رد مع اقتباسيعطيك العافية على الشرح ممتاز جدا
بس انت اضفت صور للموضوع لانه مو طالعة عندي ؟
شكرا
تركيب كشافات اكورد 2007
بسم الله الرحمن الرحيم
السلام عليكم ورحمة الله وبركاته
اخباركم شباب ؟...ان شاء الله تمام
انا اليوم حاب اعرض عليكم تجربتي لتركيب الكشافات بنفسي لموديل 2007
ادري الموضوع جاي متاخر شوي لكن حبيت اوريكم ان الشغلة بسيطه وما تحتاج اختراع
بداية الموضوع اني طلبت من اخونا aen alshqa يدور لي في تشاليح بريدة عن العصا الانوار اللي يجي فيها الفاصل تبع الكشافات
وهذا رابط الموضوع
http://www.hondaarabia.com/club/showthread.php?t=37402
وما قصر الله يعطيه العافية وفرها لي خلال 3 ايام جزاه الله خير
###
نبدا بعرض الاحداث من اول ما استلمت الطرد اللي فيه الفاصل
وعلى طول فتحت الطرد شفت معذبي اللي من 5 شهور ادور عليه من تشليح الحاير الى تشليح الدمام وما لقيته
الحمدلله اخيرا صار معي
ومن هنا نبداء عملية الفك هذي اول مسمارين راح نفكها ونقدر نحرر العصا من القطع الزائدة اللي معه
ثم نفك السلك الموصل له وذلك بضغطه من اليمين لليسار وسحبه للخارج
ثم تسحب العصا للخارج
الحين صار جاهز للتركيب على السيارة
نبدأ بفك الديكور اللي خلف الدريكسون
حاول افك العصا من خلف الدريكسون ما قدرت بسبب الديكور اللي اسفل الدكسون ما عرفت افكه
زعلت لاني وعدت الرجال اللي جاب لي القطعه اني اتاكد اذا القطعه شغالة او متعطله
وكان ضروري ارد عليه في نفس اليوم:(:(
وجتني فكرة قلت يا ولد اش رايك تفك بس السلك تبع الوكالة وتركب سلك العصا اللي فيها الفاصل وتجربها
وتمت التجربه
اشتغلت الكشافات الحمدلله
انا تطمنت ان القطعه شغالة ورحت عطيتها احلى نومه وفي الصباح تمددت تحت الدريكسون وشفت مسمارين وقلت هذول اكيد اللي ماسكين الديكور وبالفعل فكيتهم وقدرت ابدل عصا الوكالة
بالعصا اللي فيها فاصل الكشافات
اترككم مع الصور
out
welcome
وتم تركيب كل شئ مرة ثانية وتم العمل بحمدالله
وبعدها شربت نص كيلوا موية من الشمس <<<لا حول ولا قوة الا بالله
طبعا نسيت اقولكم
الاكورد الفل يجي فيها الاسلاك جاهزة من الوكالة (من العصا الى حد الكشاف)
ولكن بتحصلوها مغلفة في أكياس اسود علية تيب ازرق
الكشاف اليمين مكان السلك تبعة جنب الرديتور يمين اللوحة حقت السيارة (خلف الصدام بالضبط)
فكها من اكياسها وتحصلها على طول
سلك الكشاف اليسار على طول تشوفه اول ما تفتح الغطاء الاسود اللي في الصدام
وهو ايضا مغلف باكياس سوداء وعلى طول فكه من الاكياس وقم بتوصيله الى الكشافات
طريقة تثبيت الكشافات على الصدام تكون حسب الكشاف اللي انت شارية اذا البيضاوي على طول مسمارين وهو راكب
اما اذا اخذت الكشافات المستطيلة بتحتاج قص وتخريم عشان تثبته
اتمنى اني وفقت في شرحي
واذا اعجبك الموضوع ارعص شوكرن
مع تحيات اخوكم
ACCORD790
يعطيك العافية على الشرح ممتاز جدا
بس انت اضفت صور للموضوع لانه مو طالعة عندي ؟
شكرا
تم تعديل الصور
وتقدر تطلع على الصور في البومي
http://www.hondaarabia.com/club/album.php?albumid=979
ألف شكر لك عالموضوع المميز وتقرير جدا ممتاز والأحلى إنك مسوي الشغلة بنفسك وبجد الشغلة سهلة وما يحتاج لها شغل كثير..
يعطيك العافية على مرورك
وردك هو الاحلى
الله يعطيك خيرها
ابداع ما شاء الله
يعجبني اللي يشتغل بنفسه
الله يعطيك العافيه
تقرير مميز ومجهود تشكر عليه
تحياتي..
يعطيك العافية ع التقرير الجميل ..
بس كم كلفك سعر القطعه من الرجال .؟
يعطيكم العافيه يا شباب على المرور
وردودكم نورت الموضوع
بالنسبة لسؤالك يا مجوووودي
اطلبها من الرجال وان شاء الله مو مقصر معك
هو بيدور لك ويعلمك اسعارها
يمكن يلقها عند التشليح الاول ب600 والتشليح الثاني ب250
بتفرق معاه وهو يدور
انت جرب حظك وان شاء الله ما يقصر معك
ماشاءالله عليك مبدع
يعطيك العافية على التقرير
انت المبدع بردك
يعطيك العافيه على المرور
بارك الله فيك , واحسن الله عزاك << بالقطعة القديمة :d
وألف مبروك على العصا وظهور العلامة بالطبلون
بس تصدق لو حصلت القطعة حقت الكشافات لوحدها كان افضل بدل التحكم كله! (لأنه راح يطلع ارخص بكثير).
:(
الحمدلله اني لقيتها يا صقيقي
ويعطيك العافية على المرور
ونورت الموضوع بردك
تسلم الله يسعدك يا بطل
لو فيه شي أكبر من شكر كان أعطيناك إياها
بس الله يجزاك كل خير
مبرووك يالمحمد .. ولحين الموتر فل كامل ..
يعطيك العاافية ..
يعطيك العافيه
على التقرير الاكثر من روعهـ
مشكور اخوي ع التقرير بس بغيت اسألك
هل اقدر اركبها ع الاكورد 2003 سووح السوح ؟
مشكورين على ردودكم اللي تحمس الواحد
ودي انزل تقرير عن طريقة توضيب المكينه في البيت<<<<اقعد منت بهين:d
اكورد سهم 3
احرجتني بسؤالك بالنسبه للموديلات السابقة اقصد 2005 وتحت حاول تتاكد هل الاسلاك موجودة
وانا حطيت لكم صورها فوق
اذا موجودة توكل على الله وركب وانت متطمن
اما اذا كانت ليست موجودة بتحتاج تمدد لها اسلاك من السكن وتضبط امورك
لكن دور على كهربائي شاطر لا يحوس لك الشغلة
وبالتوفيق
تقرير جميل يعطيك العافية
بس سؤال طاير الحين انت مركب كشافات تجارية؟
اذا ايه ركبَت عليها اسلاك الوكالة على طول؟
لأن انا مركب كشافات تجارية وماشغلتها قاعد ادور لي عصا لحالها تهقى تضبظ
كشاف تجاري + عصا اصلي = تشتغل الكشافات عندي
ايه انا مركب كشافات تجارية
صيني ب180 ريال
وركبتها على طول على اسلاك الوكالة
انت اللي ناقصك العصا فقط وتشتغل عندك بإذن الله
يسلموا على الرد
المشاركة الأصلية كتبت بواسطة Accord <3
راجع هذا الموضوع راح يفيدك كثير.
http://www.hondaarabia.com/club/showthread.php?t=20484
تقرير جميل يعطيك العافية
بس سؤال طاير الحين انت مركب كشافات تجارية؟
اذا ايه ركبَت عليها اسلاك الوكالة على طول؟
لأن انا مركب كشافات تجارية وماشغلتها قاعد ادور لي عصا لحالها تهقى تضبظ
كشاف تجاري + عصا اصلي = تشتغل الكشافات عندي
موديلات 06 - 07 مجهزة ومدد لها اسلاك يعني كل إلي عليك تشتري كشافات سواء اصلي او تجاري وتركبها
مع الفاصل , الفاصل تقدر تركب إلي جاي مع الكشافات التجارية لكن راح يمدد لها , وانت بوضعك هذا ماتحتاج لأي تمديد فقط تبديل الفاصل , بفاصل مع كشافات , وتركيب كشافات.
(على فكرة الأسلاك إلي تجي مع الكشافات التجارية ماراح تحتاجها ابد)
:(
باذن الله باركبها قريب ايضا وتسلم على التقرير الرائع
قريبا اكيورا فخر صناعة هوندا الامريكية على هوندا العربية
اكيورا RLX 2013
موديلات 06 - 07 مجهزة ومدد لها اسلاك يعني كل إلي عليك تشتري كشافات سواء اصلي او تجاري وتركبها
مع الفاصل , الفاصل تقدر تركب إلي جاي مع الكشافات التجارية لكن راح يمدد لها , وانت بوضعك هذا ماتحتاج لأي تمديد فقط تبديل الفاصل , بفاصل مع كشافات , وتركيب كشافات.
(على فكرة الأسلاك إلي تجي مع الكشافات التجارية ماراح تحتاجها ابد)
هذا بلا ابوك ياعقاب الفاصل الأصلي
انا مركب كشافات تجاري بس يوم قالي تمديد اسلاك وغيره هونت ماشبكتهم
لأني ادري تجي اسلاك وظفيرة جاهزة في السيارة عاد الحين ناقصني العصا لحالة
الي يخبر لي عصا يدلني وبعطيه السعي:d
هذا بلا ابوك ياعقاب الفاصل الأصلي
انا مركب كشافات تجاري بس يوم قالي تمديد اسلاك وغيره هونت ماشبكتهم
لأني ادري تجي اسلاك وظفيرة جاهزة في السيارة عاد الحين ناقصني العصا لحالة
الي يخبر لي عصا يدلني وبعطيه السعي:d
الله يوفقك وتلقى العصا
شد حيلك
ضوابط المشاركة
مواقع النشر (المفضلة)