الموضوع: المفتاحين الاسبير

ايه هذولي ياطويل العـمر بس لفتح باب السياره


اما السويتش والتشغيل لايعمل

غـريبة ! اول مرة أسمع عن الحكاية هذي

طيب جرّب تدخل المفتاح وخل اللمفتاح الأصلي لاصق في السبير يعني حطهم على بعض بالعكس
وخل الإسبير داخل السلف والللي بالريموت برى وجرب لو استغلت السيارة معناها المفتاحين
ماعليها برمجة للسيارة

جرّب ورد لنا

اخوي انا اللي اعرفه انه الرمادي مايدخل السويتش اما الاسود عادي

لانه الرمادي حق الابواب وقفل الشنطه من الداخل وكمان يقفل المكان اللي ورى التكايه الخلفيه يعني هو خاص بالاشياء تبع الامان يعني لوديت السياره الشركه مثلا وبتقعد اكثر من يوم يمديك تقفل الشنطه بالمفتاح الرمادي بحيث انهم مايفكوها

من طول المدة قد يكون من الصعوبة ادخال المفتاح في السويتش

انا اشغل سيارتي بكل المفاتيح اللي معي الاسود والرمادي لكن بالفعل في البدااية الرمادي كان يلك في السويتش اثناءالدخول او الخروج لكن صار الحمد لله سلس اتوقع لو تمسحه بقليق من الزيت مثل الزيت اللي يجي مع اله الحلاقة او مكينة الخياطة وتجرب

لكن تراه يشغل السيارة زيه زي المفتاح ابو ريموت

الفرق الوحيد ان الرمادي مايفتح الدرج ولا يفتح الشنطة وتأمينها ولا يفتح التكاية الخلفية المؤدية الى الشنطة ولا يطبق المقعد الخلفي

يعني مصمم تعطيه للسواق او عامل الورشة اذا وضعتها عنده

جرب مرة اخرى بعد التزييت

انا عندي 3 مفاتيح اشغل السيارة بكل المفاتيح الثلاثة وخصوصا الرمادي يشغل حلاوة

المشاركة الأصلية كتبت بواسطة d7ooom2009

يسعدلي صباحكم/مساكم حبيابي

السالفة باختصار ان المفتاحين الاحتياط الاسود + الرمادي مايدخلون بالسويتش مع اني حاولت اكثر من مرهـ

مع انهم يفتحون الباب

معلومة :من يوم شريت السيارة ماعمري استخدمتهم


مشكورين مقدما ويعافيكم ربي يا الغاليين :o

المشكلة هذه مرت عليه سيارتي موديل 2009 وسويتها الاسبوع الماضي في جدة بـ110 ريال فك السوتش ونظف اسنان السوتش ورجعها زي مكانت ويقول صاحب المحل هذي المشكله في الاكورد والسفك ايضا
وانت ماعليك الا تروح الي محلات قص المفاتيح وهم يصلحونها لك لا تخاف مشكلتك بسيطة انا كنت خايف زيك يوم شفت الشغله بسيطة ارتحت
بس حاول تستعجل لن لوا ضاع المفتاح الرئيسي بتتورط
واذا تبغى وصف المحل الي سويت عنده في جده ورقم جواله انا حاضر

ولك تحياتي،،،

المشاركة الأصلية كتبت بواسطة ياما نسيت

من طول المدة قد يكون من الصعوبة ادخال المفتاح في السويتش

انا اشغل سيارتي بكل المفاتيح اللي معي الاسود والرمادي لكن بالفعل في البدااية الرمادي كان يلك في السويتش اثناءالدخول او الخروج لكن صار الحمد لله سلس اتوقع لو تمسحه بقليق من الزيت مثل الزيت اللي يجي مع اله الحلاقة او مكينة الخياطة وتجرب

لكن تراه يشغل السيارة زيه زي المفتاح ابو ريموت

الفرق الوحيد ان الرمادي مايفتح الدرج ولا يفتح الشنطة وتأمينها ولا يفتح التكاية الخلفية المؤدية الى الشنطة ولا يطبق المقعد الخلفي

يعني مصمم تعطيه للسواق او عامل الورشة اذا وضعتها عنده

جرب مرة اخرى بعد التزييت

ياشباب نصيييييييييييييييييييييييييييحة صاحب محل المفاتيح الى سويت سيارتي عندة نصحني ما احط زيت ولا اي شي داخل السوتش لان الاكورد مفتاحها مختلف واسنان السوتش ليس كباقي السيارات مع الزيت يمكن تطلع وبعين حتى المفتاح الرئيسي مايشغلها....
هذا الكلام الى قاله المهندس الاسبوع الماضي وللفائدة نقلته لكم.

حتى انا نفس المشكلة السبيرات ما تشغل السويتش مع اني ما قد استخدمتهم الا هالمره ...

انا صارت لي مره
اذا ادخلت المفتاح الاسبير لا استطيع تشغيل السياره (كأن المفتاح ماهو لها)
والمصيبه اذا طلعته ورجعت المفتاح الاصلي (ابو الريموت) يرفض يشتغل السياره كانه ماهو لها(ما يدور)
لازم احاول واعيد وازيد لحد ما يمشي الحال وبمجرد ما ارجع الاسبير مره ثانيه يرجع يخرب المفتاح الاول


الحل كان باني اخذته للوكاله وبرمجوه مره ثانيه بقيمة 48 ريال
وانتهت المشكله

عآدي آنا كآنت كلها تمآم و قبل مدهـ صارت ما تدخل الا بطلعه الروح ثم آحاول آشغل السيارة ما تشتغل الا اقدم المفتاح و آسحبه على ورى ثم آقدم المفتاح للتشتغيل وتشتغل و الآن رحت جربت الرمادي و شغل السياره تمام ..