نتعه خفيفه وتولع لمبة المكينه

**tha power 220** · 04-12-2010, 06:49 PM

السلام عليكم ورحمة الله وبركاته
كل عام وانتم بخير شباب

عندي مشكلة بكهرب السيارة
لما اكون ماشي تطفي اجزاء من الثانية وترجع تشتغل
وبعد هالحركة تولع لمبة المكينة
تحس السيارة ينقطع عنها الكهرب ويطفى كل شئ

وديتها للوكالة المنحطة الحقيرة فالجبيل مالقوا شئ لان اللمبة طافية
و دفعوني 160 ع الفاضي بعد

وقالوا اذا تكررت تغير كمبيوتر كامل بـ4000 ( حقرة بقرة > ع النية شغالين)
وبعدها ولعت معي بالليل ووديتها ورشة فحص بالكمبيوتر
طلعوا لي هالتقرير
Fault code: 135-01
Fault code Description: ECM/PCM Intrnal Circit Malfunction
(Power Control Circuit)
وقال لي المهندس يمكن يكون حساسات ويمكن يكون إلتماس وممكن يكون الكمبيوتر !!
خلها عندنا وبنشوف فين الخلل ونخبرك
وانا بطبعي احب اعرف الخلل واشوف بعيوني < لقافة
وأنا حاسس انهم بيستغلوني وغامضين وان المشكلة بسيطة

طيب
كيف اعرف تأثير الحساسات المحسوس على السيارة , واش يثبتلي ان الكمبيوتر خربان ؟!!

شباب أسعفوني يالحل تكفون !!

**احمد 182** · 04-12-2010, 06:56 PM

يالغالي الوكاله تبي تسرقك بأي شكل من الاشكال مع احترامي مشكلتك يالغالي من اصابع البطاريه اربطها زين بالبطاريه بحيث ماتكون مرتخيه ونظفها اذا تحتاج تنظيف وشدها زين بالبطاريه وانتهت المشكله بأذن الله...

**هذا أنا .....!** · 08-12-2010, 12:37 AM

اخوي كنت اعاني من هالمشكلة

الوكالة قالو كمبيوتر وقيمته مثل ماقلت غااااااااااااالي ناااااااااااااار

بس جيت عند واحد متعامل معاه بالرياض

ماشافها ولا فتح الكبوت حتى

قال غير فيوز وماتحصله غير بالوكالة

والفيوز اسود 50 امبير للبطارية

وغيرته والحمد لله من احسن مايكون

وكانت اكثر شي اذا كان المكيف والسيدي والانوار شغالة وشغلت النور العالي ينقطع الكهرب لمدة ثانية الى ثلاث ثواني

وجرب وماراح تخسر حاجة كلها 45 ريال قيمة الفيوز

**كوكو2009** · 08-12-2010, 02:10 AM

نفس الكلام حصل لى من فتره ... لما ركبت العالى زنن ... لما اشغل العالى تنطفي السياره وتشتغل لمب المكينه ولاريباق ...
وجلست فتره على هالحال ..بعدين رجعت طبيعي