صوت غريب والسياره بارده

**ابوهشام** · 04-08-2010, 02:00 PM

اعتذر على التأخير لأن السياره كانت في الورشة وذلك بعدمعاناة دامت لمدة اسبوع وقصتي طويلة مع هذي الورشة ولكن الحمدلله العملية نجحت بسلام وباختصار شديد إليكم التقرير التالي عن الخراب إلي معي :
1- تم تغيير لي الدركسون لأنه كان فيه تهريب وقيمته 923 ريال عشان ما تخرب علي العلبة بأكملها وقيمتها 3000 ريال بعد الخصم
2- تم تغيير سير التيمن مع الشدادات الثلاثة وتكلفة القطع 1250
شغل اليد لما سبق 250 ريال
أما بالنسبة للصوت إلي عندي لم يكن من الأشياء السابقة وتم اكتشافه عندما قام المهندس بتركيب سير التيمن الله يجزاه خير
سبب الصوت كان من كرسي المكينة الأيمن إلي عند طرمبة الدركسون كان معدوم بالمره لدرجة كانت الحديدة إلي في وسط الكرسي تحك في حديد محيط الكرسي مما يجعله يسبب هذي الطقطقة ويسبب روائح مثل الكربون عند تغيير النمرمن كثر الاحتكاك فقلت ابأغيره وكالة فقالي المهندس لا تغيره لأنه حتى لو غيرته راح يخرب عليك قلتله ليه قال لأن الكراسي الباقية عندك منتهية وهي الأهم فراح يخرب عليك هذا الكرسي نصحني أشتري واحد صيني نوعية طيبة ومرنه على بال ما أغير طقم الكراسي طبعا عشان ضروفي الآن ما تسمح لتغييرها قمت وركبت التجاري والحمدلله الآن اختفى الصوت تماماً وذهبت الروائح وآسف على الاطالة .

**عمري الأكورد** · 04-08-2010, 06:12 PM

بيض الله وجهك حبيبي

طيب بالنسبه للصوت طلع مو من التيمن

الكراسي بكم اخذتهم يالغالي وكم ركبهم لك فديتك ياليت تفيدنا ؟؟

**ابوهشام** · 04-08-2010, 10:32 PM

بالنسبة لسير التيمن لازم يتغير ضروري ممكن يسبب لك صوت خفيف يعني صوت رخاوة بتقلي ليه لأنه عندك بكرتين صغيره تمسك سير التيمن عادةً تخرب رماناتها بعد 100 ألف ولازم تتغير مع سير التيمن ومع الشداد الرئيسي لأنه لو غيرت السير فقط ما راح يضبط معك بيصير صوته زي شيء مترخرخ
أما بالنسبة لكراسي المكينة سألت عنها طبعاً سيارتي 2007 ستة سلندر طبعا بعد الخصم 15% كانت سعرها 1973 ريال سعودي ريال ينطح ريال

والله المستعان ولازم تشتريها من الوكالة أصلية لأنه بعض الموزعين يغشوك فيها إلا من رحم ربي طبعاً اذا ما تغيرت وجلست فترة طويلة على كلام المهندس أن المكينة تتحمل على العكوس وتروح عليك العكوس

**اكورد الرياض2007** · 05-08-2010, 07:17 AM

هاذي مشكلتنا مع هوندا اكورد قطع الغيار بس

والا هي ماشاء الله موتر

بس لايخرب

الله يعين بس

**بلال العلمي** · 06-08-2010, 01:50 AM

اخوي بالنسبة لكراسي المكينة في حال فيها مشكلة لازم تحس برجفة في الهكيل وخصوصا اذا انها طايحة على الشاص معناه راح تسمع صوت اقوى وغير كذا ضربات في الهيكل كانه احد يضرب سيارتك من تحت

**عمري الأكورد** · 11-08-2010, 11:39 PM

فديتك اخوي بوهشام انا شيكت ع الكراسي كلهم وحصلتهم 100% مافيهم شي

شيك عليهم الميكانيكي قالي مافيهم شي ابد

انا بغير السير عشان مهم

بس بعد ابي حل للصوت

اغير الكراسي وهم عدلين مشكله وربي

ياليت حد يقولي وش الحل

**بلال العلمي** · 12-08-2010, 01:32 PM

بالنسبة للصوت مثل ما قلت لك هو من وزن البلوف وليس من الكراسي

ووزن البلوف مسألة محسوبة بالملم يعني لازم الوكالة لان الوكالة عندها معايير وواحد بس هو اللي يسويها عندهم