الموضوع: قدر الله وماشاء لطف :) حآدثـي

الحمد لله على السلامه اهم شي انت طيب وخويك الثانى بخير مافيكم شي انشالله
الحديد يتعوض وانا اخوك بس صدقنى سيارتك بتكلفك كثير وبعدين قبل هاذا كله انت ياصاحبي المفروظ تسئل الشباب الى بيصلحون السياره هل السياره بترجع مثل اول ولى اشلون ولى بيبقى فيها اثار الحادث
تقبل مرورى

الله يعوض عليك اخوي

والحمدلله ع سلامتك والحديد يتعوض

الله يسلمك يآصاحبي .. والله على كلامهم المكينه ماجها شي والقير سليم مادري ان كان فيه شي بالمساعدات والا الاذرعه .. لكن يسرها الله

الله يسلمك أخووووي ,, وشاكر على الرد

اولا من كل قلبي اقولها لك

الف الف الف الحمدلله على السلامـه يارجال

تريلات محمله حديد راحت على خط الجنوب ولا احد درى عنها ..اهم شي الروووح وانا اخوك

دامك انت سالم وخويك محمد ...امزح امزح دامك سالم وخويك سالم بعد ومافيكم شي


طبعا انت من كلامك مش مأمن وراح تكلفك السياره بصراحه وبكل امانـه


لكن يارجال الخيره فيما اختاره اللـه وهونها وتهـون ..

وانا من وجهة نظر اخوك المتواضعه بحكم خبرتي في التشاليح ومجال الطب في السيارات

تبيع سيارتك تشليح وتحط قيمتها دفعه اولى لأكورد 2011 إن كان لك خاطر فيهاا
او افالون 2010

وتقسط ولا تنسـى تأمن والله يعوض عليك

الله يسلمك أخوي فيصل .. والله حرام أبيعها تشليح لانها توهآ مشت 40,000 والمشكله انه علي قرض ماقدر أطلع شي بالفتره الحآليه .. شآكر لك

الله يسلمك كآكآشي .. الشي اللي تذكرته انه اول موضوع نزلته بذا المنتدى يوم طلعت السياره أنت ثالث وآحد رديت والحين أنت الثالث ..

على العموم مشكور ويآليت تراسلني على الخاص بخصوص الجنوط

ضرووووووووووري تكفى

اولا الحمد لله على السلامة .. وان شاء الله اخر الاحزان ..

من ناحية القطع لاتشيهل هم .. ان شاء الله كلهن بتحصلهن .. ونا الحين بروح اشوفلك تشليح القصيم .. انتظر ردي باليل ..

والحمد لله على السلامة .. مره ثانية

الله يسلمك أخوي ,,, وشآكر لك


بأنتظارك بالليل .. ألف شكر

اول شي الف الف الف حمدالله على السلامه
والله يعوض عليك خير
اخوي انا على مشفت السياره انه انعدمت اذا السمكري انت واثق منه انه برجعه تمام توكل على الله
ومنحيت القطع لا تشيله هم لانو قطع الاكورد الجديده رخيصه يمكن الي بيكلك شوي بلسعر الفتحه والجنوط
واذا تبيني اجيبلك اسعار القطع كامله انا جهز واذا احتجت اي مسعده من الرياض هم بعد انا جهز
والله يكتبلك الي فيه الخير

الحمدالله على سلامتك
والله يعوضك خير انشاء الله

هلا بالغالي ..

قبل شوي دقيت على وحد من الشباب .. قلتلة ابي خلفية اكورد يعني صدام رفرفين و اصطبات و الشنطة قال موجوده بـ 7500 ريال ..

هذي بس الخلفية ..

فانصيحتي انك تبيعها تشليح .. لانها بتكلفك اكثر من 20 الف ..

وشي ثاني الرفرف الايسر خلفي والكتوف .. تحتاج قص وتلحيم .. لاني الاكورد الرفرف الخلفي ماجي منفصل نفس الامامي .. وغير كذا .. اتوقع لو عدلتها سمكره ومعجوون .. كله فتره .. ويبدا تطير البوية .. ويتكسر ..

هذي نصيحتي لك .. يالغالي ..

والله يكتبلك اللي فية الخير ..

الحمدلله على السلامه , والحمدلله جت في الحديد
الله يعوضك ان شاء الله , واهم شي يا الشباب السرعه , ترا ما وراها الا المصايب
ولا تنسون حزام الأمان على الأقل في الطرق السريعه , ماتدري مرات يجي الخطأ من سياره ثانيه
وانت اتروح فيها

والله يعوضك خير ان شاء الله ^^

نصيحه بيعها تشلييح

ولا ما حترجع اكورد >>> يعني حتتعبك بالاصوات حقتها

السمكرى طالب 7 على ايش ما انو هوا يبغا كل شئ على جااااهز

الف سلامه عليك انت والي معاك
ماتشوفوا شر واخر المصايب يارب

انا مثلك مسوي حادث بسيارتي لمره الثانيه واكتشفت انها مصقوعه بعين صح
لان انا الحين مسوي فيها حادث وبنفس طريقه الحادث الاول وبنفس جهه الضربه وبنفس ايام الحادث الاول من السنه الي قبلها
وانا ماابي احطمك يالخوي بس انا بصراحه تعبت بتصليحها بس انا افضلك اذا فيه امكانيه انك تبيعها بيعها ولا تتردد
وهذا موضوع حادثي >> http://www.hondaarabia.com/club/t34825/

وموفق ان شاء الله

الحمدلله ع السلامة و ما تشوف شر

و الله يعوض عليك و الصدمة صراحه بتكلف كثييير :(

اهم شي انت سالم و لا السيارة مع نفسها تروح و تجي

المشاركة الأصلية كتبت بواسطة أڪۋردي ستآيل

الله يسلمك أخوي فيصل .. والله حرام أبيعها تشليح لانها توهآ مشت 40,000 والمشكله انه علي قرض ماقدر أطلع شي بالفتره الحآليه .. شآكر لك

يا رجال احمد ربك بس

في واحد تووه مستلم السيارة من الوكاله .. والله من الوكاله للمحطة عبى فل بنزين

و اول ما خرج من المحطة و تطيره تريلا جابت خبر السيارة ما كملت نص ساعه الا و هي بالتشليح

الحمد لله على السلامه وما تشوف شر
في الحديد ولا في الأرواح يا أخوي

الحمدالله ع السسسلأأمه ، معوض خير يآربٍ
مآقصروا الشبآبِ زي مآقآلوٍ رآح تكلفك كثيرٍ ومآرآح ترجع مثل مآكآنتِ بيعهآ تشليح والعوض على اللهٍ
وآهم شي انكم سآلمِين

لا حول ولاقوة الى بالله

الله يرزقك أحسن منها يارب وماتشوف شر والحمدلله على السلامه

بس كم كنت تمشي ياخوي قبل مايضرب عليك الكفر ..؟

والحمدلله على السلامه مرة ثانية ..

اللهم آجره في مصيبته و أخلف له خيرآ منها , الحمدلله على سلامتك و إذا سلم العود الحال تعود و الحمدلله أنها بالحديد