:d:d
السلام عليكم ورحمة الله وبركاته
نبدا الكلام بالصلاة على افضل الخلق سيدنا محمد عليه افضل الصلاة والتسليم
اول شي
كل عام وانتم بخير والى اللي حج حجه مقبولة باذن الله
يقولون الكتاب واضح من عنوانه انا اسف اذا تاخرت عليكم بس وش اسوي مشاغل وخصوصا اني حاليا من سكان الشرقية الخبر - الدمام المهم ندخل بصلب الموضوع انا من يوم توظفت بالدمام وكل اسبوعين تقريبا انزل لاهلي فتعرفون مع الخط والوقت برضو الانوار الامامية تشهب او تغبر فغالبا نسوي لها تلميع خارجي وانتهت المشكلة
انا كنت ذاك اليوم رايح للاحساء عشان كاكاشي وشريت منه الزينون ابو 55 واط المهم من الكلام معاه قالي على هالمحلات قلت خلني اجربها ومن بكره وانا اجي عند شارع تويوتا عند محل اسمه ارمز المهم عندكم تلميع داخلي خارجي قالوا يب قلت يالله الهمام قال اول شي اشوفها قلت طيب ويصلخني بسعر محترم مقداره 250 ريال بس قلنا يالله ماهي خسارة علي وبحكم اني مادل بالدمام كثير المهم دخلت الموتر وبدا الشغل
بس للاسف ماصورت السيارة قبل التلميع بس كانت حالتها متردية لانه يوم كانت على انوار الوكاله بالحيل اشوف النور الاصفر
المهم نبدا بالشغل
بالاول الكل عارف طريقة فك الشبك وهي عبارة عن الكلبسات الاربع المهم نطلع الشبك ونحرر الشمعه ونطلعها من الصاجه
وهذا موضوع لاخوي البراك
http://www.hondaarabia.com/club/t37546/
وهو عبارة عن فك الشمعه وتركيب عدسات
طبعا الفكرة تقريبا نفسها بس تختلف الرواية بالاخير وعلى قولتهم الزبده
طبعا ياخوان في هالوقت طلعت افطر واعين من الله خير هم فكو الاصطب من الصاجه تبعه وبدوا التلميع و الصنفره
المهم نجي الحين بعد تلميع الاصطب لطريقة فكه وهو عبارة عن تذويب الشمع عن طريق الحرارة
بعدها نفك القطعه البلاستيكية الشغله كبس بكبس
وهذا شكل الاسطب بعد الفك
المهم نجي للقطعه البلاستيك ونسوي لها صنفره وتلميع من الداخل
والقطعه هذي مجرد تلميع مايحتاج لها شغله
طبعا الحين نرجع بالحرارة عشان نتاكد ان الصمغ مافيه عشان نسكر الاسطب
الحين نقوم بالاغلاق عن طريق تركيبها بموضعها الصحيح واغلاق المساكات او اللي تسمونها
هنا توضح مكان المساكه زي ماقلت شغل كبس بكبس
طبعا الحين خلصنا يجي دور الغرا
الحين نخلي الاسطب لمدة 5قايق طبعا يعتمد على نوعية الغرا المستخدم طبعا ماشاءالله تقول اسطب جديد
طبعا هنا يوم جا يركبونها
هنا الشكل النهائي
طبعا قالي غسلها بعد 24 ساعة لضمان الاغلاق النهائي بالغرا وعدم زواله
وفي الاخير وليس اخرا مقطع فيديو بعد التنظيف ومعه الزينزن تبع كاكاشي
[ame="http://www.youtube.com/watch?v=3DsYq_PiLig"]YouTube - after cleaning the light hd[/ame]
وبالاخير اتمنى انه يحوز على رضاكم واي خدمه انا حاضر اخوكم محمد
ولا تنسون لا تحموني من تعليقاتكم بصفحتي باليوتيوب لوووووووووووووووووووول
سلام عليكم
التعديل الأخير تم بواسطة i know you ; 24-11-2010 الساعة 11:53 PM
ما شاء الله تبارك الله
تصدق فرق عن اول <<<مسوي شاف الانوار قبل التلميع:d
ولكن انا اشهد ان شغل ارمز شغل محترفين
الحين بس ناقصك تركب الحماية عشان لا تنعدم مرة ثانية من العج
انا ركبتها والحين لي ثلاث شهور وباقيه الى الان نفس اللمعه ما شاء الله
وهذا موضوعي عن الحماية
http://www.hondaarabia.com/club/t39398/
وفي الاخير تسلم يدينك على التقرير ومبروك الزينون:o
ماشاء الله تبارك الله ... رجعت كانها جديده
شغل مرتب مشالله تبارك الله
يعطيك العافية عالتقرير المتكامل
مع اني مو مع فك شمعات الانوار واتوقع ان مافي داعي للفك
بالعادة الترميل واي مؤثرات تخفف من لمعة الانوار او تعدمها تكون من الخارج فقط
والاكورد ماهي مثل الفورد اللي بمشوار واحد فيه شوية غبار تصير مغبرة من الداخل
والفورد انوارها مصممة انها تنفك وتتركب بعكس الاكورد مكبوسة كبسة مصنع
برأيي مهما كان الفني اللي فك وركب مختص مارح يقفلها مثل المصنع
والغراء (السيليكون) المستخدم بالتركيب مو مثل االغراء اللي يستخدم بالمصنع
وبتصير مع الوقت تدخل غبار او تدخلها رطوبة من الغسيل
هذا رأيي وماعليك مني يمكن لاني موسوس حبيتن بمثل هالقطع
وارمز شغلهم ما يحتاج مختصين بالانوار والزجاج
تحياتي لك
حياكم الله وبياكم اكورد 790 العازل صراحة سعره اللي ذاكره يوم اتصل على الرجال اللي في جيو شيلد عطني سعر غير مادري امكن عالحماية الكاملة والا ايش بالظبط عموما بشطفهم انا حتى اتاكد والله يسلمك مشكور لاهنت
وغاب القمر اي نعم صدقت مع اني مقلل جودة الصورة بشي واجد بس بالفيديو واضحة اكثر لانها بصيغة الهاي دفنشن ولا هنت
ابو جواد وجهة نظرك حلوة بس نقول انشاءالله طول معنا
سوال صغير ما عرفت كم مقاس الصنفره ؟؟
ماشاء الله صارت احسن من اول
والله ياعاشق للاسف نو
أي رجال
من زماااااااااان ماشفنا تقارير تفتح النفس
ماشاء الله تبارك الله
شغلهم روووووووووعه من جد
وخاصه مع الزنون شي ثاني
الله يحفظك بس من العيون
ويوفق يارب
ما شاء الله رجع وكاله
بس تمنيت إنك تكتب إسم الملمع المستخدم
و إذا فيه أحد من الشباب يعرفه ياليت يفيدنا
ابو نايف الله يسلمك ويحفظك اللهم امين الله يسمع منك مشكور لاهنت
وافاق بالنسبة حقت الصنفرة الخارجيه ماعرف وشو
بس الداخليه موجوده بالصور ركز وتشوف الادوات اللي استخدموها
يسلمو
ما شاء الله تبارك الله
شغل حلو ومرتب :d
نصيحه ركب الحمايه
وبالتوفيق لك .
accord7 انشاءالله
ويسلمو
ماشاء الله تبارك الله ..
بس كم يكلف التلميع لشمعتين ؟؟؟
باين على الشغل أنه ممتاز
ما شاء الله تبارك الله
ولكن التوقيع اللي على الصور خرررررب التقرير
وسلامتك
موادع الزهراني
والله كلفتني 250 ريال وتحصل ارخص على كلام واحد من اخوياي بالرياض
اشرف راشد
صدقت بس وش اسوي ماعندي خبرة بالفوتو شوب ويسلمو
مشاء الله شغل ممتاز
وتقرير ولا اروع
الله يعطيك خيرها ويكفيك شرها.
ماشاء الله يعطيك خيرها ويكفيك شرها ..
بس بكم يسوونه ؟؟
ماشاء الله ابدااااااااااااع
والله فرق السماء عن الارض
الله يسلمك يابراهيم
مشكور
جهد تشكر علية .. لكن الصور مشوهة جداً باليوزر i know you بإمكانك تحطة في زاوية عشان نستمتع ونستفيد ..
اكتشفت اني حتى آخر صورة اني قاعد اشوف اليوزر اكثر من الصورة نفسها ..!
.
فما زلت اسمع أصواتهم تهمس في أذني ...
وما زلت استنشق أنفاسهم تعطر المكان من حولي ...
وما زلت أرى خيالهم كلما طرفت عيني ...
دفنت الأجساد ... وبقيت الأسماء...
... وبقي الحب يملأ قلوبنا بالأمل ...
.
في محل في جدة ابغى المع شمعات سيارتي
طبعا المحل ذا لي تجربه سابقه معاه .. هو نصـــاب شوي بس محترم شغله .. وتراه الوحيد بالمنطقه الشرقيه
و يعطيك العافيه ع تقريرك الرائــــع .. بس لو انتبهت لملاحظه الاخ كن نافعا ..
شغل حلو بس لو مافكيت الانوار من داخل افضل الصنفره يستخدم الى الانوار كلها صنفره 1000 مع مويه او مع شويه رغوة
انا سويتا في البيت هههههههههه بس عجبني شي في انوارك الزينون الي مركبه وش النوعيه الي مركبنا ووش درجه اللون صايره كئنه مو مركب زينون كئنه شمعه عاديه
عاشق الله يسلمك ويخليك انشاءالله
بي يوز فل ماعليه تعرف اخوك عليمي بهالامور لوووول
اكوردي 2007 والله مادري بس شف امكن الاخوان يدلونك بس اذا تبي الرياض او الشرقيه عندي
لامبو صدقت احس انه زرفني بالمبلغ الا زرفني بالمبلغ بس ماعليه
وياحسن
هذا الزنون شاريه من كاكاشي والزنزن 4300 كالفن واذا تبي تشوفه ماعندك مانع كلمني بالخاص اذا انت من اهل الشرقية تشوفه واطلبه من كاكاشي
ضوابط المشاركة
رد مع اقتباس
مواقع النشر (المفضلة)