الموضوع: اكورد أو تويوتا خبرتكم يالشباب

لو مكانك خذت الاكورد , ونصيحتي حاول توسع خياراتك , وحاول تفكر بالسوسو
واهم شيء ابعد عن التويوتا

مشكوور اخوي

والله لو انت قادر على اسعار قطع غيار الاكورد الجديده خذها

لانه اللي معاك افضل من الجديده بكثير من ناحية قطع غيار وخرابات

ولاتنسى الاكورد الجديده ماهي زي القديمه

بالتوفيق لك

بسرعة شيله من دماغك ولا حتزعلتني منك والله موتر فااااااااااااااااشل يبوية خذ لك اكورد ولا سيفيك وكالة أحسن لك

مشكورييين شباب

راح افكر في الاكورد كثر

مواصفات السيارة اللي في بالي
تكون شبابية و مريحة صيانة سهلة و قطع غيار متوفرة
و أهم حاجة تكون مريحة و سريعة و سعر معقول . و ماتكون كبيرة الحجم

بصراحة كل هذي الميزات في الكورد ماعدا السعر

الرف فور يتميز بالسعر 101 الف الفل
مقابل 118 الف لاكورد 4 سلندر فل

و اثنيهم ياباني دفع امامي 2400 سي سي 4 سلندر و قوة الاحصنة متقارب

و انا ما راح اعس

اخوي خذ الاكورد بس حراااام ادفع 118 الف في 4سلندر

نصيحتي خذ فل كامل بدون شاشة مخمل يطلع لك ب97تقريبا افضل لك مليوووون مره والشاشة كانك تبيها خذ لك شاشات في الغرابي ولا في اي مكان بحدود ال3الاف ريال

أخوي هذا الجيب مو حلووو ولا اتوقع ينفع حتى في الرمل
نصيحتي خذلك أكوورد أو فكر في سوناتا والله يكتب لك الي فيه خير.

طيب خذلك اكورد فل كامل جلد اربعه سلندر موديل 2010 قريبه من ميزانيتك ومافيه ذاك الفرق الشاسع بينها وبين الجديده اللهم شبك واشياء بسيطه جدآ

مشكوورييين الف على النصيحة

مرييت وكالة هوندا قلو لي اسعار 2011 بتنزل كمان4 شهور و بعد ما يخلص 2010

انتظر و الله المعين

نصيحه خله ياخذ كامري على الاقل حمار مكده وماتتطلب شي

نصيحه اخوووويه خله يبعد عن ام الخرابات الاكورد من 2003 الى 2006 اسوا اكورد صنعت

وعليكم السلام ورحمة الله وبركاته

طيب ياخوي مافكرت بالتويوتا فورتشنر الصراحه معجبني




وبالتوفيق ..

المشاركة الأصلية كتبت بواسطة الوهم الاخير

والله لو انت قادر على اسعار قطع غيار الاكورد الجديده خذها

لانه اللي معاك افضل من الجديده بكثير من ناحية قطع غيار وخرابات

ولاتنسى الاكورد الجديده ماهي زي القديمه

بالتوفيق لك

كأنك حكمت على الاكورد الجديده بعد استخدامك لها مدة 3 سنوات ثاني شي انت سيارتك 2004 وماتقدر تحكم على الاكورد بدون تجربة واذا على الخرابات فأنا عندي اكورد كوبيه 2009 والحمدلله السياره 100% بس يعيبها اصوات غبيه وتتصلح على الضمان لا اكثر ولا اقل.

اما اذا تبغي رأيي في السيارتين انا اشوف انك تجرب السيارتين وتستخير وتاخذ السيارة الي تعجبك بدون ماتسمع كلام احد, يمكن اذا خذت الاكورد ماتعجبك او مايعجبك تسارعها وتتحسر ليش ما اخذت الراف

الـ راف 4 كاسيارة دفع رباعي وعزم .. والخ ماينفع :p

اصلن بالعقل سيارة دفع رباعي و4 سلندر !! لاتعليق

وبشكل عام التويوتا مو مثل اول

استخير وعساء ربي يكتب لكـ الي فيه الخير

هلا فيك يالغالي

الاكورد الفل بـ 118 الف اذا كنت تبيها بشاشة وشيء طبيعي تكون غالية عشان الشاشة

ولكن اذا كنت ما تبي الشاشة خذ لك فل اربع سلندر بدون شاشه ارخص لك

واذا كنت تبي العزم خذ سته سلندر مخمل بدون شاشة لان الاربع سلندر ماهي بذاك الزود في العزم

ونصيحة لا تقرب من تويوتا ترا صارن سمعتها بالارض من بعد ما صارت استرالية

وسلامتك ،،،

الرافور لا هو جيب ينغزا به ولا هو سيدان تعطيك بالخطوط والسفر لذا نصحيتي ماينفع

إذا كنت تبحث عن سيارة دفع رباعي مالك غير تويوتا ولا يوجد منافس والخيارات امامك أف جي أو فورتشنر أفضل من الرافور بمراحل

وإذا كنت ترغب سيارة سيدان الأكورد حاليآ خيار أكثر من ممتاز ومجربة موديلات 2008 تعدت حاجز 250 الف كيلو ولم

يصدر منها مشاكل زيت وبنزين وتوكل على الله .

المشاركة الأصلية كتبت بواسطة برق

الرافور لا هو جيب ينغزا به ولا هو سيدان تعطيك بالخطوط والسفر لذا نصحيتي ماينفع

إذا كنت تبحث عن سيارة دفع رباعي مالك غير تويوتا ولا يوجد منافس والخيارات امامك أف جي أو فورتشنر أفضل من الرافور بمراحل

وإذا كنت ترغب سيارة سيدان الأكورد حاليآ خيار أكثر من ممتاز ومجربة موديلات 2008 تعدت حاجز 250 الف كيلو ولم

يصدر منها مشاكل زيت وبنزين وتوكل على الله .

اعتقد من ناحية الجيوب نيسان وانت رافع يدك خصوصا انه نزل نوعية وهي اكستيرا وهي بالقوة و العزم لا يعلى عليها و تريح راسك في صناعتها لانها يبانية مقارنة بتويوتا يلي حاليا استرالية و يلي اثبتت فشلها الذريع في الـ ( في اكس ار ) و لكن من ناحية الجيوب نيسان الافضل حاليا الا اذا كان الواحد بياخذ تويوتا موديل قديم ويكون استخام نظيف فهو محظوظ

وسلامتك ،،،

^^^^

الفي اكس ار انتاج و تصنيع ياباني

من استراليا فقط الكامري و الاوريون و كلها يابانية .. فقط التجميع بأستراليا

خذ جيب ربع وجنوط هلل واحلى تشميعه وتلميعه وعيش حياتك

والله في جيب كان مع قريبي اعتقد اسمه باجيرو صرحة قوة جبارة

شوف اخوي راح ازيد على كلام الاعضاء حاجة تخليك تبعد عن التويوتا اكثر،
والله ثم والله ان قطع التويوتا (الكامري خصوصا)والهوندا (الاكورد) اغلبها نفس القيمة
واذا اختلفت فهي ما راح تفرق الا ريالين او 3 بس.
يعني لازم فكر الناس يختلف عن التويوتا ان قطعها رخيصة.

سيارات الكرس اوفر من فئه الاس يو في suv ومثلها الفورتشنر
يعني ماتتعتبر من فئه الدفع الرباعي كالاندكروزر والبرادو والشاص ..

منافسه الراف فور في هوندا هي سي آر في

السيدان بشكل عام أفضل ممن النوع هذا من السيارات بحكم انه اكثر راحه وامان ورساوه وغيرهـا ..

يعني لو دفع رباعي بيكون الكلام ثاني ونيسآآن افضل من تويوتا في هذا المجال بكثير واختبارات كثيره اثبتت هالكلام ..

بهالقيمه اشوف المازدا زوم والالتيما والسوسو خيارات قويه وجيده ومنافسه ..

حاول دائم توسع خياراتك وماتضيقها على نوعين وخليك متقبل لكل الشركات
لآن فيه شركات كثير اثبتوا انفسهم وصاروا يتفوقون

استخر وبالتوفيق