اخر مواضيع المنتدى

حراج سيارات هوندا اكورد للبيع | حراج هوندا | حمل تطبيق حراج سيارة
صفحة 1 من 6 12345 ... الأخيرةالأخيرة
النتائج 1 إلى 25 من 146

الموضوع: وهذه هي تجربتي .. تقرير ال 200000 كم

  1. #1
    عضو فخري الصورة الرمزية أكورداوي
    تاريخ التسجيل
    03-2006
    الدولة
    الدمام
    المشاركات
    3,545
    Post Thanks / Like

    افتراضي وهذه هي تجربتي .. تقرير ال 200000 كم

    بسم الله الرحمن الرحيم










    بعد الجدل و الخلاف الي صار في المنتدى في الفترة الماضيه والتشكيك في سمعة الأكورد سواءا من أعضاء النادي أو من الدخلاء مثل مايقولون .. فكرت وقررت اني استعرض لكم نبذه عن سيارتي خصوصا انها كملت حاليا 5 سنوات وزياده ومثل ماهو معروف عند الجميع ان هذا هو العمر الافتراضي للسياره .. أضف لذلك انها قطعت مسافة 200,000 كم ..










    قبل ما أبدأ أحب اوضح ان السياره ما اشتريتها وكاله .. لأن الفتره الي كنت أبشتري فيها السياره كانت في نهاية عام 2005 وكانت السياره مخلصه من الوكاله بجميع فروعها ماعدا اللون الفضي ولا راح تجي الا دفعة 2006 وماكنت مقتنع في شكلها من الصور الي شفتها بصراحه .. فقررت اني ادور على سياره مستعمله وتكون شبه جديده ,,



    الحمد لله توفقت وشريت سيارتي وكانت مستعمله لمدة شهرين لكن كان ممشاها عالي شوي (14000 كم ) واخذتها بحدود 77500 ريال مع العلم أن الوكاله كانت تبيع اللون الفضي جديده ب79000 ريال لكن اللون كان غير مقنع لي أبدا فالحمد لله اخذتها وانا مرتاح ومقتنع .










    قطعت السياره أغلب ال 200.000 كم على خط الدمام – الأحساء أيام الدراسه بالجامعه لأني كنت أروح بداية الاسبوع للأحساء وارجع يوم الأربعاء ولمدة 4 سنوات من 2006 – 2010 ..


    وقطعت السياره مسافه لابأس بها على خط الدمام – الرياض خلال فترة التقديم بعد التخرج ثم فترة التدريب في بداية الوظيفه ولمدة شهر كامل كنت اروح فيها اسبوعيا للرياض غير السفر للرياض بين فترة وفتره للتمشيه أو انجاز اعمال خاصه.


    اما باقي المسافه فمشاويري العاديه بين الدمام – الخبر – الجبيل


    سواقتي للسياره لاهي بالشاقه مثل مايقولون ولاهي بالهاديه .. وسط .. أخذ حفر .. مطبات .. عادي جدا فأنا سعودي لكن الحمد لله ماني براعي سرعه ومقاومات .











    1- الشاشه اشتريتها من المشرف ميشو مثل ماتعرفون سابقا


    رابط الموضوع







    2- انوار اللوحات الخلفيه (اللكزس) اشتريتها من وكالة لكزس قبل سنتين تقريبا بحدود170 ريال وركبتها بنفسي بعد عملية صعبه جدا جدا اخذت مني أكثر من ساعه لكن في النهايه اكتشفت ان الشغله اسهل مماهي عليه . وهذا رابط موضوع الأخ محمد بن عبدالعزيز يوضح لكم الطريقه بالشرح المفصل


    رابط الموضوع







    3- انوار الزينون (4300 كلفن) صيني ومتوفر بكثره في السوق وتقريبا مثل الي يبيعه أخونا كاكاشي




    4- التحكم بالصوت من الدريكسون (القطعه موجوده بالوكاله والتركيب عند أخونا محمد بن عبدالعزيز وتقدر لو عندك روح المغامره والتجربه تركبها بنفسك بس المشكله كل الشروحات الي بالمنتدى اختفت صورها)






    5- وصلة الايبود ( تم شراءها من موقع ebay قبل 3 سنوات تقريبا بحدود 350 ريال وركبتها بنفسي بعد قراءة موضوع أخونا NEO FOX )


    رابط الموضوع



    هذي صوره للوصلات الي اشتريتها وتجي بالطريقه هذي







    هذي صورة مخرج الايبود من خلف المسجل

















    6- مقابض النيكل (اشتريتها ب 100 ريال من العضو Ahmed_mokhtar )






    7- الستائر (اشتريتها من العضو أكورداوي بس مسوي لي خصم خاص) :d


    رابط الموضوع








    8- عازل حراري (توب شيلد)


    رابط الموضوع
















    1- في اول يوم استلمت فيه السياره ومع أول اختبار للدعسه .. تفاجأت ان السياره بدت تنتع وفجأه طفت علي ومن بعدها ما اشتغلت الا في وكالة عبدالله هاشم .. !! يعني تخيل اول يوم وتشيل سيارتك بسطحه !! وش شعورك وقتها ؟


    وش السالفه ؟ طلعت من محطة البنزين الي عبيت فيها السياره لأول مره .. كانت المحطه شبه مهجوره وعلى ما اظن ان خزان البنزين كان على النهايه فدخلت كميه كبيره من الرمل في السياره وسدت البخاخات وقفلت قبل ماتوصل للماكينه وتمت عملية تنظيف التانكي والبخاخات في الوكاله واخذت مني اسبوع تقريبا بتكلفة 850 ريال تم تخفيضها الى 450 ريال .



    2- بعد السنه الأولى تقريبا صار عداد البنزين يلعب .. مره على الفل ومره على ال E وكنت وقتها في ابها .. ورجعت الشرقيه ودخلتها الوكاله ولقوا عندي قاعدة طرمبة البنزين مكسوره وهي عباره ربله صغيره وقيمتها تقريبا 20 ريال وسعر التركيب 100 ريال وتم حل المشكله بحمد لله.



    3- مشكلة السنتر لوك وهي مشكله معروفه في الأكورد بصفه عامه وتم تغييرها في سيارتي مرتين تقريبا للبابين الأماميه



    4- أنوار السقف الأماميه وتم تغييرها بأفياش من التشليح ب 80 ريال



    5- كراسي الماكينه كلها مع كرسي واحد من كراسي القير وتم شراءها ب 1200 ريال وتغييرها ب 350 ريال مع قيمة تغيير جلد المقصات .



    6- جلد المقصات ولا اذكر سعرها بصراحه لكن في حدود 300 ريال



    7- علبة الدريكسون وتم تغييرها في الوكاله ب 2350 ريال مع قيمة تغيير صوفة الماكينه الأماميه ( ما أذكر السعر المفصل )



    8- لي الدريكسون وتم تغييرها على الضمان بحكم انه عيب مصنعي



    9- القماشات الأماميه تم تغييرها 3 مرات (المعدل مره كل 66000 كم ) وأشوف انها منطقيه جدا .



    10- القماشات الخلفيه غيرتها 5 مرات تقريبا (معدل عالي مقارنة بباقي السيارات الأخرى )



    11- الهوبات الاماميه غيرتها مره وحده وانخرطت مرتين حتى الان.



    12- البوري تم تغييره مره وحده ب 180 ريال ويتم تنظيفه بين فتره وفتره على حسب العج في الخط



    13- حاليا عندي مشكلة تهريب بسيط في صوفة القير والى الآن ماصلحتها



    14- أسنان تروس القير تآكلت من بدري بصراحه (30000 كم ) لكن مامنها ضرر غير ان صوت الحنه عالي شوي ..



    15- مشكلة الثروتل بودي جننتني فترة زمن .. يعني كل ما أمسك خط أوصل ألاقي الضغط مرتفع بشكل يفشلك عند الاشاره وتصير السياره فيها قوة جامحه للإنطلاق .. وكانت تنحل بالتنظيف وبصراحه تعبتني وكلفتني كثير لأني مالقيت فني جيد يحلها لي .. وفي الأخير الحمد لله دخلتها ورشة الترس وانهى المشكله من أول مره .



    16- مشكلة تعليقة النور العالي لكن الحمد لله انحلت مع تركيب الكتاوت ب 100 ريال شامل اجور اليد.












    لم تتم عمل أي صيانه دوريه في الوكاله من صيانة ال 1000 كم حتى الآن .!!


    لكن السر في كوني عارف متى احتاج أغير كل قطعه ..


    -تغيير الزيت كل 5000 كم واحيانا اتجاوزها الى 8000 كم لكن محافظ على التغيير بالوكاله.


    - تغيير زيت القير + البواجي كل 40000 كم وفي الوكاله ايضا.


    - تغيير سير الماكينه الخارجي وصفاية البنزين وفلتر الهواء كل 100.000 كم ويتم تغييرها برى الوكاله


    - تغيير الكفرات كل سنه أو كل سنه ونصف على حسب الاستخدام وغيرتها الى الآن 3 مرات كالتالي /


    1- المره الأولى غيرتها في الوكاله بنوع ميشلان (قوة- ثبات – عمر اطول – ازعاج )


    2- المره الثانيه ركبت تويو ( ثابت ويعطيك رساوه حلوه – هدوء – عمر سنه كحد أقصى )


    3- المره الثالثه دنلوب ( غير مقنع بصراحه ولا انصح به )











    1- حادث السرقه في عام 2006 وبالضبط في الساعه 12:20 مساء يوم السبت 22/9/1428


    ولقيت السياره بعدها بأسبوعين تقريبا بعد فيلم من المطاردات والمراقبه ولقيتها على حال لابأس به لأنه اهون مماتخيلته لكن كلفتني تقريبا 15000 ريال تحملها التأمين بالكامل .


    هذي بعض الصور للسياره من حوش شرطة الظهران














    2- حادثة بسيطه صارت بسبب شركة نقليات شحنت عن طريقها السياره ونزلوها من السطحه بطريقة خاطئه وتسببت في اضرار بسيطه للصدام وربلة الحمايه السفلى وتحملتها شركة النقليات .



    3- حادث بسيط جدا لكن كان في مقتل على ماقالوا .. كلف 7000 ريال على حساب التأمين



    4- حكات بسيطه في الصدامات والابواب











    1- سرعة ومرونة في الاستجابة في حالة حدوث أي موقف مفاجئ.


    2- قوة تحمل وتماسك رهيبه ماشاء الله تبارك الله


    3- جودة المواد الداخليه عاليه


    4- تصميم داخلي رايق خصوصا لما تقارنها مع منافسيها في عام 2005


    5- نعومة القير في التبديلات


    6- نظام i-vtec المخفض لإستهلاك الوقود (600 كم على الخط – 450 كم داخل المدينه)


    7- نظام ESB (توزيع الثقل على انحاء السياره على حسب الحاجه )


    8- وجود انظمة الأمان الأساسيه مثل SRS – ABS ونظام حماية السياره من السرقه بعكس بعض المنافسين في عام 2005 الي كانت تفتقر لأتفه الأنظمه بينما في الأكورد حتى في اللستاندر متوفره


    9- رساوة على الخط ممتازه


    10- السياره ماتحتاج لفترة طويلة عشان تحمى يعني دقيقه بالصيف و3 دقايق بالشتاء تقريبا.


    11- سعرها عالي عند البيع










    1- صوت الماكينه عالي شوي وكذلك صوت القير.


    2- عيوب مصنعيه مختلفه مثل علبة الزيت وليات الدريكسون وعلبة الفيوز وفيوزات طرمبة البنزين .


    3- تنسيم الهواء عند السرعات العاليه.


    4- التعقيد الميكانيكي والكهربائي في السياره .. يعني مو أي فني يعرف لها وهذي نقطه متعمده من الشركه لكن تضرنا احنا كمستهلكين .


    5- قطع غيارها غاليه خصوصا في حالة الحوادث لاسمح الله اذا ماكنت مأمن على السياره.






    من خلال العمر الي عشته مع السياره أقدر أقول أنها تستحق انها تكون السياره الأولى في فئتها من ناحية الاعتماديه .. سياره عمليه بمعنى الكلمه .. تحملتني بدون ماتشتكي .. وكل المشاكل الي ذكرتها أعتبرها عاديه جدا لو فكرتوا في ان السياره مستعمله من البدايه .. ثم انسرقت مني وتعرضت للتخريب والتفحيط والتطعيس .. لا ووصلت الى حد المطاردات لأن خويي شافها وصار فيلم بينهم انتهى لصالح الحرامي للأسف .. اضف لذلك ان السياره ماعرفت شي اسمه صيانه دوريه .. اضف لذلك انها ماهي على يدي بس .. يعني بالعربي صايره سبيل في البيت وبين أخوياي لكن مع ذلك صبرت ماشاء الله تبارك الله ..


    الحين ماراح أستغرب أي خراب منها لأن عمرها الافتراضي انتهى وجاء وقت تغييرها لكن بسبب بعض الظروف فماراح أبيعها حاليا وراح تكمل معي بقية القصة ان شاء الله وعقبال ال 400,000 كم











    يبقى كل ماكتب في التقرير المتواضع هو جهد بشري معرض للخطأ والنقصان .. وأكيد انه مايغطي فترة ال 5 سنوات الماضيه بالشكل الكافي .. وأكيد ان فيه أشياء لم تذكر لكن حاولت بقدر المستطاع اني اتذكر كل صغيره وكبيره مرت علي خلال هالفتره وقدرت أطلع بهذا التقرير الي أتمنى أني أكون وفقت في شرحه وتصويره وأتمنى انكم مازهقتوا من كثرة الهرج الي فيه لكن هي رغبه في توضيح سر من اسرار المقطوعه الموسيقيه ACCORD .



    وهذي آخر صوره أختم بها







    لاتنسى : ماشاء الله تبارك الله حتى لو ما أعجبتك السياره






    ملاحظه : يوجد أخطاء في التنسيق والسبب مجهول لذلك لحد يدقق :d


    المواضيع المتشابهه:
    التعديل الأخير تم بواسطة editor ; 28-01-2019 الساعة 07:06 PM

  2. #2
    عضو فعال الصورة الرمزية abu khaled
    تاريخ التسجيل
    07-2008
    الدولة
    الظهران
    المشاركات
    1,333
    Post Thanks / Like

    افتراضي

    اخيرا نزل التقرير :d
    ماشاء الله تبارك الله .... الله يعطيك واياها طولت العمر

    الصورة الاخيرة ابداع


    0 0 0
     
     







  3. #3
    عضو فعال الصورة الرمزية ya$$er
    تاريخ التسجيل
    07-2009
    الدولة
    ينبع الصناعيه
    المشاركات
    559
    Post Thanks / Like

    افتراضي

    مـــاشاء الله تباركـ الرحمن
    تقرير متعوب عليه بصراحه
    اما من ناحيه السرقه الله لا يوفقهم ..
    الله يحفظها لك من كل شر

    تحياتي لك

    0 0 0
     
     

  4. #4
    عضو فعال الصورة الرمزية فهودي 2010
    تاريخ التسجيل
    07-2010
    المشاركات
    463
    Post Thanks / Like

    افتراضي

    تقرير قمة في الابداع

    ماشاءالله عليك اخوي كفيت ووفيت

    0 0 0
     
     

  5. #5
    عضو فعال الصورة الرمزية عطر الحكي
    تاريخ التسجيل
    05-2008
    الدولة
    رجعت للرياض
    المشاركات
    353
    Post Thanks / Like

    افتراضي

    ماشاء الله

    الله يطعمك من خيرها ويكفيك شرها

    بصراحه هذا الموديل من الاكورد يعتبر الاميزوالافضل بالنسبه لي

    الله يخليكم لبعض:d

    ويكفيكم شر الحساد

    الله يعطيك العافيه


    0 0 0
     
     

  6. #6
    عضو فعال الصورة الرمزية Silver Aurion
    تاريخ التسجيل
    05-2008
    الدولة
    المدينة -القصيم
    المشاركات
    1,257
    Post Thanks / Like

    افتراضي

    ماشاء الله تبارك الله

    الله يعطيك خير السيارة و يكفيك شرها يارب و يصرف عنها العين

    ماشاء الله التقرير رووعه و منظم بأسلوب جميل و ترتيب رائع جدا

    و تجربة جميله مع الاكورد ولا غرابة في ذلك صاحبة العلامة الـ H

    وان شاء الله عقبال ما تكتب لن تقرير النص مليون و انت بصحة و سلامة

    بعدين خقيت عند خطك :o



    خاص لك (( شيك على موضوع الستاير )) :d

    0 0 0
     
     

  7. #7
    عضو فعال الصورة الرمزية هاااوي الاكورد
    تاريخ التسجيل
    08-2010
    الدولة
    K.S.A
    المشاركات
    1,057
    Post Thanks / Like

    افتراضي

    اول شي اقوله مشالله تبارك الله
    ثاني شي الله يعطيك خيرها ويكفيك شره
    انا بصراحه معاي 2010 وانا راعي سفريات يعني في الشهر السياره ممكن تمشي 10000 كم وكنت خايف جدآ انو السياره ما تتحمل بس على التقرير الاكثر من رائع انا حبيت الاكورد وحمد ربي على اختياري للاكورد



    0 0 0
     
     

  8. #8
    عضو فعال الصورة الرمزية اكورد مودي
    تاريخ التسجيل
    04-2009
    الدولة
    جــcityـدة
    المشاركات
    554
    Post Thanks / Like

    افتراضي

    صراحه تقرير ولا اروع وكنت من اول وانا منتظر هذا التقرير
    وصراحه انا هذا الكلام مو اول مره اسمعه سمعته من واحد في الصيانه يقولي ترى والله موديلك افضل موديل نزل في الاكورد في قوة التحمل وماعليه شكاوي كثير وهو ماخذ نفس موديلي ويقولي ما افكر اغيره وقد شفت سيارته ماشاء الله عليه محافظ عليها ونظيفه
    الله يحفظله سيارته من كل عين
    وترى لعلمكم انا قعدت شهرين ادور على اكورد وفي هذي الفترة كل ما اسال احد يقولي والله افضل سيارة الي ياخذها ما يبيعها وبصعوبه تحصلها
    الله يحفظلك سيارتك وعقبال تقرير ال 400000.

    0 0 0
     
     

  9. #9
    دلـخ ومعـه اكـورد
    تاريخ التسجيل
    07-2008
    الدولة
    الجبيـــــل
    المشاركات
    827
    Post Thanks / Like

    افتراضي

    ماشاء الله سبقتنـي :d

    انا بعد سيارتـي توها ماشيه ميتين الف <<<<<ترا مايعرف يكتب الرقم يلخبط بالأصفاار

    ياااخي بيني وبينـك انا والله واسأل عبدالله كل ماجاني فلوس ابي اركب زنون وإلا اشتري مقابض نيكل وإلا اي شي

    يطلع علي كراسي المكينه إلا غيرتها على حسابي كامله وبعدها زيت الباور يهرب وشريت لي الدركسون جديد من الوكاله بـ900 ريال
    وفي الأخير يقولون عيب مصنعـي

    والحين فيها حذفـه ما ادري للحين وش اسوي

    والسياااره من الزيت إلي كان يهرب للحين فيها ترسباات زيت على المقص اليمين ما ادري كيف يرووح وعلى الذرااع بعد اليمين زييت مترررسب عليه فما ادري وش الحل مع هالزيـت

    السيااره خدمت ماشاء الله بس كلت جيبـي اقصد جيـب ابوي :d <<<<جيب ابوكVXR وإلا لكزس هه هه هه بايخه ادري :(

    0 0 0
     
     

  10. #10
    >> ربِ إني لِما أنزلتَ إلي مِن خيرٍ فقير << الصورة الرمزية memories
    تاريخ التسجيل
    04-2009
    الدولة
    Jed-Yan
    المشاركات
    2,989
    Post Thanks / Like

    افتراضي

    ياسلام عليك

    من حقك تتأخر في طرح التجربه

    بصراحه تجربه مثيرره للإهتمام

    الله يعطيك العافيه خلوودي

    :o حتى انا خقيت عند خطك زي سميك :o



    0 0 0
     
     
    اللهم ارحم المسلمين والمسلمات الأحياء منهم والأموات برحمتك يا سميع الدعوات


  11. #11
    رحمه الله الصورة الرمزية kakashi-san
    تاريخ التسجيل
    03-2008
    الدولة
    [ الأحسـَاءْ ]
    المشاركات
    3,500
    Post Thanks / Like

    افتراضي

    السلام عليكم ورحمة الله وبركاتة ..

    يسعد لي مساك يا كويس ..

    منور القسم ، ، عسى ربي ينور حياتك بالطاعة ..

    بصراحة ما عليها كلام . .

    وهالموديل بالذات من اكثر الموديلات اللي اقدرها ..

    جربتها تقريباً لتفرة ٦ شهور ومشت معاي زي العسل بدون مشاكل ..

    اهنيك على الترتيب يا كويس وهذا رد لكل من ينقص في حق الاكورد ..

    وعقبال ان شاء الله ال ٤٠٠ الف ..


    0 0 0
     
     
    عروض الشاشات



  12. #12
    7mzh 6gsh الصورة الرمزية Accord F15
    تاريخ التسجيل
    07-2010
    الدولة
    JEdDaH
    المشاركات
    1,181
    Post Thanks / Like

    افتراضي

    تصدق عاد والله اني كل ما امر على توقيعك اقول وشفيه ذا متى ينزل تقريره :d احسك طولت بزياده

    الله يعطيك خيرها ولا يوريك شرها وان شاء الله تكمل معك للـ 500 ألف

    0 0 0
     
     
    يا سلام عليك يا جده

    Jeddah4ever

  13. #13
    manual transmission الصورة الرمزية sul6an
    تاريخ التسجيل
    11-2007
    الدولة
    JeDDaH
    المشاركات
    925
    Post Thanks / Like

    افتراضي

    مشاء الله

    والله التقرير روووعة
    والصورة الاخيرة كدا

    0 0 0
     
     
    للبيع قطع خاص للـ أكورد يزيد من عزم السيارة >> يوجد فيديو للتوضيح قبل وبعد


    سبحان الله وبحمده سبحان الله العظيم

  14. #14
    عضو فخري الصورة الرمزية أكورداوي
    تاريخ التسجيل
    03-2006
    الدولة
    الدمام
    المشاركات
    3,545
    Post Thanks / Like

    افتراضي


    أبو خالد ..

    أشكرك على الرد السريع الي أصلا جاء من أمس :d وبالنسبه للصوره الأخيره فهذي طقطه وجات معي فكره قلت خلني اختم بها الموضوع


    ياسر ..

    السرقه اخذت حيز من الطرح في المنتدى بوقتها وماقصروا الشباب هنا من ادارة المنتدى وخصوصا أبان حتى المشرفين الى أصغر عضو .. وقفوا معي وقفة رجال وساعدوني الحمد لله الى ان لقيتها .. اشكرك اخوي على المرور


    فهودي ..

    تسلم على المرور والله يعافيك


    عطر الحكي ..

    امييين والله يجزاك خير لكن ياليت لو تغير توقيعك ترى يعور القلب :d



    سلفر اوريون ..

    احرجتني بصراحه :o وخليتني اتحمس اكتب لك شي :d




    هاوي الأكورد ..

    الله يجزاك خير والله يعطيك خير السياره ويكفيك شرها وثق تمام انك اخترت الاختيار المناسب ان شاء الله


    اكورد مودي ..

    يعطيك العافيه على الاطراء وبانتظار تقرير منك حلو << نكبه :d


    فيصل ..

    يقولي عبدالله عن الكلام هذا << نصاب :p

    يارجال ان شاء الله تتيسر الحال وتضبط امورك ونشوف تقريرك الخورافي لسيارتك ولجيب ابوك :d


    ..memories

    تأخرت في التقرير لأني قاعد اعصر مخي واتذكر وادور يمين يسار .. وغير كذا لاتنسى اني كتبت اكثر الموضوع في الدوام وتعرف كل ماجاء أحد عندي قفلت الصفحه سريع سريع وفتحت على نظام المؤسسه :d


    كاكاشي سان ..

    وعليكم السلام ورحمة الله وبركاته

    الله يجزاك خير والنور نورك يالغالي ,, شرفني مرورك ياعزيزي



  15. #15
    عضو فخري الصورة الرمزية أكورداوي
    تاريخ التسجيل
    03-2006
    الدولة
    الدمام
    المشاركات
    3,545
    Post Thanks / Like

    افتراضي

    accord f15

    يقولون حلاة الماء بعد الظما .. وحلاة التقرير بعد التسحيب :d

    شرفني مرورك


    سلطان ..

    الله يعطيك العافيه على هالطله



  16. #16
    عضو فعال الصورة الرمزية fofo-10
    تاريخ التسجيل
    10-2009
    الدولة
    دولة BADR
    المشاركات
    275
    Post Thanks / Like

    افتراضي

    الله يعطيك خيرها ويكفيك شرها

    وان شاء الله تورثها لي عيالك

    ويكتبون تقرير المليون كم

    0 0 0
     
     
    ماشاء الله تبارك الله



    الله يعطيني خيرها

    يكفيني شرها

  17. #17
    عضو فعال الصورة الرمزية AboOoSh
    تاريخ التسجيل
    06-2009
    الدولة
    الصحافهـ
    المشاركات
    297
    Post Thanks / Like

    افتراضي

    واخيرا نزل التقرير بعد طوول انتظار . . .

    بس مشاء الله
    الله يعطيك خيرها ويكفيك شرها
    اما اخر صوورهـ كلاام ثاني
    وتقريريك بطللل يابطل


    تحياتي لكـ . .
    ^ــ^

    0 0 0
     
     

    ـــــــــــــــــــــــــــــــــــ
    إذا قصرت يدك عن المكافأة
    فليصل لسانك بالشكر.

  18. #18
    عضو فعال
    تاريخ التسجيل
    07-2010
    المشاركات
    388
    Post Thanks / Like

    افتراضي

    ماشاء الله تبارك الله ..

    ربي يعطيك خيرها ويكفيك شرها .. ياخي والله اللي مايحب الاكورد ويدخل موضوعك العسل صدقني بيحبها << طلع راح يبوس سيارته ورجع:d



    ماشاء الله .. ربي يخليها لك ويا عقبال الـ 100.000 كيلو وانت بصحه وسلامه يارب ...

    وياخي حتى انا خطك اعجبني ماودك تكتب لي وحده ههههههه :d << ياشين البزر لا عطيته وجه


    ماشاء الله اهنيك على موضوعك واهنيك على سيارتك ماشاء الله عليها ...

    0 0 0
     
     

  19. #19
    عضو فعال
    تاريخ التسجيل
    05-2010
    الدولة
    الوسطى
    المشاركات
    846
    Post Thanks / Like

    افتراضي

    ماشالله تبارك الله الله يعطيك خيرها ويكفيك شرها

    تقرير اكثر من رائع مع اجمل تقييم

    وعقبال المليون كلم


    0 0 0
     
     

  20. #20
    عضو فعال
    تاريخ التسجيل
    03-2010
    الدولة
    الطآئف
    المشاركات
    1,425
    Post Thanks / Like

    افتراضي

    ماشاء الله تبارك الله

    الله يعطيك خيرها ويكفيك شرها وعقبال 400 الف



    0 0 0
     
     

  21. #21
    عضو فعال
    تاريخ التسجيل
    10-2009
    الدولة
    الرياض
    المشاركات
    234
    Post Thanks / Like

    افتراضي

    ماشاء الله

    0 0 0
     
     

  22. #22
    عضو فعال الصورة الرمزية accordyon
    تاريخ التسجيل
    12-2007
    الدولة
    الـهــفـــوف
    المشاركات
    1,480
    Post Thanks / Like

    افتراضي

    تقرير رائع وتنسيق أروع من أحد المؤسسين
    مو غريبه على الأكورد تحملها وفعلاً احسنت الأختيار في الأكورد وفي 2005 بالذات
    يعطيك العافية موضوعك من المواضيع القليلة الي تنصف الأكورد لأن الجدد في عالم الأكورد
    والدخلاء من جد شوهوا سمعتها
    لاكن قالوها الي مايعرف الصقر يلعب معه استقمايه:d


    0 0 0
     
     

  23. #23
    الحزين الصورة الرمزية الوهم الاخير
    تاريخ التسجيل
    05-2007
    الدولة
    جده
    المشاركات
    555
    Post Thanks / Like

    افتراضي

    ماشاء الله تبارك الله

    بس كم كيلو المسافه من الدمام للاحساء..؟


  24. #24
    عضو فعال
    تاريخ التسجيل
    06-2010
    المشاركات
    239
    Post Thanks / Like

    افتراضي

    ما شاء الله تقرير رووووووعة
    الله يعطيك خيرها ويصرف عنك شرها


    0 0 0
     
     

  25. #25
    عضو
    تاريخ التسجيل
    10-2009
    الدولة
    الجبيـــل
    المشاركات
    66
    Post Thanks / Like

    افتراضي

    ربي يعطيك خيرها ويكفيك شرها واحلا تقرير قريته

    0 0 0
     
     

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
[Output: 240.50 Kb. compressed to 217.00 Kb. by saving 23.49 Kb. (9.77%)]