رد مع اقتباسيا جماعة الخير ... حد يطمني أو يقول لي شيء بسيط ، لأني و الله بموت بسكتة قلبية من هذه المشكلة
السلام عليكم ورحمة الله وبركاته
مرحباً فيكم ، أخواني مُلاّك هوندا أكورد ... أتمنى بأن تكون بألف خير وعافية
مشكلتي بارك الله فيكم ، و أبعدكم و سيارتكم عنها إن شاء الله هي ..
إني يوم من الأيام مريت محطة بمنطقة توني ناقل لها بالرياض ، و يوم غيرت الزيت و الفلتر و كل شيء ، طلع الرجال شق لي لي فلتر الهواء المهم قلت ماهي مشكلة هو كان مشقوق من فترة كما يبدو لأني توني شاري السيارة من النسيم ، و السيارة على حسب كلام صاحبها آخذها من سنة وكالة المهم ... قمت آخذت لصقة أبو 10 ريال الكبيرة و لصقة القطع البسيط على بال ما أرجع من السفر من الديرة و أصلحها بالوكالة ..
المهم يوم أنتهى كل شيء و أجي أشغل السيارة تشتغل تمام نقرة ، ولكن المشكلة بعد ما تحمّي
تقوم تدوس من نفسها بنزين ... زي الا معه دتسن و يبي يحميه عشان يلحق الدوام
دعسات خفيفة و متلاحقة حيث يكون أمبير ضغط المكينة واقف على واحد و يرتفع إلى " إثنين "
المهم عطيت السيارة لواحد من أخوياي في البيت و قلت له شوف المشكلة وو دها الصناعية أو الوكالة ...
فبغيت الحين أعرف شنو هي المشكلة بالضبط عشان أقدر أحلها ، و هل لازم أوديها الوكالة أم الصناعية
وهل تعرفون مكان محدد في الصناعية
أو أقرب وكالة من المزاحمية بالنسبة لي ؟!ّ!
يا جماعة الخير ... حد يطمني أو يقول لي شيء بسيط ، لأني و الله بموت بسكتة قلبية من هذه المشكلة
وعليكم السلام ورحمه الله وبركاته
يا هلا فيك أخوي معنى
مشكلتك بسيطة ومرت علي وهي أنه منظم الهواء عندك يبغاله تنظيف ويسمونه الثروتل وسببه هذا الخرطوش أو لي المنقطع جمع الأوساخ في الثروتل وطلعت عندك هذي المشكلة وحلها بسيط أول شيء تشتري الخرطوش أو الي الهواء من الوكالة وسعره 149 ريال ومع الخصم 140 ريال <<< مشتريه أنا بتاريخ 28/3/2009 . شوف كم سعره الحين بالوكالة ممكن أرتفع وممكن نزل الله أعلم . وتركيبه سهل أنا ركبته بالبيت يأخذ 14 دقيقة تقريبا فك وركب فقط أما تنظيف الثروتل شوف أحد الورش ينظفة وسعر تنظيفة ممكن 40 ريال أو 50 ريال على حسب سعر الورشة إلي تبي تروحل له . وسلامك وأي إستفسار حاضرين .
مشكور أخوي ... على المساعدة ، ولكن هل تعرف ورشة فيها الخيرة و مختصة بالأكوردات أو الهوندات في الصناعية الثانية ؟
بالظبط نفس الكلام خويي صارت له نفس المشكله وقام بتنظيف منظق الهواء بنفسه اشترى بخاخ ونظفه ما كلفته المشكله غير 15 ريال قيمة المنظيف
سلام عليكم
أخووي شف غير فلتر يمكن تنحل ان شاء الله مشكلتك اذا مانفع معك رح لصناااعيه يالغالي
ان شاء الله اكوون افدك
أخووك..
المشاركة الأصلية كتبت بواسطة ac05
والله ما عندي علم عن الورش بالرياض لكن الشباب يمدحون ورشة رقم 20 بصناعية أم الحمام
اوك أخوي ....
بس استفساري لو وديتها الوكالة كم ظنكم بيأخذوا عليّ
لأن السيارة جديدة و الله جديدة مالها إلا سنة من يوم شراها صاحبها من الوكالة و أنا المالك الثاني لها
و ناوي أستخدمها فترة طويلة ، دامها جديدة
ممكن حد يرد عليّ لو سمحتوا
اذا دخلتها الوكالة اطلب منهم تسعيرة قبل التصليح واذا مناسبة توكل على الله واذا غالية صلح المهم في الوكالة والباقي في ورشة مضبوطه
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
طيب أخوي بحسب رأيك و خبرتك بهذا المجال كم بيأخذوا علي
و متى أوديها للوكالة
و هل توجد وكالة بجنوب الرياض
بالشفا ، الخرج ، البديعة ، العريجة ، السويدي !؟
الصباح ما يمديني لأني بكون مداوم
اخوي انا صارت لي مرتين والمشكلة طلعت من ان الخرطوش مفكوك من اليمنية اللي يغيرون زيت تلقاه
يحط الهواء جهت الخرطوش وانفك فـ مشكلتك بسيط ركب الخرطوش وما يصير إلا كل خير
انا صارت لي مرتين ونفس الحالة ما عرفت وش المشكلة إلا لما ركبته بنفسي
والحمد لله رجعت مثل اول واي خدمة انا حاضر
طيب أخوي من وين أشتري الخرطوش ... أقرب وكيل لهوندا جنوب الرياض وين ؟
يا اخوي ما يحتاج تشتري خرطوش هو مفكوك اللحين ركبه بس
بس الغريب يا خوي هو إذا شغلت المكيف المشكلة تروح يرجع ضغط الهواء عادي !!
المهم أنا راجع الرياض الليلة ، و بشيك على المشكلة و إن شاء الله لو طلع مفصول اللي برجع أركبه و ترجع السيارة مثل أول
ضوابط المشاركة
مواقع النشر (المفضلة)