اكووووورد

**1122** · 12-01-2011, 02:04 PM

السلام عليكم

شباب انا فاك اللوحه الاماميه عشان سااهر قروشني

جهزولي عذر اقوله اذا مسكتني دوريه ولا شي بنتظااركم..

وش عليها فك اللوحه الاماميه لاحد يألف من راسه ابي الصدق ..

تحياتي..

**MA6ANSH** · 12-01-2011, 02:11 PM

صدقني من اللحين اقولك مايقبل اي عذر كان,

جزائها توقيف لايقل عن 72 ساعه و حجز السياره 15 يوم !!!!!!!

**هاااوي الاكورد** · 12-01-2011, 02:35 PM

^^^^^

**مجنونك يا اكورد** · 12-01-2011, 02:50 PM

شيل اللوحه وحطها بالبيت وقلهم اللوحة الامامية انسرقت وخله يعطيك ورقة بلاغ

**Silver Aurion** · 12-01-2011, 02:52 PM

عذر !!

تتوقع لو قلت لهم كل الاعذار بيصدقوك ؟ لا والله الحجز ينادي و فوقها قسيمة

اعقلها و توكل ~

**accord7** · 12-01-2011, 03:18 PM

اقول ركب اللوحه وخلك نظامي احسسن لك

ترى حياتك غاليه

قبل لا تتهور وتسرع تذكر امك وابوك

الله يحفظكم من كل شر

**غاب القمر** · 12-01-2011, 03:34 PM

بقولك حاجه انا ماني من مؤيدين ساهر ولا بطريقة تطبيقه لان هدفه الاساسي مادي بحت ..

بس الصراحه خلاني بالغصب امشي واحترم النظام اذكر زمان كنت مجنون سرعه وكم مره بغيت اجيب العيد على 180-190 والكفرات منتهيه عندي بعد !!! مدري وين كان عقلي وقتها

الحين بالكثير وسط المدينة 120 ماتعداها على حسب السرعه المحدده وماسك المسار الاوسط ومريح بالي .. اول كنت الخطوط السريعه مانزل عن 140-160 وتجاوز من الخط الاصفر وتشطيف بالعالم الحين الحمدلله بالاغلب امشي 100 تحت السرعه المحدده بعد

الخلاصه انا جربت اسرع ورحت الديرة ماينزل عن 200 العداد قبل كم سنه

ابغى اختصر الوقت .. اذا ماشي عادي اوصلها خلال ساعتين ونص .. ويوم اسرعت من يوم وانا طالع من جدة وانا طول الطريق وملحم بالسيارات وكاشح العالي بالاخير وفرت 20 دقيقه .. والله ماتسوى تروح حياتك عشانها

وكل واحد عقله براسه يعرف خلاصه

**المباشر** · 12-01-2011, 08:02 PM

دام ماعندك الورقة اللي من المرور بالسماح بالقيادة بلوحة وحدة انسى الموضوع ومثل ماقال لك الشباب الحجز ينادي

الورقة حتى لو عندك يقولك صور اللوحة وغلفها وحطها قدام << صارت لي يوم تاخرت اللوحة الطويله

يارجال خلك نظامي وافتك من القروشة ركب اللوحة وامش على النظام احسن من الحجز والغرامة << يعني ساهر يصكك غرامة احسن من الثنتين

**بلال العلمي** · 13-01-2011, 12:04 AM

انا صورني اللي في طريق المدينة بدون سبب والمشكلة اني ماشي خمسين وصورني وانا لحالي في الشارع وماني محدث بياناتي علشان ما تتدهور حالتي النفسية

نظام ساهر سيء سيء في تطبيقه قبل 3 ايام اذا احد منكم مر طريق العليا 4 سيارات صادمين في تقاطع طريق العليا مع موسى بن نصير وكله بسبب ان الاشارة خضرا ثم بثواني اصفر احمر وكل اللي في الصفوف الامامية يضربون فرامل باقوى ما عندهم والضحية اللي في الخلف

والمشكلة ان اللي قدام كان راعي بورش لما صدموه من ورى تعدى الخط واعطوه صورة

نصيحة دور لك تجارة تصير ارباحها لساهر وعيش بسلام مع راتبك

**ع ب و 777** · 13-01-2011, 04:17 PM

طلع لك بلاغ وخل اللوحة بالبيت وريح راسك... وبعد 15 يوم تجيك اللوحة الجديدة :d

لكن انا يوم امطرت عندنا ... شغلت الموتر ودوران بالشوارع وآمشي خلف السيارات الي تمشي فوق 80 ... والحين لوحتي مو واضحه من غبار المطر ووساخة الشوارع

ولا انك تشق الي ورا اللوحة واذا اسرعت ترجع اللوحة ورآ ...

ولا ركب صاجة لعاب الي يركبونها اصاحب الهايلوكسات باللوحة الخلفية ...تلقاها عند محلات الزينة ..تلزق اللوحة عليها وارفع الصاجة فوق وتكون اللوحة مقلوبة ..:d

ولا ان تكون لوحتك الي قدام طويلة وتركب برقع سفر باللوجهية وماتبين اللوحة لانها طويله والي بالبرقع مصممه لـ اللوحات العادية

والرادار 12 باوند ينآآآآدي ...

بالتوفيييييييييييييق للجميع

**K H A @ L I D** · 13-01-2011, 08:34 PM

والله كل واحد عندو طريقه انا عن نفسي ما اتعدى 80 في خط الملك

اما الستين 160 ههه

حاط لوحه على الجنب زي لانسر

**.: AFAQ :.** · 13-01-2011, 10:12 PM

لا تسرع و إنتهينا

**م ج رد حلم** · 13-01-2011, 10:41 PM

امشي عدل يحتاار عدوك فييك

**ب ر ق 4872** · 13-01-2011, 11:07 PM

1000 ريال غرامة

**الوهم الاخير** · 13-01-2011, 11:48 PM

خلي اللوحه مكانها ولاتفكها

**المباشر** · 14-01-2011, 08:22 AM

المشاركة الأصلية كتبت بواسطة غـــلـــوز

ولا ان تكون لوحتك الي قدام طويلة وتركب برقع سفر باللوجهية وماتبين اللوحة لانها طويله والي بالبرقع مصممه لـ اللوحات العادية

حتى البرقع اذا يخفي اللوحة عليه مخالفة والحين في تشديد على اللي ماعنده لوحة امامية صار معروف انه يتهرب من ساهر حتى لو العذر شي ثاني

انا عندي البرقع الاصلي ومرة طفشت مابي اركب اللوحة لاني طالع مشوار واذا رجعت بركبها وجيت نقطة تفتيش اشغلوني وقتها لين ركبت اللوحة عندهم ومشيت