تكفون يا اهل الخبره افودوني جزاكم الله خير

**الفارس شبيه الريح** · 19-09-2010, 02:39 AM

السلام علكم ورحمة الله وبركاته
انا افكر في شراء هوندا اكورد واتمنا تفيدوني عن قطع الغيار رخيص ولا غاليه وبرضو عن السياره حقت مكده ولا لا وممكن كم الاقي سعر الهوندا اكورد موديل 2003 اقل نوع عادي لأن مبلغي ما يتعدا 22 الف ريال وبدعي لمن رد لي في ظهر الغيب وجزاكم الله خير الجزاء ووالله ان ماعندي خلفيه عن الموتر او اي شئ بس لي نفس فيه صراحه وتكفون لاتبخلون على بأي شي اجابي او سلبي
وتقبلو تحياتي

**khalody** · 19-09-2010, 03:45 AM

وعليكم السلام

انا بصراحه ما عندي خلفيه بس من كلام الاعضاء انها غاااليه

و عن قيمتهاا علمي علمك

و الله يوفقك في السياره الي تبيهاا

و انشاء الله الاخوان يفيدوونك

**الفارس شبيه الريح** · 19-09-2010, 04:05 AM

الله يعطيك العافيه

**الفارس شبيه الريح** · 21-09-2010, 07:52 AM

افا وين اهل الخبره تكفون ولا هانو بقيت الاعضاء

**الفدرالي** · 21-09-2010, 12:03 PM

الدفعة الجديدة اللي من08-10 قطع الغيار معقول
لكن دفعة 02-07القطع غالية بس الشهادة لله ان هذي الدفعة حقت مكده ولد خالي معه 2005 لعن جدها وكرفها كرف مو طبيعي من تنزيل الى ترفيع الى تطعيس ماشاء الله عايشه معاه

**AC04** · 21-09-2010, 02:50 PM

معك دراهم خذ 2005 3و4 لاتااخذها مع انها نفس الشكل بس خذ 2005

**مسـ روئــــان ــتر ^_-** · 21-09-2010, 04:46 PM

اخوي الله يوفقك ويسر امرك بس ودي اعطيك فكره بمبلغك هذا صدقني ماتجيب هوندا نظيفه وعلى الشرط بس

شوف لك تويوتا وراح تلاقي بسعرك سياره نظيفه وحتى لو طلع فيها شيء تلاقي قطع الغيار متوفر حتى في البقاله :d

تح ــــياتي:

مســـــــــــــــتر روئان

**غاب القمر** · 22-09-2010, 01:04 AM

والله زي ماقالو الاخوان

من 2003-2007

هذي قطعها غاليه .. الشكل الجديد 2008 الى 2010 .. اسعارها مقبوله وقريبه من اسعار قطع الكامري

**ابو مهند** · 22-09-2010, 01:24 AM

وعليكم السلام ورحمة الله وبركاته الاكورد موتر حق كرف لاكن الشهاده لله قطعها غاليه مع العلم ان القطعه اذا غيرتها تنسى منها يعني جودة لاكن بصراحه اذا بتشتري مستخدم اهم شي يكون نظيف لو ماكان الموتر نظيف بمعنى الكلمه وراعيه دايم يسوي له تشييك في الوكالة اخاف تطيح بموتر فيه قطع تجارية وتبلش احرص على نظافة الموتر قبل اي شي وتوكل على الله ولو يكون راعي الموتر تعرفه مسبقاً يكون افضل لان الاستخدام له دور في نظافة الموتر وانتبه يالغالي لايصير معك مثل ماصار مع واحد من الشباب في المنتدى اشترى هوندا بديها نظيف لاكن الله يعوض عليه بخير طلعت من السيارات اللي جرفتها سيول الرياض كل مافك شي لقا فيه مويه وانواع الخساير اتمنى لك التوفيق .

**الفارس شبيه الريح** · 24-09-2010, 07:03 PM

الله يعطيكم العافيه ماقصرتم كلكم
وتقبلو تحياتي

**gogo** · 27-09-2010, 12:41 AM

بسمه تعالى :

ليعوضك الله لما فيه الخير و شراء سيارة مناسبة ....زد المبلغ قليلآ لإذا كنت لست مضطرى حاليآ و يمكن البحث عن سيارات أكورد موديلات 2005 -2006 نظيفة وارد أمريكا و بحالة ممتازة و حول سعر 35.000 ألى 30.000 ريال ببعض المعارض و قبل الشراء يمكنك وضع رقم الهيكل بإحدى مواقع كشف الحالة الدورية للمركبة للتأكد من خلوها من الصدمات ....و في حالة عدم تواجد الأكورد فبإمكانك الإتفاق مع صاحب المعرض لجلب كامري إمريكية موديل 2001 -2003 و بحالة جيدة جدآ و أسعار تتراوح بين 25.000 ألى 33.000 ريال حسب نوعية المركبة و فرق المحركات ....و بالتوفيق أخي الكريم .

http://www.exporttrader.com/section/search/unty/1/carmark/HONDA/carmodel/ACCORD/findcar/go/