الموضوع: ماهي الفائدة من الإنتظام بالصيانة؟!

انا فوت صيانة 25 و30
ويوم رحت لهم ختموا لي تحذير على الكتيب

انه في حالة عدم الالتزام بينلغي الضمااان

عموما انا محتار خايف اسحب عليهم وبعد فترة تطلع لي مشااكل ومااقدر اصلحها على الضماااان:(

بالنسبة ل الزيت المستخدم في الوكالة زيت هوندا

تغير الزيت بس قيمته 110 وماراح يتغير
والتشيك على السيارة بياخذ حول 460 ريال مع تغير الزيت وهاذي تصير كل 10000 كيلو

اذا تبي الراي سوي صيانة كل 10000 بس ,,

يعني طنش صيانات الخمسه آلأف وهي بنفس السعر 110 غيار زيت مع الفلتر

بس الصراحه الزيت تغيره عندهم بالوكاله اضمن لك مع الفلتر وتقريبا نفس السعر برا الشركه ,,

مجرد رأي وربي يعطيك خيرها ويكفيك شرهآ ,,

وعليكم السلام
كلام مهنددس الوكالهـ
تعال كل
10الاف
لاتجي كلـ 5

حيبي
لاتجيهم اللي فحص 40000
و60000كم

اسحب عليهم صيانتهم كلها نصب ف نصب

زيت هوندا ينباع ف كل مكان

السياره ما راح يجيها شي باذن الله

شوف

الزيت غيره عندهم

حتى اذا جتك صيانة العشر الآف لاتسويها

سو زيت وفلتر فقط بـ 110

ترا عند البنشري بـ 100

والوكاله اضمن لك ,,

..

صيانة 10 الاف و 20 كلها سو زيت وفلتر فقط

لكن الـ 40 والـ 60 مهمه

بالنسبه لي مارااح اترك الوكاله مع قمه نصبهم

والسبب في ذلك اضمن موتري ولا مشيت فيه امشي فيه وانا مرتاح البال

ولا ابو يمن الي مسوي فينا بلاوي

قال وش الي حدك على المر قال الي امر منه

ناصبين علينا ناصبين علينا بس مافي حل لراحه البال غير التضحيه بالقروش

المشاركة الأصلية كتبت بواسطة abady.777

وعليكم السلام
كلام مهنددس الوكالهـ
تعال كل
10الاف
لاتجي كلـ 5

طـيب كم بياخذون مني اذ جيته للـ 10 الاف ...؟

ونفس الشئ اذ جيته للـ 5 الاف بيأخذ 110 اسويها عنده اضمن من البنشري
لأن البنشري بيأخذ 100 مو فارقه 10 ريال بس أسويها بالوكاله اضمن
بس انا اللي قاهرني اللي بعد الـ 5 الأف اسعارهم يأ 380 أو 460 وخذأ من الاسعار الغاليه

شوف يا الغالي
الأفضل إنك تسويها في الوكاله مثل ما أفادوك الشباب علشان الضمان
وبعدين فيه مقوله يقولوا إصرف على السياره تصرف عليك حن على السياره تحن عليك
أما تكرفها كرف الحمير (والله يعزكم) تكرفك كرف أكثر من كرف الحمير >>ما عليش على اللفظ
وجهت نظر

حلوو وانا ان شاء الله بواظب على الصياانه ..

ههه عشاان اضمن المووتر ..

الفائدة من المواظبة على الصيانة على حد علمي (( لولا قدرالله صار عندك خلل مصنعي )) تتصلح على الضمان

مثـــــــــــــال/ خبط قير أو مكينة أو شي من هالقبيل

ولكن . . . .

بالنسبة لي ولله الحمد أكثر من سيارة أطلعها جديدة و أكدها لا يقل عن 4 سنوات ولا عمري دخلت الصيانة

إلا بصيانة 1000 فقط لأنها مجـــانية . و الحمد لله ماواجهت إلا كل خير اللهم إستنزاف لجيبك فقط لا غير

أنت لو تدقق شوي على صيانتهم تلقاها كلام فاضي تغيير زيت و فلتر وبخاخ الصدأ والعمالة شباب سعودي يتعلم على

سيارتك وهذا ما حصل لي من أحدهم متعلق بالكنداسة شوي ويكسرها (( يتميلح )) يعني مايحتاج صيانة إلا بشي يستاهل

المبلغ المدفوع مثلآ صيانة 60 الف فيها تغيير زيت قير أو شي فيه تشييك على أشياء مهمه . . غيره لا يهمونك

و الأكورد ماشاء الله مايحتاج تتعب نفسك سيارة صبورة و تتحمل كرف .

أهم شي تهتم من الزيوت وتشيك عليها كل فترة و ماء الأديتر لا ينقص بس مافيه شي يستدعي لكل هالمبالغ

بالنسبة للأخوة إللي متعقدين من أبو يمن عندك محلات بترومين عمالة فلبينية مختصة أفضلهم على الوكالة رغم أن العمالة

إللي بالوكابة خاصة بالسمكرة هنود .

بالنسبة لزيت أنا كنت أغير زيت سوبر جيتي أكثر من 8 سنوات وحاليآ غيرته لألترا 7 والفرق مايتغير لونه بسرعة مع العلم

أغيرة كل 4000 كلم مع الفلتر و نصيحة الفلتر خذه من الوكالة أضمن بإذن الله خذ 4 او 5 و خلها بالشنطة تكفيك دهر ....

بإختصار الصيانة كل 5 او 10 أو 20 الف مالها داعي

فيه أكوردات 2008 مشت مايقارب 200 الف كيلو وما غيرو إلا

زيت قير و بواجي وسير وأشياء إستهلاكيه فقط لا غير والسيارات ماشاء الله

ولا أحلى منها ولا يعرفون شي إسمه صيانة ..

اقول سلمك الله أنت وإياه ...

اللي على بنك الله يوفقه .. لكن الصيانة في نظري ماهي الا من تطورات السنين المتأخرة
ما كنا نسمع بصيانة دورية اول ولا شي .. وتقعد السيارة مع الشيبان 10 سنوات واكثر واكثر ..
والحين الشباب .. سنتين والا استغفر الله حادث من قريب ويضحي بام السيارة ..

مختصر الكلام من اخرو .. زيت المكينة وتشييك البنشري على الزيوت الثانيه
لكن لا يغير الا بحضرتك واقف معاه

اما الوكاله حاشى وكلا .. الا اذا فيه مشكله معينه

والله يقولون ضمان .. حتى لو واضبت على الضمان .. ينتهي على 3 سنتين او 60 الف .. شوفوا اول ورقة في كتيب الضمان
يعني ما شوينا شي .. يومين وانا طاق الستين .. فلذلك .. والله حتى لو اني على بنك يبطي عبدالله هاشم يشدها ...
والحمدلله معي ال8 واحلى من العسل ..

مثل ما قال واحد من الشباب .. اخدمها تخدمك واكرفها تكرفك .. صدق العضو .. خخخ

الوكالة لا هم لها سوى سرقة ونهب اموال الزبائن

وصيانتهم كلها كلام فاااااضي ليس له محل من الاعراب

الله يخلي الورش

صيانة صيانة صيانة = نصب نصب نصب

شوف حبيبي

انا موتري ماشي الحين 49000

آخر مره وديته لـ الصيآنه 15000

وبعدهآ سحبت عليهم .. نصب في نصب .. ورآس مآلهآ آكورد يعني معليش مآتسوى تقروش وتدفع بـالصبآنه لين موترك يخيس :d

وانت وبكيفيك يآغآلي ..