هل هي مشكلة فالقير ؟

**المقصود2006** · 05-09-2010, 12:00 PM

هلا باخواني ..
كل عام وانتوا بخير..
وعسى الله يتقبل منكم صيامكم وقيامكم وسائر اعمالكم..

اخواني أنا ودي أستفسر في شغلتين ..
الاولى::: وش هي نوع الصيانة في القير.. يعني غير تغير الزيت هل يحتاج لتغير الفلتر؟؟

ثانيا ::: أنا تظهر عندي مشكلتين فالقير ....
*** لما أكون ماشي على سرعة عاديه وأول ما أوصل لجنب أشارة المرور او أوقف لظروف في الطريق.. أحس السيارة وقبل لا توقف بشوي تمسك او تعلق على القير وترد بشكل قوي.. ما أدري لو فهمتوا هالمشكلة لاني أحس القير يعلق ..

***أول ما اطلع بالسيارة أحس بصوت سبرنج او صوت تق أسف المكينيه..

الله لا يهينكم ودي حد يفسر لي هالموضوع.. خصوصا هالوكالة ماعدت أثق فيهم أبد.....
وربي يجزيكم خير

**م هـ ى 700** · 05-09-2010, 01:36 PM

شيك على زيت القير ومن الضروري تغييره بانتظام كل 40 ألف كيلو متر ويفضل شراء الزيت الاصلي من وكيل هوندا ..

**احمد 182** · 06-09-2010, 05:05 AM

المشكله الثانيه عاديه لانك تسحب فرامل بشكل مفاجئ...
المشكله الاخيره اذا كان قصدك اذا حطيت على الريوس يطلع صوت مع التعشيق هذا عادي......
واهم شي تنتظم في تغير الزيت والفلتر...
تقبل مروري...

**BЯộǾK ❤** · 06-09-2010, 06:59 AM

السلآم عليكمـ...//

وإنت بخير يا الغالي

تفضل هذا الرابط ..::

http://www.hondaarabia.com/club/t31295/

ان شاء الله تلاقي كل اجوبتك هنا وصدقني بتلاقي اكثر وتستفيد منه

ان شاء الله اني قدرت اساعدك

**Accord F15** · 06-09-2010, 07:12 AM

مشكلة الصوت اللي يطلعلك مع القومه هذا عندي بعد وما ادري من وش هو بس انا عندي كرسي مكينه امامي مكسور ولا طلع الصوت الا بعد ما انكسر شكلي بطول ولا غيرته رح لورشه وحطها بحفره واكشف على الكراسي حقت المكينه والجيربوكس

**المقصود2006** · 06-09-2010, 07:45 AM

جزاكم ربي كل الخير...

اليوم الصباح وانا واصل الدوام..
إلا والله أسمع هالصوت إلي يقهر القلب..
كلما جيت أدعس على السليتر بشكل متوسط إلا أسمع هالصوت ( تك )..
وكل مرة أطلع من مطب وأدعس السليتر أسمع مره ثانيه هالصوت..
والله سالفه..
وترا بامانة أنا ما قد غيرت فلتر الجير ..
ما سمعتهم يجيبون على طاريه في الوكاله ولا في الكراج...

على العموم اخواني والله مشكورين..
وجزاكم الله عنا كل الخير

**ابو اصيل2010** · 13-10-2010, 12:50 PM

عزيزي المشكله الأولى ليست مشكله وهي عندما تهدي بعد سرعه او نزول من منحدر تثقل النمره وترجع للنمره اللى قبلها هذه عندي فى الأكورد 2007 وكنت احسها مشكله وانما هي مساعده من الجير نفسه على التوقف والله اعلم

**المباشر** · 13-10-2010, 04:33 PM

الصوت اما من الفحمات ووصفك يطلع الصوت مع البريك اتوقع فحمات

او في قطعة موجودة في العكس اليمين ( العكوس ) دائرية اذا خرب الجلد صارت تلعب وتطلع صوت وازالتها آمن جدآ ومالها داعي

تأكد من اللي ذكرته لك وان شاء الله تحصل حل لمشكلتك