اصوات بالكفر

**امير الروح** · 30-08-2010, 06:10 PM

سلام عليكم

كيف حالكم ياشباب

ندخل بالموضوع على طول انا سيارتي اكورد2008اربعه سلندر

واذا مشيت مع بعض الطرق الخشنه اسمع اصوات مزعجه مرررره وهل الاصوات من الكفر او من ايش لني كفري مشلان
واذا المشكل من الكفر شنو تنصحوني اركب لن فيه ناس يقولون المشلان قاسي شفلك كفر يكون لين وبتفقد الاصوات

واتمنى ان تفيدوني وان تتحفوني بأرائكم

وانتظركم

**امير الروح** · 31-08-2010, 01:41 AM

18مشاهده ولا واحد كلف نفسه يرد ولو بكلمه *_*

ياخي اللي موب راد لايدخل

**جنوون** · 31-08-2010, 04:49 AM

الاكورد معروفه ما فيها عزل أرضي ..
انا سويت عند جيوشيلد عزل أرضي خف الصوت بنسبه 50 %

**احبك يالاكورد** · 31-08-2010, 04:57 AM

الا الاكورد فيها عزل ارضي

لكن الاصوات من الكفر المزعج>>اكثر الشباب في المنتدى يقولون غيرناها وضبطت امورنا لأن البلا من الكفرات واصواتها المزعجة

**اكوِرد** · 31-08-2010, 07:28 AM

انا احس صوت المطب قوي شوي وركبت الكامري الجديدة مافيه اي صوت ماشاء الله ..!

مع العلم اني مغير كفراتي ومركب كفرات دانلوب ..!

وماادري وش الحل ..!

**Silver Aurion** · 31-08-2010, 08:01 AM

الاكورد مافيها عزل ارضي حتى واحد من الاعضاء نزل موضوع و ركب عزل ارضي بس ما اذكر من اي محل

بس على فكرة 40% من الصوت يعتمد على نوع الازفلت و الخشن صوته عالي

المشاركة الأصلية كتبت بواسطة امير الروح

18مشاهده ولا واحد كلف نفسه يرد ولو بكلمه *_*

ياخي اللي موب راد لايدخل

الله يرضى عليك لا تستعجل ع الشباب يمكن اللي دخلو الموضوع زوار وليس اعضاء

او يمكن البعض دخل بس ما عنده الجواب الشافي

**salamify** · 31-08-2010, 04:49 PM

أخوي أنا كانت عندي نفس المشكلة وطلعت من الكفرات وغيرت الكفرات بداية شهر رمضان والحمدلله راحت الأصوات المزعجة..

**امير الروح** · 31-08-2010, 07:07 PM

طيب ياخوان وشو الكفر اللي اركبه واللي تنصحوني فيه بس مايكون قاسي زي ميشلان

**salamify** · 31-08-2010, 11:20 PM

والله يا غالي الكفرات مشكلتها مشكلة من ناحية الحيرة..

أنا ركبت بيرجستون بوتنزا ادرنالين وطلع الكفر الواحد بـ 490 ريال الكفر جدا ممتاز ولكن أحس إن فيه شوية قساوة واذا تدور الليونة فالكل يمدح تويو في الليونة ولكن عيبها تمسح ومدة إستخدامها بحوالي الـ 50 الف كيلو وطبعا تختلف من شخص للثاني..
فيه مواضيع كثيرة عن الكفرات شوفها أو أنصحك تمر بعض المحلات مثل بيرجستون .. قوديير.. دنلوب وتشوف الأشكال والأسعار وبعدها قرر..

**امير الروح** · 01-09-2010, 03:35 AM

المشاركة الأصلية كتبت بواسطة salamify

والله يا غالي الكفرات مشكلتها مشكلة من ناحية الحيرة..

أنا ركبت بيرجستون بوتنزا ادرنالين وطلع الكفر الواحد بـ 490 ريال الكفر جدا ممتاز ولكن أحس إن فيه شوية قساوة واذا تدور الليونة فالكل يمدح تويو في الليونة ولكن عيبها تمسح ومدة إستخدامها بحوالي الـ 50 الف كيلو وطبعا تختلف من شخص للثاني..
فيه مواضيع كثيرة عن الكفرات شوفها أو أنصحك تمر بعض المحلات مثل بيرجستون .. قوديير.. دنلوب وتشوف الأشكال والأسعار وبعدها قرر..

طيب ياخوي انا ابي اعرف شنو اركب كفر لن القاسي يغثك مع الخط والازعاج بعد

ابي اركب كفر مجرب من قبل احد الاعضاء يعني كفر يصبر ولا يكون قاسي

افيدوني جزاكم الله خير

**Accord F15** · 01-09-2010, 10:52 AM

شوف كان معي برجستون والحين تويو والحمد لله عال العال وبرضوه الدنلوب ممتاز جدآ مشلان محد يمدحه

**الهنادي معشوقتي** · 01-09-2010, 10:10 PM

ان كان كفراتك ميشلان فهو شي عادي

ازعاج وقاسيه في المطبات

**heronassim** · 02-09-2010, 02:44 AM

عن تجربة برجستون gr80 يطلع عليك مع النتروجين للمحافظة على برودة الكفر 1600 ريال عند الوكيل يعني برا يمكن 1500 - 1450 ريال بدون نتروجين ( هدوء - ثبات - راحة )

**BUFFON32** · 02-09-2010, 07:44 AM

انا ركبت مشلان الماني وليس تايلندي .. قبل رمضان .. والحمد لله لا ازعاج ولا رجة بس طلع علي الطقم مع النايتروجين 2180 ريال ..

وانا مرتاح ولله الحمد .. البرجستون ترى قاسي قاسي قاسي ..