وبعد جهد في جمع معلومات عن الكفرات تفاجئت!!!!

**شايف وساكت** · 11-10-2010, 10:10 AM

منتدانا العزيز

السلام عليكم ورحمة الله وبركاته

نخش بالموضوع على طول أنا الكفرات اللي الان على السيارة حقت الوكالة ( ميشلان )من يوم طلعت السيارة تقريبا قبل سنتين

ماشية الان تقريبا 51 ألف والكفرات نقشتها كويسه لاكن فيها بعض التشققات في الجوانب وعلى حسب كلام أهل الخبرة يقولون خلاص عمرها الإفتراضي سنتين أو 50 ألف

المهم جلست أدور هنا وهنا بالمنتدى عن أفضل أنواع الكفرات تقريبا الكل أجمع على ميشلان وأنا بصراحة أعجبني ميشلان حق الوكالة سافرت عليه مرات كثيرة وما شاء الله كويس وإن كان قاسي شوي

بس حصلت ملاحظات من أغلب الأخوان أنه انتبه لما تجيج تشتري الكفرات كلهم يقولون خذ ميشلان الماني واللي يقول خذ الفرنسي انا بصراحة احترت لأني أول مره أعرف أنه في شي اسمه الماني وشي اسمه فرنسي

أخيرا انا قلت اشتري راسي واروح وكالة ميشلان واشتري من عندهم أفضل وأضمن المهم يوم كلمتهم قلي موجود نفس المقاس وكل شي سألته قلتله أيش نوعه جلس يضحك قلي هو نوع واحد تايلندي انا تفاجئت ياهو !!! قلتله يقولون في الألماني أفضل شي قلي ياعمي الكفرات اللي تجي وكالة على السيارة تايلندي !! معقولة كفرات الوكالة تايلندي بعدين قلتله ابغى ميشلان بريمسي قلي ما فيه أحسن شي نوع اسمه والله صرفلي نوع mx أو شي زي كدا المهم قيمة الكفر الواحد 549 مع التركيب والترصيص والنيتروجين

فا ايش رايكم يا زملائي

**B Useful** · 11-10-2010, 10:26 AM

الميشلان اللي على 2008 وفوق تايلندي
واللي من 2003 الى 2007 فرنسي وهو الافضل والارسى (رغم انة مزعج)

وازيدك من الشعر بيت .. فية انواع كثيرة من الميشلان .. (قصدي نوع واسم ونقشة ) مو الصناعة بس اللي تفرق ..

**شايف وساكت** · 11-10-2010, 10:42 AM

المشاركة الأصلية كتبت بواسطة b useful

الميشلان اللي على 2008 وفوق تايلندي

واللي من 2003 الى 2007 فرنسي وهو الافضل والارسى (رغم انة مزعج)

وازيدك من الشعر بيت .. فية انواع كثيرة من الميشلان .. (قصدي نوع واسم ونقشة ) مو الصناعة بس اللي تفرق ..

أشكرك بعنف على هذا التجاوب السريع طيب ممكن تنصحني بنوع كويس من ميشلان

**B Useful** · 11-10-2010, 11:39 AM

نوع يصبر وقوي وراسي وبطل <<< وصفك ياعزيزي شف النوع نفسة اللي كان راكب على الاكورد 2003-2007 (للفل طبعاً ) صناعتة فرنسية , مشكلتة الوحيدة .... بعد فترة بسيطة بتبدأ تسمع صوت الشارع (صوت الكفرات والازفلت )

فية نوع من ميشلان جديد اسمة (بريمسي ) اسئل عنة وفية كم عضو يمدحونة واظنة بديل للموديل السابق (اينيرجي )

**المباشر** · 11-10-2010, 07:02 PM

الفرنسي تتعب لين تحصله وان حصلته صناعه قديمه يعني ماينفع مخزن

**ابو مهند** · 12-10-2010, 03:03 PM

لو لقيت الفرنسي وتاريخه جديد اشتر ولا تشاور بس مااظن تلاقيه بالنسبه لي جربت الالماني ممتاز وقل للموظف اللي في وكالة ميشلان ماعندك سالفة .

**Accord_2005** · 12-10-2010, 03:30 PM

المشاركة الأصلية كتبت بواسطة b useful

الميشلان اللي على 2008 وفوق تايلندي
واللي من 2003 الى 2007 فرنسي وهو الافضل والارسى (رغم انة مزعج)
وازيدك من الشعر بيت .. فية انواع كثيرة من الميشلان .. (قصدي نوع واسم ونقشة ) مو الصناعة بس اللي تفرق ..

من 2003 إلى 2005 دانلوب

و2006 و 2007 ما ادري عنها لكن يلي متأكد منه يلي هو 2003 إلى 2005

وسلامتك

**المباشر** · 13-10-2010, 12:38 AM

المشاركة الأصلية كتبت بواسطة acoord-2005

من 2003 إلى 2005 دانلوب

و2006 و 2007 ما ادري عنها لكن يلي متأكد منه يلي هو 2003 إلى 2005

وسلامتك

موتري 2007 آخر دفعه وجاء عليها الفرنسي

**بسكاتي اذلك** · 13-10-2010, 12:59 AM

وفية امريكي في حدود 520 ريال يقول احسن من الفرنسي والله احترت

**GO AHEAD** · 13-10-2010, 01:04 AM

حياكم شباب
أنا قبل إسبوعين متصل على الجفالي بجدة
وقالوا لي مافيه كفرات بريمسي واللي فيه هي إنيرجي
وبصراحة متردد و ودي بالبريمسي .

**شايف وساكت** · 13-10-2010, 12:14 PM

والله شغله حتى الكفرات محتارين من كثر الأنواع والنصب من الشركة

المشكلة بريمسي ما فيه بالجفالي

طيب ايش رايكم حصلت بريمسي في محلات الكفرات بكليو3 مجمع الكفرات بس 55 مو 50 بس خايف اخد من هذه المحلات وتطلع مضروبة والا مغشوشة

**طلال اباالصفا** · 13-10-2010, 12:48 PM

الماشيلان الفرنسي والالماني لـ 2008 و 2009 شبه نادر جداً

لذلك انا ركبت القوديير وما شاء الله عليه حلو مررره بس انتبه لا تركب الاماراتي خذ الالماني من الوكيل اللي بمخرج 15 مقابل اسواق المجد. سعره شوي غالي كلفني الاربع بالنتروجين حدود 2400 ريال.

**just 4 u** · 13-10-2010, 12:56 PM

المشاركة الأصلية كتبت بواسطة طلال اباالصفا

الماشيلان الفرنسي والالماني لـ 2008 و 2009 شبه نادر جداً

لذلك انا ركبت القوديير وما شاء الله عليه حلو مررره بس انتبه لا تركب الاماراتي خذ الالماني من الوكيل اللي بمخرج 15 مقابل اسواق المجد. سعره شوي غالي كلفني الاربع بالنتروجين حدود 2400 ريال.

حـسب علمي ! الكـفرات 205/60/16 عند القوديير كانت صناعة صينية ؟
هل أنت متأكد من هالشيء

**راعي الهنادي** · 13-10-2010, 01:04 PM

ياحبيبي اذا تبي الهداوة والليونة والمطب الخفيف والرساوة والسعر المانسب

خذ سوموتومو ... يابانية ومضمونة

اتكلم من واقع تجربه طويله مع الكفرات هذي

سوموتومو 55/225 h

**طلال اباالصفا** · 13-10-2010, 01:10 PM

225/50/17

الا متأكد,,,
نفس مقاس الوكالة بالضبط والمقاس هو اللي منعني من الفايرستون!!! اما عن صناعتها فيتوفر على حسب علمي من مصنعين مصنع بالامارات ومصنع بالمانيا ,,, اكيد فيه غيره بس هذا اللي انا اعرفه ولذلك فرقت فوق 50 ريال لكل اطار عن السوق واخذت من الوكيل - صناعة المانية... ركبتها قبل ثلاث شهووورفقط. روح وعدا سعرها العالي والا هي تمام مررره

وازيدك من الشعر بيت مركبها بسيارة اخوي اكورد 2006 من سنة تقريباً مرتاح صاحبها معها (نفس الصناعة بس المقاس يختلف طبعاً)

ركبها وادع لي,,, وترى وكيلها يستخدم النتروجين عند التركيب بس لازم تضغط عليهم شوي,,,

**Accord_2005** · 14-10-2010, 03:04 AM

المشاركة الأصلية كتبت بواسطة المباشر

موتري 2007 آخر دفعه وجاء عليها الفرنسي

من ناحية الـ 2006 و الـ 2007 ما عندي علم فيها لكن يلي متأكد منه يلي هو

من 2003 إلى 2005 دانلوب

ودانلوب ما شاء الله صناعة ممتازة وتخدم

وسلامتك ،،،

**تاج السلطان** · 14-10-2010, 01:39 PM

برجستون ممتاز ولكن خذ حرف " v " لا يعطيك " H "
و البرجستوب ياباني
أما الميشلان الفرنسي قاااااااااااااااااااااااااااااااااااااسي مره إذا أكلت مطب الله يعينك

محرد رأي

**ashraf rashid** · 14-10-2010, 02:01 PM

أنا عن نفسي جربت ميشلان و تويو الياباني

بصراحة كلهم ممتاااازين

**ابو حمودي** · 16-10-2010, 01:10 PM

نصيحة مجرب للمشلان

شريت ميشلان بريمسي في شهر 8 اللي فات لكن للأسف الحين تطلع صوت بعد ما تمشي 80 و انت طالع

رحت للشركة و فحصو الكفرات قالوا سليمه

و عرفت من بعد الشباب ان نوعية مشلان بعد فترة قصيرة تطلع صوت الطريق

يعني إذا فيه غير مشلان وانت مجربها خذها والا خذ نفس نوعية كفرات سيارتك و ارتح مع العلم ان سيارتي 2005

لكن الله يكفينا شر الغش