المشاركة الأصلية كتبت بواسطة Yasser amj
سلام من الله عليكم ورحمة منه وبركاته >>>>>> وش عنده عبدالله الحربي :d
اشلونك شباب وش اخباركم
شوفو ترا ادري اني طفشتكم بس ادري اني امون :o
المهم
ياشباب انا بعد سالفه الكزس المستعمل ومدري وشو ايقنت اني مقدر على قطع الغيار والصيانه:(
وحطيت امامي خيارات اخرى غير الاكورد . .والي هي ماكسيما , افالون . .
صراحه ادري ان مافي مقارنه ابداااا لان الماكسيما والافالون 6 سلندر
بس ياناس انا الاكورد منذ مبطي وانا في علاقه حب معها :o والسته سلندر من الاكورد بـ 137 وين احنا
وبصراحه 118 الف في اربعه سلندر احس ما لام امها داعي
مع اني ماني حق سرعه ومطارحه وهياط:d
بس برضو والله تفرق 4 سلندر عن 6 سلندر
والاهم من هذا كله اني بصراحه ابغى مواصفات زي الدخول بالبصمه والتشغيل الذكي والنفيقيشن
يا شباب انا وربي دخت وتعبت وابغى حل :(
خلاص وصلت مرحله ودي اغمض افتح القى السيارة وتكون الي تكون
الحين لو باخذ ماكسيما باخذ الفل واعتقد انها بـ 126 الف
. . بس الافالون مدري ما ارتحت لها
فـ ياريت رايكم ولو عندك خيارات اخرى ياريت تطلعوني عليها
لا احد يقولي اوريون او سوناتا . .
السلام عليكمــ ,,,
مساء الخير عليكم جميعا شباب ,,
اخوي اول شئ اغسل يدك من المكسيما لانها باختصار شديد اسم فقط لاغير واكسسوارات والمكينة مكينة التيما 6سلندر قوية وجبارة ماقلنا شئ بس خرباتها واجد ,, مجرد اكسسورات ,, بالنسبة للافالون تعتبر افضل الحلول وتتحمل والاكورد بعد حلوة 4 او 6 سلندر وفخمة واللي يقول سوناتا افخم غلطان , بس مشكلة الاكورد مافيها اكسسوارات (شاشة - كاميرا - نافيقيشن - بصمة ) بس موجود كل هالمواصفات في 2011 ماعاد البصمة حتي في 6 سلندر ,, واللي يقول شوف الاوبتيما الجديدة ولا الكادينزا ماتصلح لانها كوري اولا , وثانيا شكل بس والاوبتيما حاليا الدفعة الاولي اللي جات منها يوجد بها عيوب مصنعية كثيرة تو مطلعها خويي وبيرجعها ,,,, نصيحتي لك الماني او ياباني ,, يا اكورد يا افالون ولو في فلوووس باسات ماعليها كلام وفخامة , ولا تبي اكسسوارات وتكنولوجيا وكذا توجه للجميح وشوف الكاديلاك ....
تحياتي يا غالي
يا حبيبي الخلل مو الماكس واحنه عدنه وما فيه اي مشاكل في المساعدات
اله ان وكيل النيسان هوووووووووووووووووو الفاشل واقصد الحمراني
واذا ناوي على ماكسيما انصحك تجي البحرين وتشوف الاسعار والمواصفات
وانا الحمد الله عندي وما اشتكيت من مشاكل
وارشح الماكس على الافالون ( ما عجبني ) واحسه مالت شياب
والاكورد الي ما تسوى ارتفع سعره بشكل غريب
تحياتي
ماكسيما احلى الصراحه من غير مجاملهأفضل الأفالون
سعة داخلية أكثر - فخامة أكثر - توفر قطع وفروع صيانة الأفضلية أفالون بكثير - سعر عند البيع ورغبة بالسوق الأفضلية أفالون - هدوء وعزل ونعومة القيادة الأفضلية أفالون - قير أفضل من قير الماكسيما ( من وجهة نظري ) -
مميزات أكثر ( تبريد وتسخين مقاعد - سماعات أكثر ( 12 سماعة ) - مقعد الراكب كهرباء - بصمة بكل الأبواب ( الماكسيما الأمامية فقط ) - تحكم بالمقاعد الخلفية ....
وهذه صور عشان الشباب يفيدوك بالأجمل منهم
وأستخير والله يوفقك ’’’
الافالون كانه كامري من قدام وبايخ شكله :p
اذا تحب الاكورد راح تنبسط معاها
انا ارشح الاكورد لا اسباب منها :
الامان افضل فيها افضل من الماكس والافالون
قله الخرابات والتحمل وقطع الغيار الاكورد افضل من الماكس والافالون
الرساوه عن تجربتي الاكورد ابداااااع ولكن ماجربت الافالون والماكس
الشكل الاكورد افضل بكتيرر من الافالون(عباره عن كامري مكبره من الامام)و الماكس (من الخلف عباره عن يااريس)
والاكورد يابانيه بحححته
والله يوفقك في اختيارك ولا تنسى الاستخاره ومبرووك مقدما على اي وحدا فيهم
والله نصيحيتي ابعد عن المكس للاسباب القير cvt خرباته كثيره و اسال اصحاب الالتيمات موديل 2008 الفرامل كهربا الجنط مع اي مطب في شوارعنا ينعفط او ممكن ينكسر .!!
الافالون حلوه فخمه و مواصفاتها ممتازه
للمعلوميه الاكورد افضل من الافالون بالرساوه و العزل ..
الاكورد حلوه فخمه راسيه و عزل ممتاز افضل من الافالون جوده ممتازه و تصبر ياباني 100%
لو اني مكانك اذا عادي افقد الدخول الذكي على طول بتجه للاكورد . .
الافالون اصطبات كاامري مع احترامي لمالكينها . ,
الاكورد تنقصها دخول ذكي و هذا الشي اللي خلا الافالون تتفوق عليها . .
بس عن نفسي باخذ الاكورد شاشه وكاله شد بلد موب حق مثل (الافالون حقت كامري و اوريون ولاهي متناسقه بالديكور رح اقرب فرع عبدالطيف و شفها تلقى الشاشه في وادي و الديكور في وادي ) و بعدين الاكورد شاشتها توب لايقه على الديكور ياباني 100% موب تجميع رساوه للاكورد عزل للكورد و غيرها . .
انا عن نفسي ما يهمني الدخول الذكي
و الخيار لك بالاول و الاخير لك
و مبروك و الله يعطيك خيرها و يكفيك شرها مقدماً . , . ,
تحياتي ,’
انصحك اكورررررررررررررررررد 2011 فل 4 سليندر ياباني 100% جوده100% تحمل 100%
توكل على الله وخذ اكوررررررررررررد ومارايح تندم ومبروووووووووووووووك مقدمآ
والله وييين اللي يقول ان الماكس حلوة واللله انها فاشلة جدا من الداخل الافالون والاكورد اجمل بكثييييير
ومن الخارج والله فاشلة ونظام القير جديد غير مضمون
نصيحتي لك افالون ثم اكورد وابعد الماكس من تفكيرك>>كنت معجب مع الماكس اول ماطلعت لكن الان لا والله مع الانتشار صارت عادية جدا
ولا جبرتك تقراه .
هع هع هع .
ــــــــ.,.,ــــــ
قل قسم :p
عمـوما بمـا انـك نصـراوي فـ الـي فيـك مكفـيك ما الـومك علـى ردودكـ :d
منـور خـيو
دام انه هي فاشله ويش السبب اله خلاه تنتشر ؟؟؟ :d
اقره عمي وشوف بتعرف الماكس
«نيسان مكسيما» تفوز بـ «جوائز السيارات في الشرق الأوسط» في نسختها الأولى
حققت سيارة «نيسان مكسيما» إنجازاً جديداً يضاف إلى سجل إنجازاتها بعد أن تم اختيارها من قبل لجنة مستقلة تضم 12 إعلامياً متخصصاً وبارزاً في عالم السيارات، كأفضل سيارة صالون كبيرة في فئتها. جاء هذا الإنجاز ضمن النسخة الأولى من جوائز السيارات في الشرق الأوسط، التي أقيمت فعالياتها في معرض السيارات الدولي العاشر بمركز «اكسبو الشارقة».
وصرح المدير في قسم التسويق في شركة «نيسان الشرق الأوسط» يوتا يامازاكي، الذي تسلم الجائزة بالنيابة عن الشركة: «نحن في غاية السعادة بحصول نيسان مكسيما على هذا التقدير من أعضاء اللجنة المميزين. وتتمتع مكسيما بحضور قوي في المنطقة وقد أطلقنا النسخة الجديدة على مبدأ (السيارة الرياضية بأربعة أبواب)، إذ توفر السيارة قيادة رياضية متقدمة ومحرك V6 مفعماً بالقوة مع نظام ناقل الحركة لتقنية التغيير المستمر (CVT) والعديد من مستلزمات الفخامة والرفاهية».
وقد نظمت «جوائز السيارات في الشرق الأوسط» (MEMA) في نسختها الافتتاحية في مركز «اكسبو الشارقة» بدعم من غرفة التجارة والصناعة بالشارقة، بهدف تقدير اللاعبين الرئيسيين في صناعة السيارات، وإلقاء الضوء على التقنيات الجديدة. ويشار إلى أن «جوائز السيارات في الشرق الأوسط» ليست مرتبطة بأي شكل من الأشكال أو متأثرة بأي معرض للسيارات أو شركة مصنعة أو أي مشروع تجاري، وذلك للاحتفاظ بصدقيتها.
وكان رئيس نادي السيارات والسياحة في دولة الإمارات العربية المتحدة ونائب رئيس الاتحاد الدولي للسيارات محمد بن سليّم، قدّم الجوائز بصفة رسمية إلى الفائزين في النسخة الأولى من «جوائز السيارات في الشرق الأوسط»، وقال في هذه المناسبة: «يسرني دعم هذا الحدث الجديد الذي يُقدر جهود اللاعبين الرئيسيين في صناعة السيارات، ويبرز التقنيات الجديدة في هذا القطاع. وإنني على ثقة بأن هذا الحدث سيحقق نجاحات كبيرة وسينمو خلال الأعوام المقبلة».
«نيسان مكسيما» تفوز بـ «جوائز السيارات في الشرق الأوسط» في نسختها الأولى | منوعات - صحيفة الوسط البحرينية - مملكة البحرين
هلا اخوي
انا بشتري بعد العيد ان شاء الله
ومثلك راسي لف 4543493 مرة :p
بس انا اوريون وافلووون ومكس واف جي واكورد وجمس حوض << ما خلاء شيء ابو الشباب :p
بس ثبت على اكووووووووووووووووووووووووورد فل كامل 4 :o
وبعد العيد ان شاء الله بشتريها والوكالة سوولي خصم طلعت لي بــ111000 بدون لوحات
توكل على الله وخذ اكورد وانتبه تاخذ مكس لانها ما اتقارن بالاكورد كتحمل وبدي << وجهت نظري
وبالنسبة تقول 4 ضعيفة ودري ايش و و انت ماخذ سيارة علشان توسع صدرك مهب تقاوم خلق الله
كانك تبي تقاوم خلق الله اشتر سيارة سباق وريح نفسك :p
تقبل مروري
سلام شباب
انا من راي الشباب خذ المواصفات الي تميل لها اكثر
اذا كان الشكل بس خذ الماكسيما
اذا كان الراحة و الفخامة و التكنولوجيا خذ الافالون
و اذا كنت تبغى سيارة تستعملها فترة طويلة و ما يهمك شي ثاني خذ السوسو
والله اذا انك تقدر عالاكورد الستة سلندر .. << احسنت الاختيار
او خذ الافلون بلا كامري بلا كلام فاضي والله انه موووتر الصلاة عالنبي... وغير كذا لا تفكر
...,,
أنا مثلك كنت محتار وأفادوني جدا الشباب هنا ما قصروا
في البداية اذا انت تميل لسيارة معينة خذها ولا تفكر لأنك اذا شريت سيارة ما تحبها راح تطيح من عينك وتهملها وتعدمها
أما اذا كانت السيارات هذي كلها متساوية عندك فعندك بعض المقومات
السعر
الجودة
المظهر الخارجي (بنظرتك أنت ما عليك من كلام الناس)
فخامة الداخلية (بنظرتك أنت ما عليك من كلام الناس)
المميزات والتكنلوجيا
الثبات والعزل (أعتقد كل السيارت اللي أخترتها متقاربة)
سعر قطع الغيار وتوفرها
القوة والعزم :p(آخر شيء أفكر فيه)
طبعا فيه أشياء تميل إليها أكثر من غيرها وهذي اللي ركز عليها أكثر من غيرها ( مثلا أنا أكثر ما يعجبني في السيارة الفخامة الداخلية ولايهمني العزم أبدا فعلى هذا اخترت الأكورد بوقتها لكن اذا كان عندك سيارتين متساويتين بالنقاط اللي تعجبك ناظر الأشياء الثانية)
مكسيمأإأإأإ بالرأإحـــــــــــــه .. ًََ
آنه أرشح المكسيما من الخيارات المطروحه
والأفالون والله شكلها فاشل الشكل السابق وايد أجمل حسب رايي
والملكة طبعا عشقي الأول والأخير بس أنت تبي مواصفات ماهي موجوده بالهوندا للأسف الشديد
لذلك المكسيما بدون تردد
لا تستهين بالسوناتا 2011
شوف مواصفاتها ويكن تغير رايك فيها طبعا الفل اوبشن
سلام
تصويتي افالون - مكسيما-اكورد
اكووووووووووووووووووووووووووووووووووووووووووووود وبس :d روح جرب المكسيما والافلون من محلات الاجار وجرب الاكورد من الوكاله فرع جده شارع المدينه
والقرار لكككككككككككك
استخر الله
المكسيما حلوه بس ياخي قطع غيارها غااااالية مره والافلون انا شايفها ممتازه قطع غيارها مناسبه وسيعه من الداخل واريح في الخط لانها اثقل وانت حر في الاختيار ومبروك مقدما
انصحك تأخذ أوريون أو سوناتا :d
أشوف أكورد فل كامل أفضلهم
لإن الأفالون في النهاية تويوتا وتويوتا معروفة أنها
أصبحت أقل مستوى جودة
أما المكسيما فهي جميلة جدا لكن أعطالها ومشاكلها كثيرة
وهذا حال كل سيارات نيسان ومصروفها عالي بالنسبة للقطع
والكفرات لأنها مقاس 18 و 19
تبغى سيارة رااااائعة وجودة عالية انصحك بالاكورد فل كامل لولي
ولو تشوف الكادينزا من كيا يمكن تفكر فيها
ولو الحالة الأقتصادية جيدة ويمكن تزيد شوية
فلوس شوف الجينسس من هيونداي
والله إنها إبداااااع وفخااااامة وقوووووة
اشريلك فياقرا استعمال الياباني فل الفل
اذا عندك كاش؟
فكك من الياباني الغالي ولا فيه مواصفات ولا أمان إلا الأوديسي هه... ولكن اذا أنت بتستخدم 10 سنوات الياباني يتحمل مع قيادة محافظة..
أما سنتين 3 سنوات طلع (فياقرا-أو شبح 98 320) نظيف وكالة
اخوك
المكسيما سيارة من 98 ولها مكانتها ومو أي احد يحط راسو براسها . اما الان شكلها مره حلو بس من وجهة نظري المكسيما . ولكن القرار لك .
ما شاالله حاط 3 سيارات كلهم قطع غيارهم تفصيخ
يا اخوي إذا كانك منت بمرتاح للأفالون لا تاخذها لو يصير اللي يصير:(
لأنك لو بتاخذها على رأي الناس ما راح تكون مرتاح لها و انت و كيفك
و ما أنصحك بالمكسيما لأن يطيح سعرها بزيادة و نيسان ما أعترف فيها أبدا
لذالك ما لك إلا الأكورد موتر يصمل و حلو و فخم ما شاء الله صدق ان سعره غالي شوي
لكن قيمته فيه و انت و على راحتك و لا تاخذ إلا اللي مرتاح له
الظاهر تحسب نفسك في شات او دردشه
كل إنــــــــــــــــــــــــــــــــــــــــــــــــ ـــــــــــــــاء بما فيه ينبض
الله يهديك
سبحان الله وبحمده سبحان الله العظيم
ضوابط المشاركة
مواقع النشر (المفضلة)