بوري الاكورد

**mmm800** · 18-10-2010, 10:13 PM

السلام عليكم ورحمة الله وبركاته ..

عندي يااخوان البوري حق السيارة ضعيف جداً وشكله بيخرب علي :( المهم رحت لمحل الزينة وعطاني بوري فورد صيني ب 80 ريال وش رايكم فيه اركبه ولا بيخرب علي ..

**accord790** · 18-10-2010, 10:17 PM

وعليكم السلام

هذا حل اسهل

http://www.hondaarabia.com/club/t32821/

**المباشر** · 19-10-2010, 03:25 AM

ضربت مشوار لمشروع ارامكو الجديد في شاطئ العقير والبوري زكم عندي وكان عج الطريق بشكل رهيب

الحين راح ارجع وافك البوري واحلى تنظيف وان شاء الله يرجع مثل اول انا قبل يوم غسلته صراحة رجع صوته عالي وحلو وكأنه جديد

نظف القديم بدون تغيير وراح تشوف الفرق

**King** · 19-10-2010, 04:49 AM

تصدق فيه إختراع سمعته من احد الشباب الله يوفقه.

الأختراع عبارة عن تلبيس البوري بشراب (جورب) على البوري كله حتى مايدخل الغبار والعج او الحصى الصغير ويعدمه لك, ووظيفة الشراب انه يمنع اي من هذه الأشياء, مثل الفلتر.

لأن مكان البوري في منطقة مفتوحة بنسبة 55% واكيد راح يتضرر, انا شفت الكراون فكتوريا البوري حقها جاي ورى الصدام وفتحات البوري إلي يطلع منها الصوت مقلوبة من جهة السائق يعني انسى يدخل شيء او ماء او تراب.

**Accord F15** · 19-10-2010, 06:13 AM

ما قصروا الشباب وانا بعد مثل حالتك له شهرين قالب بوري 200l ومخليه لكن يجيله يوم وافضى له وانضفه

**المباشر** · 19-10-2010, 06:45 PM

المشاركة الأصلية كتبت بواسطة King

تصدق فيه إختراع سمعته من احد الشباب الله يوفقه.

الأختراع عبارة عن تلبيس البوري بشراب (جورب) على البوري كله حتى مايدخل الغبار والعج او الحصى الصغير ويعدمه لك, ووظيفة الشراب انه يمنع اي من هذه الأشياء, مثل الفلتر.

لأن مكان البوري في منطقة مفتوحة بنسبة 55% واكيد راح يتضرر, انا شفت الكراون فكتوريا البوري حقها جاي ورى الصدام وفتحات البوري إلي يطلع منها الصوت مقلوبة من جهة السائق يعني انسى يدخل شيء او ماء او تراب.

والله فكره :d

لكن اكيد راح يتقطع من العج

**mmm800** · 19-10-2010, 10:08 PM

يااخوان والله ماعرفت افك الشبك قلت الحين بجيب العيد عطونا طريقة ثانية ..:(

**Accord F15** · 20-10-2010, 03:22 AM

فك الكلبسات اللي فوق الشبك واسحب الشبك بعدين

**اكوررررد2009** · 25-10-2010, 01:57 AM

كيف انظف البوري

طريقه تنظيفه كيف

**أكورد ذهبي** · 29-10-2010, 11:13 PM

شباب أنا فكيت البوري وكمان غسلته ورجعته وبرضوا مزكم ...
فكم سعر البوري فالوكالة وهل ينباع واحد ولا يلزم الإثنين...

**أبو دلع** · 30-10-2010, 09:38 AM

أنا شريت اللي على اليسار جهة السائق (عالي )

اخذته من النعماني اللي بالصناعية القديمة ب90 ريال أصلي وكالة

**ن ع ر السعودية 0005** · 30-10-2010, 06:26 PM

المشاركة الأصلية كتبت بواسطة أكورد ذهبي

شباب أنا فكيت البوري وكمان غسلته ورجعته وبرضوا مزكم ...
فكم سعر البوري فالوكالة وهل ينباع واحد ولا يلزم الإثنين...

أنا زيك :d
سعر البوري الواحد بــ 150 ريال والأثنين بــ 300 ريال وتقدر تأخذ واحد ولا الأثنين جميع عادي وأنا أشوف تأخذ واحد مكان الخربان فقط ليش تأخذ الأثنين أنت تأكد أيهم الخربان إلي يمين ولا إلي يسار وطريقة التأكد حط منديل واحد على البوري اليمين وجرب إذا ضرب أعرف أنه سليم وإذا لا أشتر جديد وبدله مكانه فقط .

**الـمـسـافـر** · 30-10-2010, 10:31 PM

اللي سيارته ع الضمان يروح ينشب لهم يغيرونه له مجانا

**Hammoudi** · 30-10-2010, 11:26 PM

ركب بوري أصلي بــ 90 من النعماني

**المباشر** · 30-10-2010, 11:32 PM

ودائمآ اللي يخرب جهه اليمين

**mmm800** · 01-11-2010, 10:56 PM

اشتريت بوري فورد فرنسي بـ 80 ريال الاثنين مع التركيب وغيرته والان تمام ..

**Accord_2005** · 03-11-2010, 10:23 PM

هلا فيك يالغالي

إذا كنت بتنظف فهو افضل لك واذا كنت بتغير فخذ لك اصلي تبي الرخيص خذ لك من التشليح

ولكن انتبه تاخذ التقليد مثل يلي عند محلات الزينة لانه يوم بيجي يركبه لك بيجرح الاسلاك وجرس الانذار حق

السيارة بيفصل لانه بيجرح الاسلاك ما بيشبك السلك من المأخذ يلي بالسيارة المهم لا تاخذ التقليد خذ اصلي

وريح راسك افضل لك وافضل لكهربة السيارة و عشان الضمان لا يروح عليك لأانه اي لعب في الكهرباء الضمان يروح

وسلامتك ،،،

**ع البال** · 02-12-2010, 01:26 PM

انا تعبت مع البوري

اربع مرات اغيره

واخيرا رحت حق الكهربائي حقنا وركب لي بوري فورد 2000 والصوت اعلى واحلى

وبدون تجريح ركب الفياش مادري من وين جابهم وزي الحلاوه