مالي الا الله ثم انتم افيدووووني تكفون

**ابو لارا** · 29-08-2010, 07:23 PM

السلام عليكم

ابيكم بالبدايه ما تشرهون علي من ناحيه اسلوبي او من ناحيه اسئلتي ولا ودي اكثر عليكم الهرج

انا سيارتي اكورد 2008 فل كامل ذهبي
اول شي السياره جتها حكه بالزاويه اليسرى بالصدام الخلفي خفيفه ياربي لك الحمد بس قاهرتني وودي استشيركم

واللي عنده خبر عن سعر الوكاله اذا بغيت اسويها عندهم وقلت الوكاله لاني احس ان اللون صعب واخس مو مزبطه الا الوكاله

والا ورشه تنصحوني به وان حصل من مجرب عسى الله يبعدكم عن كل شر

وبرضوه خديشات بسيطه افل اللحيه من الامام ( خبرك اول ما تشري السياره ما تعرف لوزنيته يعني بالعربي توقف واثرك حاك الرصيف :o

وبيني بينكم ودي ابيعها لاني انشالله وودي ب6 سلندر وانا سيارتي 4 سلندر ولا مشت شي 45000 وشوي

حول 46000 <<<< ايه والله وشوي :d

وكم يوصل سعره يا الغالين

وعسى الله يحرم وجيهكم عن النار
تقبلوا مني استفساراتي ولكم مني جزيل الشكر

**أكورداوي** · 29-08-2010, 07:38 PM

بالنسبه للحكات .. فما أظن ان فيه فرق بين الوكاله وبين الورش العاديه اذا كانت الورشه ممتازه لأن اللون عباره عن رقم معين او رقمين يخلطونها مع بعض وتجيك نفس لون شد البلد .. وبالعكس انا جربت الوكاله وجربت ورشة كانت الورشه بصراحه أفضل من الوكاله ..

فأنت دور على أفضل ورشه بالمدينه الي انت فيها وان شاء الله سهالات ..

وتقريبا راح يكلفك صبغ الصدام من 200 الى 300 ريال بالورشه طبعا .. وبالوكاله حدود 700 ريال على الأسعار الي أذكرها انا قبل سنتين يمكن ..

أما مسألة بيع السياره فما ادري والله كم توصل اسعارها بالمعارض الحين لكن اتوقع في حدود 65 - 68 -70 الف ريال

**المخلب** · 30-08-2010, 03:19 AM

بعد اسبوعين من شراء سيارتي 2010 ذهبي

وكنت عند مواقف المستشفى بالنهار إلا والسيارة طالعة من الموقف بالريوس بأقصى سرعة
خوينا غضبان من المستشفى

وسيارتي الضحية

وجات الضربة على البابين من الجهة اليمنى وشق الباب الخلفي

والحمد لله على قضائه وقدره

لكن الشاهد يا حبيبي لا تشيل هم أبد

سويها في ورشة بشرط يأخذ البوية من الوكالة وكان المبلغ مع شراء البوية والسمكرة وضرب البوية فرن وشغل يده كامل 900 ريال

وبصراحة صرت ما أدري وين الدقة

الحمد لله

موفق أخوي والله يبارك لك فيها