مكيف اكورد 2008

**عـــــذب** · 13-09-2010, 11:56 PM

السلام عليكم

مساء \ صباح الخير

سيارتي أكورد 2008 من اشتريتها من الوكالة ومكيفها مايبرد زين وخصوصا في النهار وألاحظ الكمبروسر يشتغل ويطفي بأستمرار رجعتها للوكاله وقالوا لي ان فلتر المكيف ( مكانه خلف درج القفازات ) متراكمة عليه الاتربه ولازم تغييرة , غيرته ماتغير شي شيكت على الفريون وضغطة اوكيه ,انا شاك في الثرمو ستات ولا ابي اسوي شي لين اخذ رايكم واقتراحاتكم وتجاربكم

يعطيكم العافية

**dr . riyadh** · 14-09-2010, 06:23 AM

هههههههههههههههههههههههههههههههههههههههههههههههه
ما عليش على الضحكة بس انا نفس المشكلة وما فيه محل مكيفات بالرياض ولا بجده ولابمكه الا يعرفني والسبة هالمكيف الي يقول غير الفريون والي يقول غير الكومبرسر وخذ يا اموووووووووووور كثييييير بغت تتغير لين اني قابلت واحد من الربع وقالي شالمشكله
المشكله هي يقول انت تمشي بالرياض وبالطرق السريعه
وانت عارف اننا بين هالخضره والجو الحسن <<<<يتمنى
يتجمع الغبار بسرعه قلت والحل قال لي شيل الفلتر الي خلف الدرج الى الان وانا ماركبته لي الان سنه وستة شهور
وانا بدون فلتر بس لما تشيله فيه مشكله الي هي انك لازم تاخذ معاك بطانية بوسط السيارة

**م هـ ى 700** · 14-09-2010, 07:40 AM

إزالة مرشح الهواء يضر بأثاث السيارة الداخلي بشكل كبير مع الزمن وأنا لا أنصح بإزالته
ويضر أيضا مع الزمن في اتساخ مجاري التهوية الداخلية الخاصة بالتكييف
ووضع هذا المرشح الهواء من الغبار والأتربة في حالة وضع المكيف من الخارج إلى الداخل

**عـــــذب** · 14-09-2010, 10:42 AM

dr . riyadh
يعطيك العافية اخوي والظاهر ان هذا هو الحل الأخير, الشباب عندي معاهم اكورد 2004\2006 وبدون فلتر وماشي وضعهم بس يقولون انه بعض الأحيان يدخل عليهم غبار ز

م هـ ى 700

انا معاك في كلامك وكل مره انظف الفلتر يطلع منه كوم غبار بس وش الحل اللي يخلي المكيف بارد بدون ما اشيل فلتر الهواء
شاكر لك مرورك واهتمامك

**م هـ ى 700** · 15-09-2010, 07:52 AM

المشاركة الأصلية كتبت بواسطة عـــــذب

انا معاك في كلامك وكل مره انظف الفلتر يطلع منه كوم غبار بس وش الحل اللي يخلي المكيف بارد بدون ما اشيل فلتر الهواء
شاكر لك مرورك واهتمامك

نظف فلتر الهواء مع كل تغييرة زيت للمحرك وواظب على فعل ذلك دوريا
لأنه إذا كان الفلتر نظيف وخالي من الأتربة والغبار لن يكون هناك انسداد للمسامات ويكون تبريد المكيف جيداً

**عـــــذب** · 15-09-2010, 01:28 PM

م هـ ى 700

اخوي هذا اللي اسويه بس يوم او يومين بالكثير ويرجع كما كان يعني مافيه فايدة بعدين مسامات الفلتر ماتتسكر كثير لان الهواء يدخل ودفعة جيد

يعطيك العافيه

**ا ا ب السعوديه 6 6 5 5** · 15-09-2010, 03:42 PM

السلام عليكم
اخووي نظف الفلتر من الجهتين وركبه
بس اذا بتفكه وتخليه بدون فلتر بيكون بارد بس اتةقع له اضرااار واذا فكيته ولا تبغى تركبه ركب الغطاء اللى مثبت فيه الفلتر الهواء

**م هـ ى 700** · 16-09-2010, 08:04 AM

المشاركة الأصلية كتبت بواسطة عـــــذب

م هـ ى 700

اخوي هذا اللي اسويه بس يوم او يومين بالكثير ويرجع كما كان يعني مافيه فايدة بعدين مسامات الفلتر ماتتسكر كثير لان الهواء يدخل ودفعة جيد

يعطيك العافيه

شي غريب والله

أعانك الله

**م هـ ى 700** · 16-09-2010, 08:06 AM

المشاركة الأصلية كتبت بواسطة ا ا ب السعوديه 6 6 5 5

السلام عليكم
اخووي نظف الفلتر من الجهتين وركبه
بس اذا بتفكه وتخليه بدون فلتر بيكون بارد بس اتةقع له اضرااار واذا فكيته ولا تبغى تركبه ركب الغطاء اللى مثبت فيه الفلتر الهواء

اخوي معليش

لكن طريقة تنظيف الفلتر من الجهتين خاظئة

التنظيف لأي فلتر بيكون من الجهة المعاكسة لمرور الهواء