الموضوع: خلي الاكورد 08 - 09 - 10 مالتك أسرع .. !! بدون خوف

تسلم اخوي ويعطيك ربي العافية .....

يعطيك العافيه

ممكن يكون عندكم بوكاله الكويت والوكيل حقكم عنده هالشيء .. لكن نخاف نروح لوكيلنا الهاشم ويقول ما اقدر اسوي شيء

الله يعين بس

الصوره فيها قوانين معينه يرجى الاطلاع عليها

يعطيك العافيه

الصراحه اول مره ادري عن المعلومه

بس من وجهة نظري اشوف ان العزم حلو خصوصا انها 4

انا اول ما طلعتها احس انها ما تمشي كاني راكب اعزكم الله حمار

لانه من الاول كان معي مكسيما ماشاءالله من اول ما احط رجلي على البانزين ولا اني واصل 100

بعد فتره عرفت ان الهوندا عزمها مناسب مثل ما قلت لك من اول على انها 4 سلندر

وحنا الحين بالرياض ما نقدر نتنفس في السرعه من يجيك الشيطان ويقولك ادعس

تشوف صوت الفلاش بوجهك

والله حركة رهيبة يا سلام لوعند ابو هاشم اول يوم بعد العيد وانا عندهم ونشوف يقولون
ادعولي بالتوفيق

اشكر ردودكم جميعا ..
من رايي , لازم تسألوا عن الحركة هذي .. وصراحة انا رحت على الوكالة بعد ما سواها اخوي .. وقلت حق نفسي اسوي اب جريد ماني خسران شي مع انه ماشالله عزم اكوردتي رااااائع .. وكلمت الموظف المختص باستلام السيارات .. اول شي انكر الموضوع وقال احنا ما عندنا هذا الشي قلت شلون ما عندكم وانا اخوي مسوي لها بالوكالة .. قال انا اول مرة اسمع بهالكلام .. بعدها اصريت اني اكلم المدير مال الكراج .. جدا كان محترم ..قلت له ابي اسوي upgrade حق المكينة مالتي ..
ورحب بالفكرة وقال ما عندي اي مشاكل .. بس للأسف لما عرف ان سيارتي موديل 2004 قال لي احنا ما عندنا غير موديل 2008 وفوق .. لان الموديلات السابقة ما كان عليها شكاوي ..

يعني بالمختصر حتى لو ما كان في سي دي تسوون عليه اب جريد انصح كل واحد يروح يشتكي علشان تتجمع الشكاوي ويصير في حل موجود بخصوص عزم الهوندا

من خلال خبرتي بالهوندا .. انا اشوف اللي مخلي الهوندا الجديد مو ذاك الزود بالعزم اهو كبر حجم الرنقات ( الجنوط ) ووزن السيارة الثقيل ..

الله يوفق الجميع

تشكر على الخبر والمعلومة اللي اول مرة اسمع عنها
أنا صراحة مااهتم بالعزم بس الحق ان عزم الاكورد خصوصا الشكل الجديد عادي واقل من عادي

مره ممتاز يا خوي .. انا شفت هل موضوع عام 2008 اول ماصاروا الشباب يتكلموا عن مشكلة العزم .. جاهم واحد و سدح لهم في احد الردود هذا الحل .

بس تعرف .. احلا شي لو تركب القطع كلها ( اقزوز كامل + فلتر رياضي ) و تروح للوكالة و يبرمجوا السيارة على القطع الي عليها ، شوف الجنان الي بيصير

يعطيك العافيه أخوووي
طيب السيفيك مالها شي:d.

والله مادري اذا هي صدق ولا لآ . .

بس اللي ابيه انا فكـ الفصله ما ابغى تكون الفصله عندي هذا اللي ابيه . .

لاكن من ناحيه العزم مرن الموتر زين و دعس تدعيس صح و خطوط و يتمرن القير معك و تصير ان شاء مثل الموديل الاول . .

من زودي حبي في الاكورد ...................... ودي اشتري واحده ثانيه ,,

اول مره اسمع عن هذا الشي صراحه

الي عنده علم لو الوكيل عندنا يبرمج :d ( عبدالله هاشم )

نروح له ليش لأ
بس اخاف اروح اقول لهم كذا ينضحك علي :(

الي عنده علم بوكالتنا يقولي

المشاركة الأصلية كتبت بواسطة mydesign

الصوره فيها قوانين معينه يرجى الاطلاع عليها

ههههههههههههههه يقطع إبليسك والله :d

متاكد انت يبرمجون سيارات بسيدي خخخخخخخ

بصراحه شي ما يدش العقل

لا يكون تتكلم عن كمبيوتر و واحنا ماندري

مشكور على المعلومه

المشاركة الأصلية كتبت بواسطة abu nizar

مساء الخير يا شباب ..
اولا احب اشكر المسئولين عن هذا المنتدى المتكامل من مواضيع تخص الهوندا

واحب اشكر جميع الاعضاء والقائمين عليه ..

صراحة حبيت اعرض موضوع خاص عن قوة الاكورد 2008 - 2010 من بعد ما شفت مقاطعها باليو تيوب

ولاحظت في اغلب المقاطع ان الاكورد ينطاف ..

انا واخواني الشباب لنا تاريخ عريق مع الهوندا اكورد

اكورد 95 جير عادي
اكورد 99 كوبيه ( باب واحد )
اكورد 2003 v6 سيدان
اكورد 2004 سيدان
اكورد 2005 سيدان
اكورد 2007 سيدان
اكورد 2008 سيدان
اكورد 2008 كوبيه
اكورد 2009 v6 كوبيه

( مشالله )

صراحة الاكورد سيارة جدا فخمة ورائعة وقوية

ولكن لاحظت انه الاكورد 2008 وفوق فيها مشكلة بالعزم لدرجة اني طفتها بالكوبيه ال 99

ما علينا بطويل الكلام .. اخوي راعي الاكورد ال 2008 السيدان راح للوكالة وشكا لهم الموضوع مال العزم ..

وكلم مدير الكراج ..

واللي صار ان المدير قال له في ( سي دي ) خاص بالموضوع هذا .. دزته لنا شركة هوندا من اليابان بسبب كثرة الشكاوي من موضوع عزم الاكورد

وهذا السي دي يبرمج القير والمكينة والسيارة تصير اسرع من اول .. وراح تفرق معك مثل كأنك مركب لها انتيك .. أو انتيك و اكزوز :d:d:d

بالحالة هذي رح تعدل سيارتك من دون اي خوف ومشاكل من اللعب بالسيارة .. وتعديلها رح يكون بالوكالة ..

مادري يا جماعة اذا الموضوع هذا انطرح بالمنتدى من قبل .. بس حبيت افيد الجميع .. وما ادري بعد اذا خبري عتيج .. :d

على العموم منتم خسرانين شي .. خلي اكوردك اقوى وخلي كل الكوامري يشوفون السطب مالك .. :p

وسلامتكم..

اخوكم ابو نزار من الكويت

السلام عليكم و رحمة الله و بركاته


هل هذا العرض ايضاُ بالسعودية


وهل هو مكلف؟؟؟؟؟؟؟؟؟؟؟؟

اقووووووووووووووول اشوف كل واحد يسأل الثاني تقول خايفين منهم .. اقول ورى مانسوي تجمع يا اهل الرياض عند وكاله عبدالله هاشم طريق خريص ونقلط على مدير الصيانه .. لأن لو جينا واحد واحد بيعطونا عشر طعش الف تصريفه .. وش قلتم وترى جاد بكلامي ؟؟؟ :d

<< برااااا

الحمد لله عزم اكوردتي ممتاز

لدرجة اني من الصفر مقدم على مكسيما الجديده :p مع اني مو راعي قومات

المشاركة الأصلية كتبت بواسطة mydesign

الصوره فيها قوانين معينه يرجى الاطلاع عليها

اعجبتني بس الي كتبها طالعه من قلبه هههههههههه

حلو حلو حلو جربت اول مع ss بس لو اروحلهم ويسولي هيا يمكن اروح عليه :d

ومشكوووور عالموضوع يا عسل

الأخ الفدرالي .. حاضرين يالطيب وأي معلومة جديدة رح أفيدكم فيها انشالله

الأخ اياد العنزي .. ما احبذ التعبث بالهوندا من موديل 2003 فما فوق .. لأن صار كل شي بالسيارة كمبيوترات .. يعني اذا تبي تلعب بالسيارة الاحسن انك تاخذ هوندا 2002 واقل .. يعني اذا انت راعي مكاين H22 وسستم اقزوز وفلتر ووايرات وغيره الكثير وهذا الكلام نقلا عن خبير هوندا مصري عنده خبره بهوندا من سنة 86

وانا متأكد ان كلامه صحيح .. واظن اذا لعبت بالسيارة تطيح الكفالة عنها ..والله اعلم .

الأخ عاشق السيفك .. أول شي الصورة روعة مشالله .. صاني شي السيفيك الجديد عزمه ممتاز مقارنة بمثيلاتها من السيارات الثانية ان كان حجيم او سعة محرك .. وصراحة احترم شكل 2007 وفوق .. والله يوفقك

الأخ اكوووووورد 08 .. فك الفصلة مو هين .. مكلف .. يأثر على اداء السيارة على المدى البعيد .. انا كنت ابي افكها .. بس بعد ما قالولي وحذوروني صرفت النظر ..
خليك على 220 حلوة وفي مثل يقولي ياه الوالد دايما (( امشي بهداوة توصل اسرع ))

الأخ بلال العلمي .. الموضوع مو موضوع زيادة احصنة .. الموضوع عبارة عن برمجة وعيارات من الوكالة الام ..
يعني رح تزيد نسبة احتراق الوقود بقدر 5%

وفي شغلتين رح يزيد احتراقهم ما اذكر اسمائهم

هذي الشغلات راح يقولوها لك بس تقرر انك تسوي upgrade

الأخ jamekana انا من زود حبي للاكورد مخلي كل الربع عندهم اكوردات .. وأي احد يبي يشتري موتر جديد اقعد داخل راسه واقوله .. اكورد اكورد اكورد اكورد اكورد اكورد اكورد اكورد اكورد اكورد اكورد اكورد اكورد اكورد اكورد اكورد اكورد

اخر شي يشتري اكورد . لووووول .. وشرطك انا اروح افحص معاه ..على اساس اني خبير .. لووول

الأخ green devil يا خي روح منت خسران غير شوية بنزين . لوول .. بس شرط كلم مدير الكراج .. لأن الموظف احتمال كبير ينكر الموضوع

الاخ ازوري .. كل شي بالسيارات يتدخل فيه الكمبيوتر .. يعني من تصنيع المكينة للقير للشاصي والبدي ..

يعني حتى حركات دوران المكينة يصير بالكمبيوتر .. ما تشوف شلون تقيسون عزم السيارة على الداينو ..
يا حبيبي حنا بالألفية الثالثة .. يعني مو بعيد تحصلها على فلاش ميموري ..

الأخ طنيان : اذا هالشي موجود بالكويت ماراح يكون موجود بالسعودية !!!! مشالله السعودية صارت ام الهوندا من 2003 للحين ..
واعتقد انه رح يكون مجاني اذا السيارة تحت الكفالة .. اما ازا مو تحت الكفالة الله يعينك .. بس انت سو نفسك ما تدري عن السالفة ,, وقول هذي مشكلتكم ان السيارة ما فيها عزم
يعني حاول لا تخليهم يدفعونك شي .. فاصلهم ..

الأخ BROOOOK انا رأيي من رأيك وتوكلوا على الله جميع وادعولي

الأخ KHT انشالله دوم من الطائفين مو من المطيوفين .. والله يهنيك بموترك يالطيب
تقوم معاي ؟!! لووول

الأخ عاطف عاطف .. أهنيك على الصورة الرائعة .. صراحة انا ما احترم بالتويوتا غير الأوريون .. (( عندنا وحدة 2007 ابيض فل ))

الأخ ss4rakan حاضرين يالطيب .. وانشالله افيدكم بكل جديد اعرفه ..

وسلامتكم

اقول يا جماعة الحين صباحية اول يوم عيد .. بروح اسولي ( شاهي ) على قولتكم .. وأمخمخ الطاسة ( الراس )

واشغل فيروز بعد .. هع هع هع هع

عيدكم مبارك اجمعين

الأخ KHT انشالله دوم من الطائفين مو من المطيوفين .. والله يهنيك بموترك يالطيب
تقوم معاي ؟!! لووول

خلاص جهز موترك ههههههه :d

جاهز طال عمرك بأي وقت تبي ..
لووول