشبك والصدام الكشاف

الكبوت والرفرف لأن صار فيها كسر اللي هي صاير زي الثنيه قويه

ولا أنصحك تسمكرها إلا إذا تعرف لك ورشه محترمه تسويها لك

بالنسبه للصدام الخلفي سو له سمكره بس

والإسطبات الخارجيه زي ماقال لك أخوي المسافر

خذ لك إسطبات ليد أرخص وأحسن من إسطبات الوكاله شكلاً

بالنسبه للبطانه غيرها

وأنصحك تاخذ كل شي تشليح بتحصلها بالهبل

وأرخص لك ولو تاخذها من محل واحد بعد بيعطيك خصم زين إن شاء الله

علبة الدركسون خذها وكاله أحسن أو من محل النعماني بيراعيك ان شاء الله

لأن القطع اللي عنده وكاله




والله لا يوريك مكروه إن شاء الله


الحمد لله إنك سالم هذا أهم شي الحمد لله




إحترامي لك

ماتشوف شر يالغالي
الحمد لله جت على كذا
بالنسبة للقطع غيار لاتاخذ إلا من الوكالة
في ورشة ممتازة في صناعة الدائري الشرقي مخرج 18
شغلهم صح إسم الورشة مركز وفاء

الف حمد لله على السلامه

في الحديد ولا فيك

بعطيك نصيحه

سيارتك جديده حرااام تشتري قطعها من التشاليح

رح ياعمي وخذ القطع من الوكاله وشوفلك ورشه محترمه

والله يعوض عليك

الحمدلله على السلامه في الحديد ولافيك يالغالي

الحمدلله على السلامه في الحديد ولافيك يالغالي

اخوي الله يعينك على الأسعار لانك بتنصدم منها انا قبل فتره يمكن شهر ونص سار لي حادث ونفس مكان الصدمه من قدام بس اقوى بشوي اكتشفت لمن وديتها الدنمو خربان و الشاصيه انعوج والكمبيوتر مادري ويش يسموه انعدم شوي وكلفني تصليحها 18 الف ولو تبي صور لها ماعندي اي مشكله طبعا اشان تقارن

الحمد لله على السلامة وماتشووووووووف شر انشالله
اتوقع ماتتعدى انشالله 6 الاف اذا غيرت القطع وكالة
وهونها والله يعييييييييييينك

تسلموون جميعا لبى قلووبكم
الله لايخلينا
وبوافيكم لا صار شي جديد

ماتشوف شر
الحمدلله على سلامتك
عين وان زالت
الحمدلله ماطلعت الارباقات
وفيها نسبه من حادثي

حمدالله ع السلامه وفي الحديد ولا فيك والحديد معوض
والله يهون عليك وهم ويزول وترجع ايام اكوردك بس طول بالك ولا تستعجل

الحمدالله على السلامه ونشالله ماتشوف شر والله يسهل لك امورك

معوض خير ان شاء الله ...

إذا انت مأمن على السيارة لاتودها غير الوكاله ...اتوقع تكلفة الإصلاح راح تكلف تقريبا 15 ألف ...

لكن إذا مانت مأمن اشتر تشليح وريح راسك ...

الحمد لله على السلامه والله يعوضك خير

وماقصرو الشباب يعطيهم العافيه

هلا عزيزي

الف حمد لله على سلامتك و أخر و أكبر البلا أن شاء الله

النفترض تكون مأمن السيارة " شامل " ؟؟

أو على الاقل تأمين " سند بلس " أبو 750 ريال - على ما أذكر أو حولها - اللى يغطي حتى 10 الاف ريال من أي حادث

يا شباب لا تتهاونو في تأمين مواتركم ترى الشوارع صارت زحمه و مكتظه مو مثل قبل 10 سنوات

و الحوادث تصير بسبب أو بدون سبب و كله بسبب الزحمه

أشوف " سند بلس " عند" التعاونيه " جداً رائع

أما عن سيارتك فأنصحك تمر الوكاله تاخذ " سعر تقريبي " لتكاليف الاصلاح , يمكن يكون سعرهم قريب لسعر الورش ما تدري

بعدين الاسعار تتغير من فتره لفترة , وأحياناً تتفاجأ من أن سعر الوكاله أقل مما توقعته

جرب مرهم بصور موترك مو خسران شي

و عموما , أنت أكيد راح تغير 3 حاجات لأنها ما تتصلح :

- الصدام / - النور / - الشبك

الكبوت و الرفرف تنرش

كان الله معك

SAMiR

الحمدلله على سلامتك

الله يعوضك اخوي