الموضوع: صوت عند التشغيل

السلام عليكم
أخوي انا عندي هذا الصوت اللي عندك بالضبط
وما يطلع الا في الصباح وقت البرد أو تكون السيارة واقفه 4 أو 5 أو 6 ساعات
رحت الوكاله يقولوا قطعة اسمها Actuaotor وهي عبارة ترس مسنن خلف الترس اللي يركب على جنزير المكينه
ويقولك ان هذا الترس متأكل ويسوي هذي الحركه
والسبب عدم تسخين المكينه بالشكل المطلوب صباحا

وهناك احتمال اخر انها من طرمبة الدركسون لان مكانها قريب من جنزير المكينه

لكن مشي السيارة طبيعي وصوت المكينه طبيعي جداا
ولو شغلت بعد خروج الصوت مباشرة ما راح تسمع شي

وشكراا

ودمتم سالمين

مشكور أخوي جاكي2 والله اني كل مرة أشغل السيارة أنتظر لين الحرارة ترتفع لاخر حد لها ( قريب النص ) وبعدين أمشي ولامرة مشيت وهي باردة ( يعني الصوت عادي والا أوديها الوكالة في أقرب فرصة )
الظاهر ان مهندسين الوكالة ماحولك أحد

انا مثلك هالصوووت


لكن لما تدخل المفتاح شده بالحيل لاتررخيه عشان مايطلع الصوووت
اعتقد كذا

والله ياخوي السبب اللي عطوني اياه الظاهر انو تصريفة عشان ما أبلشهم يصلحونها بالضمان
وان شاء الله ما تضر
وبكره ان شاء الله الصباح بوديها الصواط واخليها عندهم 4 ساعات واخليهم يشيكوا على مصدر الصوت
هل هو من الجنزير
أو من طرمبة الدركسون
وارد لك خبر ان شاء الله

ولعلمك أجرة اصلاح Actuotor هي 750 ريال ( 3 ساعات = 1 ساعة ×250 ريال ) + 524 ريال قيمة القطعة
المجموع = 1244 ريال
هذا كلام الوكاله يوم الاثنين (أمس )
والتصليح بعد العيد لان القطعة طلبيه

وشكرااا

ودمتم سالمين

اقول لا توسوس بالرجال الله يهديك غير البطارية وجررررررررب
وادعيلي

السلام عليكم
توي جاي من السواط قسم المكينيكا
طبعا تركت السيارة حوالي 3 ساعات لين تبرد
وتم التشغبل وطلع الصوت كررر بس ضعيف شوي ( كأن البطارية ضعيفة )
وكان تشخيص الميكانيكي انه شداد جنزير
والافضل تغيير الجنزير وشداد الجنزير وانه ما منه ضرر لو ما صلحته الا ادا سار الصوت مستمر مع المشي

والله احترت بس
شكلي بروح الوكاله بعد العيد واطلب كشف مكينه لتحديد المشكله بشكل ادق لانهم يتحملوا على مسؤوليتهم عدم ظهور الصوتوعلى ضمانتهم



ودمتم سالمين

نفس المشكلة اللي تواجهني ,,,


esamza


انا بطاريتي جديدة ويطلع لي الصوت ,,,

الصوت هذا تقريبا طلع عندي و السبب طلع من الجنزير

و برضو يطلع بالصبااح يوم تكون باردة السيارة

و سبب الصوت هو زيت المكينة كان اسود و ثقيل ( كنت اخلي الزيت يمشي 8 او 9 الاف ولا اغيره )

و اول ما اشغل السيارة ما يوصل الزيت بسرعه للجنزير و بالتالي يطلع الصوت

عندك احد حلين في حال انك ماشي ع الزيت كثيير غيره الان

او تغير نوع الزيت اللي تستخدمه

طبعا مجرد حلول قد تكون صحيحة او خاطئة

مع العلم اني بعد بعد ما التزمت بتغير الزيت كل 5 الاف ما صرت اسمع للصوت ابداا

المشاركة الأصلية كتبت بواسطة Silver Aurion

و اول ما اشغل السيارة ما يوصل الزيت بسرعه للجنزير و بالتالي يطلع الصوت

صح كلامك أخوي Silver Aurion
وهو ما يحصل معي بالضبط
الزيت ما يوصل للجنزير بداية التشغيل في الصباح فقط أو عند عدم التشغيل 5 ساعات

وشكلي بغير الزيت إلى كاسترول 10w 30 , ونشوف بعدها الى بعد العيد ايش يصير

وشكراااا

ودمتم سالمين

السلام عليكم
اليوم دخلت السيارة الوكاله بخصوص الصوت اللي هو كرررررررررررر مع بداية التشغيل لما تكون السيارة باردة
وغيرت معها البواجي مرة وحده والى الان في الصيانة وشغالين فيها
ودقيت عليهم قبل المغرب لاني دخلتها الصباح عشان يسوو تست ( اختبار ) للصوت والتأكد من ان الاكتيوتر هو السبب لان الشغل على ضمانتهم لو طلع الصوت بعد التصليح ماراح يشوفون ولا ريال <<< معلمهم من قبل التصليح

وكان اجور الاصلاح
أكتيوتر 613 ريال وبعد الخصم 20 % يطلع 490 ريال
شغل اليد 720 ريال وبعد الخصم 20 % يطلع 576 ريال
المجموع 1066 ريال مع اضافة معجون ب 246 ريال يطلع 1312 ريال

والبواجي 303 ريال بعد الخصم وشغل يد 76 يطلع 379 ريال

المجموع 1691 ريال

ياليتك ترد علينا بعد ماتشوف الصوت اختفى ولا لا
لان عندي نفس الصوت وساحب على ابو مرسوله

^^
+1

انا عندي هالصوت وسبق نزلت موضوع عشانه

رحت للوكالة ايام الكشف المجاني وقلت للمهندس السعودي عنها

قال هذي بتكلفك حول ال3000 وانصحك انك ماتصلحها لانها ماتضر السيارة

ومشيت على كلامه وخليتها ....

.......

في امريكي منزل مقطع باليويتوب عنده نفس الصوت ونفس المشكلة

هذا يطمنك انها مو في سياراتنا بس ...

ابشروا بعزكم ياشباب
وترا التكلفة الحين بعد الخصم 1066 ريال ويضاف اليها معجون أصلي ب ر246 ريال عشان التقفيل للمكينة
وترا سعرت شغلها خارج الوكاله
أجور يد 750 ريال
والقطعة كانت 524 ربال ويطلع المجموع بعد اضافة المعجون 1520 ريال من دون ضمان

ماشاء الله

بانتظر تجربتك لها .....

يعطيكم العافيه ... واناااا بعد عندي نفسسسسس الصوت بالضبط

السلام عليكم
ابشركم ياشباب الصوت اختفى حتى قبل شوي شغلت السيارة والحرارة على c وكان التشغيل سلس وما في كرررر حقت كل صباح
طبعا انا اليوم الصباح استلمت السيارة وكانت حامية واخذت منهم ضمان 3 شهور على الاصلاح

بس نحيب الاماكن وقف قلبي لانه امس راح الشركة ياخذ سيفون وشاف السيارة وقالي انه شاف تحتها زيوت
طبعا لمن رحت الوكاله اليوم فعلا حصلت جنبها زيوت بس لما سألت المهندس ايش هذا الزيت
قالي هذا زيت علبة الدركسون البلاستيك اللي فوق ولازم نفكها ونفضي الزيت اللي داخلها لانها في مكان الشغل
وعبينا لك زيت دركسون هوندا الاصلي في العلبة الى الحد المطلوب
طبعا كمان عايرت زيت المكينه ولقيته كامل ما شاء الله

طبعا التكلفة نقصوها شوي لانه حسب خصم 21 % على كل شي وطلع الحساب 1646 ريال بدلا من 2083 ريال مع تغيير البواجي

وان شاء الله كل من كان تواجهه هذه المشكله انه لقي حلها
بس ترا هذا الحل ممكن ما يشمل كل الشباب اللي يشتكون من الصوت
لان الصوت مشابه الى حد قريب صوت طرمبة الدركسون فارجوا التأكد لمن يريد الاصلاح خارج الوكاله عشان ما يدفع فلوس على الفاضي

وشكراااا لكم

الله يبيض وجهك يالغلا ولا يهينك ع الموضوع.. بس سوال لا هنت اذا سياراتي باقي ع الضمااان يصلحونها فرري ولا وش العلم .. بالنسبه للصوت عندي نفسيه مره يجي ومره لا .. لحس مخ ابو جدي

السلام عليكم
انا بلغوني لما وديتها انه لو ماعدت 100 الف
كان صلحوها بالضمان
لانها قطعه بالمكينه
بس انا غير ملتزم بالصيانه
وثاني شي وديتها علي ممشي 155 الف

والصوت انا يظهر بس لما تكون السياره بارده والحراره
علي c
ولما تكون حاميه او لي ممكن 3 ساعات مطفيها
ابدا مايطلع صوت
او يطلع خفيف مرررره
وانا الحمد لله للحين ما اعاني من المشكله بعد ما صلحتها
بالوكاله
وهم اعطوني ضمان 3 شهور
او 5000 كم
علي كل الشغل والقطع
وشكرااا

الله يبيض وجهك يالغلا .. وانا بكررره برووح لهم واشوووف لان السياره ماشيه88 الف وخلنا نحلل ذا الضمااان

والله الصوت هذا ممكن نفس الصوت اللي عندي و اكتشفت الصوت بعد ما تتبعته

هو صوت طرمبة الدركسون :( و إذا تبي تعرف شغل السياره و افتح الكبوت و تتبع الصوت