الموضوع: كيا كادينزا & اكورد ..

اما احسن من البي ام يا ابو الشباب لا تشطح مررررره تراك متحمس زياده
المهم يا خوي انت مدامك يمديك تدفع اكثر من 100000 انا باقترح عليك سييارة حلوة وشركتها معروفه وقطع غيارها متوفرة وبسعر ارخص كمان وشكلها جدا رهيييييب بذات الفل كامل الؤلؤي
فورد تورس والله شي خرافي تجمع بين الجودة و المواصفات
وسعرها الفل كامل 134000
سعر النص فل 94000 بس بدون فتحة سقف و بدون شاشة
انصحك خذ الفل كامل وراح تدعيلي.

ماعندي تعليق مهم في الموضوع
لكن بحثت بأحد المنتديات المهتمة بـ سيارات الكيا ....
وأقتبست هذا الإقتباس من واحد مسوي موضوع
وكاتب مشكلته مع الكنديزيا ::مدري وش اسمها ::.
إليكم ....

اخوكم يملك كادنزا الفل الكامل ..المهم مالكم بالطويله ..كان فيه صوت يجي احيانا اثناء التشغيل عباره عن رجفة بالماكينه ..والاضاءه الداخليه ماتعمل ..المهم اتصلت علي الوكاله .. قالو اذا وصلت الخمسه الاف جبها ونصلح لك كل شي ...قلت خير ..اكييد سيارتهم وهم ابخص ..

لكن بعد فترة لاحظت ارتخاء بالهاند بريك ( الجلنط ) وبسير الماكينه .. قلت هذي مايبي لها .. وديتها للوكاله وكان وقت زحمه وكانو مايبون يستلمون السياره .. يقولون بعد الخمسه لان السياره جديده ..قلت لهم اذا تتحملون اي شي يجي للسياره عطوني ورقه وماعندي مانع ..

المهم استلمو السياره وجلست عندهم ثلاث ايام وتصلح كل شي والحمد لله .. طبعا الانوار نسيت اقولهم لان الصوت هو اللي كان مشغلني ..لكن الظاهر الفنيين داخل الورشه ابخص من حقين الاستقبال صلحو كل شي ..

نصيحة ..


أبعد عن الهوندا والكيا


الاكورد سعرها غالي .. قطع غيار غالي ..

والكيا كوري .. شكل جديد ماتدري فيه عيوب أو لا



عندك خيارات واجد ..


أفالون .. مكسيما .. فورد تورس .. فورد ميوجن .. كرايسلر


والخيار لك ولاتنسى الاستخارهـ ..


تحيتي ..

يا صديقي ..

نصيحه خذ لك افالون ... وريح راسك ..

واذا تبي جواب على عنوان الموضوع ... ولا وحده

والله ياخوك لو أنا مكانك وماشريت سياره بعد بيكون في بالي
1-توريس
2-اوبتيما2011
3-سوناتا 2011
4-كامري 2011
5-التيما 2011
6-اكورد 1992
7-اكورد 2011
يبوي الاكورد وين العالم سوت اشياء خرافيه في سياراتها واحنا جوده وجوده يعني مافي عقول الا معنا احنا وكل واحد معه سوناتا ولا اوبتيما ولا التيما خبلان واحنا الصح ماشالله علينا
والاكورد فيها من البلاوي مالله به عليم
وبالتوفيق لك

يا اخوان انا قصدي انها تحمل مواصفات البي ام لكن زله لسان تعرفون لاني بعض الاحيان انقهر اسمع واحد يقول كدلك sls ولا اكورد ستاندر

صراحه انقهر اقول في ناس لاعبين عليهم اجل كل يومين تغير فحمات <<< نفس الكلام زله لسان

المشاركة الأصلية كتبت بواسطة اكوردتي عشق لا ينتهي

والله ياخوك لو أنا مكانك وماشريت سياره بعد بيكون في بالي
1-توريس
2-اوبتيما2011
3-سوناتا 2011
4-كامري 2011
5-التيما 2011
6-اكورد 1992
7-اكورد 2011
يبوي الاكورد وين العالم سوت اشياء خرافيه في سياراتها واحنا جوده وجوده يعني مافي عقول الا معنا احنا وكل واحد معه سوناتا ولا اوبتيما ولا التيما خبلان واحنا الصح ماشالله علينا
والاكورد فيها من البلاوي مالله به عليم
وبالتوفيق لك

وش الي جاب اكورد 1992 ؟؟؟؟؟؟؟؟

وفعلا الناس صدقت جوده وجوده تبي سياره تستاهل سعرها صراحه الاوريون glx ب 89 الف وفخامه وحجم وهيبه سياره وقطع في اليد وتعيش معك وعمري ما شفت احد يشتكي بس نا يسبونها وما جربوها رائعه بكل معنى الكلمه

المشاركة الأصلية كتبت بواسطة متواضع بطبعي

وش الي جاب اكورد 1992 ؟؟؟؟؟؟؟؟

وفعلا الناس صدقت جوده وجوده تبي سياره تستاهل سعرها صراحه الاوريون glx ب 89 الف وفخامه وحجم وهيبه سياره وقطع في اليد وتعيش معك وعمري ما شفت احد يشتكي بس نا يسبونها وما جربوها رائعه بكل معنى الكلمه

كلام سلييييم

نصيحه لك لا تاخذ كوري تراها ولاشي بس شكل اوما مكينه وقير والشغلات هذي ما عندك احد

نصيحه خذ اكورد وربي انها عظيمه

وتذكر انا السياره الوحيده الي تتصنع في اليابان يعني يابانيه 100% بختصار خذ هوندا اكورد

المشاركة الأصلية كتبت بواسطة الـحـربـي ... ^

h s n .. صدقني لو اللي يدخلون الموضوع زيك كان طلعنا بنتيجه .. انا بغيت اسأل هل الاكورد تصبر .؟ واحد من اخوياي يشتكي من فحمات الفرامل .. وهذي مصيبة .. اذا الوسيلة المهمه بالسياره الناس تشتكي منها .. انا قريت اكثر من موضوع هنا في المنتدى شكو من طرمبة الدركسون . طيب هل اجتازو المشكله هذاي في الاكورد 2011 ..؟؟

لكزس 430 ls البريك حقها زي الاكورد خويي عنده وفيها رجة زي الاكورد بالضبط مافي اختلاف وبالعكس تتأكل البريك كل 30 الف كيلو يتغير البريك ومن ناحية الطرمبة انا من وجهة نظري ان ماراح يعالجونها الا في عام 2013 لما ينتهي تسويقهم بالسلعه