تجاربكم مع الكشافات التجاريه
السلام عليكم و رحمة الله و بركاته
يا اخوان بس بغيت تجاربكم و نصايحكم بمحل لتركيب الكشافات بالرياض
التركيب اللي اقصده هو تثبيت الكشافات بس .. بدون تمديد اسلاك و لا تركيب فاصل
لانه راكب عندي فاصل وكاله و اسلاك الكشافات موجوده شد بلد
ابي محل يكون شغلهم نظيف من تجربتكم .. ما يحوسون الصدام و لا يخرمون زياده عن الحاجه
و النور يكون موزون
مشرفنا الاخطبوط مدح لي العليان .. و رحت شفت شغلهم
بس المشكله ان سعر الكشافات عندهم بـ 250 ريال و التركيب 100 ريال
<< ما نقصوا و لا ريال من التركيب مع اني احتاج تثبيت للكشافات بس
و الشي الثاني انه نفس الكشافات اللي عندهم بالضبط تباع بمحلات العروبه بـ 170 ريال
مع التثبيت
فـ يا ليت تنصحوني بمحل معين يا اخوان من تجربتكم
و يعطيكم الف عافيه
انا من يوم اسمع كلمة كشافات علطول اجي :d
اللي لاحظته على الكشافات التجاريه على الاكوردات اللي اشوفها بالوكالة لما اروح الصيانه انها تكون مصفره شوي
حتى بعض اعضاء المنتدى اللي ركبوا كشافات بعدي اشوفها مصفره شوي وباهته
لكن اللي عندي الحمد لله ماعليها اي خلاف وماني حاط عليها عازل او اي شيء
ممكن انواع التجاري تختلف عن بعضها فتاكد من النوع اللي بتاخذه وبالتوفيق مشمش مهجد عرابجة امريكا
الاخطبوط كان هنا
لا ما عليك ما فاتت علي
انا رحت شفت كشافات العليان اول
بعدين دورت نفس النوعيه و حصلتها بالعروبه بـ 170 ريال
بس بسألك هم فكوا الصدام و قت التركيب ولا لا ؟
و يعطيك العافيه على الرد
و لك مني بشاره قريب ان شاء الله ;)
في الأكورد وقت تركيب الكشافات المستطيلة يحتاج فك الصدام
لأنك لو شلت الغطا البلاستيك إللي محل الكشاف حتلاقي زي قطعة الجلد وراها هذي لازم تنقص ( يمكن قصها بمشرط ) وتثبت الكشافات من داخل الصدام بدون تخريم ولا أي شي
وانا مسويها بجدة بـ 350 ريال ولا تستغرب أخوي accord 06 يمكن النوعية إللي عند العليان تايواني مو صيني أبو 170 ريال لأن الصينية تصفر بسرعة أما التايوانية أنا مركبها من 6 شهور تقريبا ولا صفرت ولاشي لكن بعد 3 شهور كذا أنحرقت فركبت عليها زينون و ماشية زي العسل
اخــوي ACCORD 06
واللـه تبي نصيحتـي لا تركـب تجـــاري لأنــي اعرف كـــذااا واااااحد يشتيكي منهاااا يتغيررر لونها تصير صفرااااء فخلك وكاااااالة أحســـن لــك ومثـــل ما قاااال الأخطبــوووط ...
وعلى فكـــرة لازم يقصون الصدااام من عند حدووود مكااان الكشااافات بيخترب الصدااااام حق الوكـــالة ...
وهــذا رأيي وأنت وكيفك .. وشوف ردوووود الشبااااب الباقي ...
تحيـــــاتـــــي لـك ...
وجهة نظري ركب الاصليه احسن لك واصبغ حوافها السود با ابيض وانتى الموضوع نور موزون وقوي وبدون تخريم
انا مركب من عند العليان الي نفس شكل الوكاله و ماشاءالله روعه ولا بهتت و لا اختلف لونها و نورها قوي .
مافي مثل الأصلي و بس
بس شباب ما تلاحظون ان كشافات الوكاله مبالغ في سعرها 1050 ريال
وخارج الوكاله ما تتعدى 400 ريال
يعني الفرق 650 ريال
^
^
^
وين محصلها برا الوكاله وهل يجي معها فاصل
اقولك سالفتي مع الكشافات >>> ناويها سالفه :d
يوم اشتريت السيارة وقبل مااعطي الوكالة الشيك قلت للموظف ابي الكشافات
قال هي ماهي موجوده حاليا لكن بنجيبها قريب وهي نفس اللي بالصورة >>> واشر على لوحه فيها صورة الاكورد بالكشافات المستطيله
قلت اوكي
بعدها صرت كل يومين داق على قطع الغيار هاه وين الكشافات ماوصلت الكشافات متى تجي الكشافات >> سويتلهم قلق
في الاخير وصلت الكشافات وصار وجهي كذا :dورحت ابي اشتريها وكانت السيارة ماشيه 5 الاف كيلو
شفت الكشافات وكانت الصدمهانها بيضاويه ومافيه امل يجيبون المستطيله :p
والله اطلع من عندهم وسيييييده على العليان وهات الكشافات المستطيله وركبها عندهم
اللي كنت خايف منها ان الوزنيه ماتكون مضبوطه بس ماشاء الله عليهم ضبطوها ميه ميه
والتخريم الصراحه يوجع القلب لكن النتيجه حلوه بإذن الله >> على فكرة مافكوا الصدام عندي
وابشرك لها سنه وزود ونفس اللمعه لاصفرت ولا يحزنون ولو يرجع الزمن بركب المستطيله مره ثانيه
اهم شيء انت وضميرك لانه اذا خرمت خلاص مافيه تراجعودامك مركب فاصل الوكاله فانت كذا
الاخطبوط كان هنا
صراحه كلام الاخطبوط عين العقل
ركبها عند العليان ولادفع للوكاله فوق ال1000
صحيح كلام الاخطبوط
بس مشكله العليان ان فاصل ( العصا ) ما تجي مع الكشافات يعطيك الفاصل زر
هنا المشكله بس والحل اذا ما تبي الزر لان الزر ماله مكان في السيارة اشبكه مع السكن بس اخاف يتاثر الكهرباء بعدين
<===== متردد يركب كشافات
الله يعطيكم العافيه جميعا على الردود
الظاهر اني بلعب على المضمون و بركبها عند العليان و الله يعين
بالنسبه للكشافات الاصليه غاليه و ما اعجبني شكلها
و الشي الاهم انه في 4 او 5 اعضاء معنا بالمنتدى يشتكون من تكسرها بعد
فتره بسيطه من الاستخدام .. و نفس المشكله قريت عنها في منتديات اجنبيه
اخوي مشعل ,, خذ الكلام ,,,
الانكسار له حل ,,,,,,,,,,,,,,,, روح زيبارت وركب الفلم الشفاف على الشمعات والكشافات بــ 250 ريال ويحمي بأذن الله ,,
الكشافات الاصلية ,,
نور قوي
موزونة
توزنها بكيفك وقت الحاجة
تركبها بنفسك بدون اي قروشة
.
فما زلت اسمع أصواتهم تهمس في أذني ...
وما زلت استنشق أنفاسهم تعطر المكان من حولي ...
وما زلت أرى خيالهم كلما طرفت عيني ...
دفنت الأجساد ... وبقيت الأسماء...
... وبقي الحب يملأ قلوبنا بالأمل ...
.
يعطيك العافيه يا مصعب
الصراحه الكشافات ابيها شكل اكثر من اني احتاج نورها
و انا افضل شكل الكشافات التجاريه على الاصليه
اعتقد انه سبب اصفرار الكشافات يعود لكثرة تشغيلها ... فإذا انت تبي الكشافات زينة دور الأرخص ..
احسن شي خذلك صدام تجاري مايتعدى سعره 250 ريال
وحفر فيه زي ماتبي وحطلك كشافات اصليه والا تجاريه...ان شاءالله تحط عيون قطط<<===هذي وين نصرفها...
اما سالفة التكسير لانها قزاز تتكسر مو بلاستيك...
^^^يبوي وين تسمع معه اقولك 120 وين 250 :d<<<توه داق عليه يسأله
بس فكرة الصدام التجاري حلوه
عشان ماتتحسف عليه حتى بعد غير الكشافات لو حكيت ولا شي
والله يعين...
^^^
وين احصله بهذا السعر ؟
انا سألت و سعره بحدود 400 ريال << صدام الـ 2006
اما الـ 2003 - 2005 سعره بحدود 200 ريال
اخوي اسأل اكورد لؤلؤي...
هو اللي قالي عنه...
يقدر يفيدك...
لو تبغى رأيي
أقول لك و أقترح
انك تركب عند العليان
سلامي على شباب المنتدى آنا عضو جديدمعاكم في المنتدى وأنشالله أكون ضيف خفيف عليكم أحلى تحيه لأصحاب الأكورد بسألكم أنا ساكن بالدمام ومعاي أكورد2007 أبي أركب عليها الكشافات بس غير الوكاله وصفولي مكان زين يعرف يضبطها ويعطيكم ألفففففففففف عافيه ومشكوريييييييين
ياخوي انتبه انا اخذت للسفيك طقمين للكشافات نفس الشكل لاكن الكرتون يختلف شوي
المهم الحمد لله اخذت طقم لي وطقم لواحد من الشباب المهم الطقم حقي سليم 100% وصارت له فوق 9 شهور معي الحين ولا يدخله مويه ولا شي والحمد لله تمام للحين بـ 200 ريال والتركيب اخذ مني 100 ريال
لاكن رفيقي النوعيه اللي اخذها نفس السعر ونفس الشكل لاكن الغريب في الأمر يدخلها مويه وتغير لونها مع الوقت ..!!!
يعني انتبه
ضوابط المشاركة
رد مع اقتباس
مواقع النشر (المفضلة)