الموضوع: اكوردي 2009 شوف عيوبها وعطني الحل

1/فيه حذفه جهة اليمين ماهي طبعيه(تحس في واحد لف الطاره بقوه)
اوزنها .. وشف وش بلاها ..


2/الريموت السياره طفيشني (مره يشتغل ومره لا)
فك الريموت و امسح البطاريه و يطلع اوكي ..


3/السياره تنقص زيت(نص علبه بعد 3000كم)والمعروف هوندا ماتنقص الا سيارتي

:(

4/صوت في الدركسون راحت الوكاله قالوا عندك الدوده(عمود الدركسون) سالت عن سعره( 4000ريال)
قلت صلحوه على حساب الضمان
قالوا انت غيرمنتظم في الصيانه الدوريه
هنا احتكار الضمان .. ما اضن فيه ضرر للي منظم .. الله يعينك ..


5/تنسيم في السياره ماهو طيبعي (تحس انك فاتح القزيز)
شيك على الجلد حق القزاز ..


6/البوري خربان(يقطع)مسكت خط فيه غبار بعدين خرب البوري
رح انفخه .. ويضبط معاك ان شاء الله

للمعلوميه/سيارتي خاليه من الصدمات والسمكره
الله يحفضها ويخليها لك .. بس انت الحين محافظ عليه من الصدمات وبس ..

لكن اللي داخل ما حافضت عليها ..

زي الحذفيه و البوري ووالخ . .

اهتم شوي وودها اقرب ( عضيب )

وشف وش المشكله منه ..



00000

انت بموضوعك عممت الـ 2009 ..

وفي محتوى الموضوع قلت بس سيارتي ..

ونصيحه في غير محلها ..

الـ 2009 و غيرها من الموديلات حلوه وبالعكس الخرابات نادره جدا جدا جدا مقارنه بباقي السيارات ..

بس انت شيك وشوف


الله يعيينك

انا كنت انوي الرد على موضوعك
لكن بعد ملاحظتك رقم 6 بطلت

المشاركة الأصلية كتبت بواسطة AboZoma4500

السلام عليكم

انا عند اكورد2009 فل كامل جلد v4ماشيه 65000كم
سياره معي 10 شهور فقط

صراحه فيه عيوب لليل طفشتني شكلي ببعيه
اللي يقهر دافع 100000ريال(ماية الف )ريال

1/فيه حذفه جهة اليمين ماهي طبعيه(تحس في واحد لف الطاره بقوه)<< هذي في سيارتي وكل الاكوردات وان كانت زايده فانك الله لايهينك قاشع لك مطب جامد

2/الريموت السياره طفيشني (مره يشتغل ومره لا)<< بطاريه رح اقرب محل ساعات وتنتهي مشكلتك
3/السياره تنقص زيت(نص علبه بعد 3000كم)والمعروف هوندا ماتنقص الا سيارتي 4
/صوت في الدركسون راحت الوكاله قالوا عندك الدوده(عمود الدركسون) سالت عن سعره( 4000ريال)
قلت صلحوه على حساب الضمان< رح لضمان وشيك ولاتشرحلهم هالمشكلة بعدها بيومين ارجعلهم وقول لهم عن المشكلة وبيصلحونهها انا صارلي نفس المشكلة
قالوا انت غيرمنتظم في الصيانه الدوريه

5/تنسيم في السياره ماهو طيبعي (تحس انك فاتح القزيز)<< الحال من بعضها
6/البوري خربان(يقطع)مسكت خط فيه غبار بعدين خرب البوري << مافيها اي مشكلة خذلك بوري وركبه مايبيلها فلسسفه

وابي شوركم

للمعلوميه/سيارتي خاليه من الصدمات والسمكره

^^^

1/فيه حذفه جهة اليمين ماهي طبعيه(تحس في واحد لف الطاره بقوه)

كل مره اروح الوكاله اقولهم على المشكله هذي ولا صلحوها


بس شكل الـ30 الف تنتظر


يا انا يا الدركسون

المشاركة الأصلية كتبت بواسطة ابو الأمجاد

انا كنت انوي الرد على موضوعك
لكن بعد ملاحظتك رقم 6 بطلت

زين مارديت

الاكورد معاي من سنتين والحمد الله ما افيها اي مشاكل

اوديها الصيانه الدورية اول بأول

وسواقتي هادية جدا

الله يعينك


هذا سبب عدم المواظبه على الصيانة


انت عايش بديره شوارعها تعبانه مكسره و الموتر يحتاج تربيط و يحتاج صيانه دوريه كل 5 الاف كيلو اذا تبي الموتر يبقى جديد ..



انا الحمدالله ما اشكي من اي شي قلته الا من البطاريه حقت الريموت وغيرتها عند محل ساعات ركبت بطارية
باناسونيك بـ 15 ريال وانحلت المشكله .


علماً ان الصيانات من 1000 الى الان 45 بالوكاله الحمدالله مو لوجيهم
لكن عشان نرتاح مع الموتر صح .



انا اشوف انك تدخل موترك صيانه كامله بالوكالة وترتاح ان شاء الله بعدها

غرريبه
انا الحمدلله .. بتكمل 3 سنوات ودخلت الصيانه في 1000 بس
والحمدلله مافيه اي مشاكل معي .... وماشيه الحين 80 الف
والبوري احترق معاي بس وركبت جديد :d
اما سالفه التنسيم ... هذا شي طبيعي وترا الأكورد ارحم من غيره في صوت الهوا .. لا تنسى انت مب راكب BMW

قول الحمدلله ... ارضى بالي عندك ولا تشيل هم بس

اخوي ممكن المشاكل من سيارتك

.

اخواني هدئ الأمور

صحيح أسلوب كاتب الموضوع وعنوان موضوعه خاطئ . . بلا شك

ولكن لعله من تضجره الشديد من الوكالة وتألمه على سيارته

واللي عنده معلومة أو مساعدة لا يبخل بها على اخونا


الله يفرج عنك ويسهل امورك ويصلح سيارتك وترجع وكالة مثل ما أخذتها


.

بالنسبه لدودة الدركسون
غصب عليهم لو منتظم او غير منتظم يصلحونه
ارفع الشكوى الى مدير الفرع
انا غير منتظم وسيارتي 2006 وغيرته لمن طلع عيب مصنعي
توكل ع الله وارفع ضدهم شكوى
قلهم ماله خص بالصيانه ذا مو عيب مني
منكم

آخوووووي كل المشآكـــل الي قلتهآآآآآ موجودهــ بالاكورد ومآفيش آحـد يقدر ينكر الشئ هذآ

وكل وآحــــد عآقلـه برآســه آذآ آشترهآآآآ يتحمل مآ جآآهـ

الله يعينك اكثر المشاكل اللي تعاني منها في سيارتك بس

مثل نقص الزيت اول مره اسمع به
وايضا الحذفة وصوت الدركسون والبوري ايضا
اما الريموت فغير الحجار افضل

اما التنسيم كل السيارات فيها تنسيم وتراها ارحم من كل المنافسين ماعدا سيارة وحده

::كانك ماتبي السيارة بعها بتجيب لك 85الف كانها لؤلؤي واشتر اللي تفكر فيها وعاجبتك::

1/فيه حذفه جهة اليمين ماهي طبعيه(تحس في واحد لف الطاره بقوه)

طيب شيك على هواء الإطاارات لأن واحد من الشباب لقى السبب الهواء ناقص في الإطار الأيمن.

2/الريموت السياره طفيشني (مره يشتغل ومره لا)

الحجار حقه غيره وبإذن الله تنتهي مشكلتك.


3/السياره تنقص زيت(نص علبه بعد 3000كم)والمعروف هوندا ماتنقص الا سيارتي

تأكد بعد ما تغير الزيت عند البنشري إن الزيت تماام وفيه ملاحظة بعض الشباب يترك سيارته عند البنشر يغير زيته وما يدري وش حط له زيت زيتها معروف كاسترول المهم لابد يكون كل الزيت نوع واحد أو راح تطلع لك المشكلة اللي قلت لآن الزيت ما لزوجته وحده.وأحياناً ما يغير لك الزيت كله والسيفون ما يحطلك أصلي.


4/صوت في الدركسون راحت الوكاله قالوا عندك الدوده(عمود الدركسون) سالت عن سعره( 4000ريال)

الكفرات بدلهم وراء قدام وقدام وراء وشف الكتلوج فيه طريقة كويسه لتبديل الكفرات بينهم.

5/تنسيم في السياره ماهو طيبعي (تحس انك فاتح القزيز)

يمكن وزن البيبان مو كويس

6/البوري خربان(يقطع)مسكت خط فيه غبار بعدين خرب البوري

مره أخوي صادف واحد من الشباب نفس مشكلتك في الوكالة فكوا البوري وفك البوق حقه اللي يكون راكب فوق البوري وطق وطق ألين طلع الغبار اللي فيه ورجع يضرب البوري


المهم لا تفرط فيها ترى دافع قيمه مو بسيطه وخلك عنك الكلام الفاضي ( أشتر كامري وإلحق أهلك )
الأكورد وبس

انا كاتب الموضوع راح اشرح شوي على سيارتي

انا عند اكورد2009 فل كامل جلد v4ماشيه 65000كم
سياره معي 10 شهور فقط

صراحه فيه عيوب لليل طفشتني شكلي ببعيه
اللي يقهر دافع 100000ريال(ماية الف )ريال

1/فيه حذفه جهة اليمين ماهي طبعيه(تحس في واحد لف الطاره بقوه)
راحت الورشه قالوا السياره الاذرعه وكفر مافيها شي
2/الريموت السياره طفيشني (مره يشتغل ومره لا)
غيرت البطاريه ماشتغل راجعت البطاريه الاوله صار مره يشتغل ومره لا
3/السياره تنقص زيت(نص علبه بعد 3000كم)والمعروف هوندا ماتنقص الا سيارتي
دايما اشيك على الزيت بعد 3000 تنقص نص علبه
خمس مرات وهى تنقص زيت

4/صوت في الدركسون راحت الوكاله قالوا عندك الدوده(عمود الدركسون) سالت عن سعره( 4000ريال)
راح ارجع عليهم
قلت صلحوه على حساب الضمان
قالوا انت غيرمنتظم في الصيانه الدوريه

5/تنسيم في السياره ماهو طيبعي (تحس انك فاتح القزيز)
بشتري جلاد لقزيز
6/البوري خربان(يقطع)مسكت خط فيه غبار بعدين خرب البوري
راح ارجع الوكاله

وابي شوركم

للمعلوميه/سيارتي خاليه من الصدمات والسمكره [/quote]


وشاكر للجميع