صيانة 100.000 كلم مالها وماعليها
السلام عليكم ورحمة الله وبركاتة
وكل عام ونتم بخير
اكورد 2007 4سلندر ماشية 100.000 كلم
اود معرفة التالي لمن له علم :
1- تكلفة الصيانة لـ 100.000 كلم , ونقاط الفحص او الاشياء الي ستتغير علماً باني قد عملت الصيانات التالية: 20 الف كلم , 40الف كلم , 60 الف كلم , 80 الف كلم وجميعها في عبدالله هاشم ( جده - طريق المدينة)
2- بخصوص فلتر القير قرأت عنه كثيراً هل يأتي مع الصيانه100 الف كلم ام لابد من طلبه
3- سمعت كثيراً عن عطل في علبة الفيوز مما يؤدي الي تعليق في النور العالي ومع ان هذه المشكله لم تحدث لي بعد , ولكن اخشى من حدوثها مستقبلاً ... وسؤالي هو هل استطيع طلب الصيانه تغييرعلبة الفيوز على الضمان ؟
ختاما تقبلو خالص التحية
رعاكم الله
وعليكم السلام
وانت بصحة وسلامه يا رب
بالنسبة لاهم تغييرات اللي بصيانة 100الف
هي تغير زيت القير والبواجي وتشييك كامل على السيارة
اتمنى اني افدتك ولو بشئ بسيط
وما شاء الله سيارتك 2010 وماشية 100 الله يبارك لك فيها
ارفق اشوي وانا اخوك
وبالنسبة لتعليق النور هذا في موديلات 2007 وما قبل
بالتوفيق يا غالي
وعليكم السلام ورحمة الله وبركاته وكل عام وإنت بخير..
بأحاول أرد على اللي أقدر عليه من إستفساراتك:
- تكلفة صيانة الـ 100 ألف كيلو هي 745 ريال وهالسعر جايبة من جدول أسعار الصيانات في وكالة عبدالله هاشم واللي أعرفه في صيانة الـ 100 ألف هو تغيير السيور, زيت القير, البواجي, الزيوت, الفلاتر, وتشييك كامل عالسيارة.
- أما فلتر القير فهو غير مشمول في الصيانة واذا تبغاهم يغيرونه لازم تكلمهم.
- بخصوص علبة الفيوز فهو عيب مصنعي والوكالة تغيره لك اذا كانت سيارتك من ضمن السيارات المتضررة من هالمشكلة وشيك معاهم لأني أظن بعض الشباب صارت معاهم هالمشكلة والوكالة رفضت تصلحه لهم بحجة إن سياراتهم تعدت الـ 120 ألف كيلو.
أتمنى إني أفدتك ولو بالشيء القليل..
صيانه الـ 100 الف كيلو تكلف 1500 ريال
بس فيه حاجات ينصحك المهندس تغيرها وهي :
سيور المكينه + الشداد + طرمبه المويه + بلف الحراره
وهذي تزيد عليك التكلفه الى 2300 ريال .. طبعا اختياري
* زيت القير يتغير على 100 الف ويفضل انك تغير الفلتر معه
طبعا تطلب تغيير الفلتر وبيقولك ما يغير بس انت اصر عليه .. سعره 92 والتركيب بـ 96 ريال
..
....
ضوابط المشاركة
رد مع اقتباس
مواقع النشر (المفضلة)