رد مع اقتباسبسمه تعالى :
أليس من الأفضل التركيب بمركز صيانة هوندا و ذلك حسب نصيحة المهندسين و تشديدهم على تركيبها بالوكالة للحفاظ على برمجة الكومبيوتر أثناء التركيب ....أرجوا أن يفيدك خبراء التركيب بهذا الموقع ...بالتوفيق.
ضـروري / مشكلة في تركيب بطارية الأكورد
السـلام عليكم ورحمة الله وبركاته
عندي مشكـلة بتركيب البطارية من ناحية طول عصا التثبيت للبطارية
السيارة أكورد 2009
اليـوم شريت بطارية روكيت 55 أمبير
علماً بان الشد بـلد كانت بانسونيك 55 أمبير ايضاً
لكن المشكـلة أن الروكيت أكـبر من ناحية الحجـم
وعصا التثبيت عيا يمسك من الجهتين , يعني يمسك من جهة واحـد ومايطـول الثانية لأن الروكيت أكـبر من حقت الشد البلد
طبعاً انا فكيت البطارية القديمة بانسونيك اليـوم بعد صلاة الظهر , ورحت للغرابي واخذت بطارية روكيت جديدة مع الرجيع بـ 165 ريال
ورجعت للسيارة اركبه وعيت تركب والمشكلة زي ماذكرت العصا عيا يطـول , وزهقت وخليت السيارة ومشيت , لأنه حر موت وانا رجال صايم وماله داعي اخرب الصيام عشان السيارة
(( طبعاً لا أحـد يقـول اشحن البطارية القديمة الخ... أو ركب البطارية ورح لأقرب بنشري يشوفه ويركبه لك ))
لأنه لو ركبت البطارية بالسيارة ثم رحت للبنشري وماقدر يركبه ماراح اقدر ارجع البطارية بحكم اني ركبته واشتغلت عليه , ولا ودي اشحن القديمة عشان ماجرح الاصابع والشئ الثاني كمبيوترات السيارات هاليومين حساسة ولاودي يجي كهرباء ظايد عليه ثم انكب
فياليت اذا احد معه أكـورد 2008 أو 2009 أو 2010
وقدر يركب البطارية روكيت 55 أمبير بدون مشاكـل
يشرحلي الطـريقة اذا ماعـليكم أمـر
بسمه تعالى :
أليس من الأفضل التركيب بمركز صيانة هوندا و ذلك حسب نصيحة المهندسين و تشديدهم على تركيبها بالوكالة للحفاظ على برمجة الكومبيوتر أثناء التركيب ....أرجوا أن يفيدك خبراء التركيب بهذا الموقع ...بالتوفيق.
نفس المشكله اللي واجهتني
و الحمدلله حليتها
و الحل هو:
الصفيحه الموصله من الشداد للشداد الثاني فيها تحت حديدتين صغيره بارزه و هي اللي تخلي وصول الصفيحه غير كافي ( يعني بالعربي تدقر بالبطاريه )
أنت أصفط هذي الحديدتين يعني أعوجها و خلها بمستوى صفيحة الشدادين
و راح تركب زي السلام عليكم
gogo
الله يعطيك العافيه
لكن التركيب بالوكالة بسعـر مايستاهـل وهو مجرد تركيب بـ 60 ريال , ولو شريت البطارية من عندهم راح يحسون التركيب عليك بعـد
غير كـذا مافيه يالغالـيالمشاركة الأصلية كتبت بواسطة كوارداوي
لأن سالفة العوج ماظنتي بتثبت البطارية , لان العوج اللي تحت بالحديديت هي اللي تمسا البطارية من الحـركة والاهتـزاز , وعصا التثبيت اللي فـوق هي توصل بينهن عشان تكـون مشـدودة على البطارية (( زي حـزام الجنـز ))
اذا هي ثابته معـك قـلي
اروح بعد العشاء اخلص هالسيارة
موقفه بعـيد عن البيت (( طافيه علي أمس ))
وخليته , ودي اخلص عـليه الـيوم
اذا عندك حـل ثانـي يكـون أفضـل
ماتخـبرون أحـد يبيع عصا التثبيت أطول من حقت السيارة بأحد الورش ؟
أنت بس صفط الحديدتين اللي يدقرن بالبطاريه
و ما جاك عندي
أنا لي 7 شهور و رحت للرياض و رحت مكه و جده و المدينه و رجعت للقصيم ولله الحمد ولا تحركت ولا سنتي ولاني مفكر أفكها إلا إذا فضت البطاريه
و بعدين لاتنسى بحالة صفط الحديدتين راح تكون الصفيحه كلها كابسه على البطاريه بعكس لو كانت الصفيحتين هي اللي يثبتن البطاريه راح تكون اضعف
و راح تدعيلي عند الفطور
الله يجزاك خير
وان شاء الله بعد صلاة العشاء ابروح اشوفه
لاهنت
أهم شيء تخبرنا وش صار عليك
صح كلامة و ممكن تخليهم يغسلوها بموية زمزة و يتفلوا عليها 3 مرات علشان العين !
ترا بطارية لا راحت ولا جت كلنا بنغير بطاريات ولا عندنا اي مشاكل !
روح يا الحبيب و رجع هل بطارية و خذ البطارية القديمة و قول له ابغي زيها بالظبط ( نفس المقاسات ) و انا انصح بالايسي ديلكو كل الناس الي اعرفهم مركبين اي سي ديلكو لاحد يوسوس براسك و يقول ماهي كويسة ، او خذ نفس البطارية من الموزعين و اذا ماحصلت الله يعينك علي الوكالة خذها و ركبها بنفسك
توي مغير البطارية
وعلى نفس كلام اخونا / كوارداوي
الحديدة عندي صايرة معتدلة وعلى مستوى البطارية
وماسكتها وضامتها بقوة حتى اني احيانا افتح الكبوت اخاف انها شادة عليها وانتبه لها لا يصير شي وتموت من قوة الخمة
ولاتنسى انه فيه القطعة البلاستيك تمسك البطارية بعد
يعطـيكم العافيه جميعاً
غيرت البطارية بواحدة آخرى
والحمـد لله , كل شئ تمـام
ماقصـرتوا والله
^^^
الحمدلله ان المشكله انحلت
وسلم لي على اعضاء البوابه معك
ضوابط المشاركة
مواقع النشر (المفضلة)