سؤال عن وكالة هوندا في الأحمدي (الكويت)

**mad about kind** · 15-01-2011, 04:12 PM

مساء الخير على الشباب

الله لا يهينكم بس بغيت اعرف اذا احد جرب صيانة السيارة في وكالة هوندا فرع الأحمدي.

يعني ودي اعرف وش الأحسن وكالة الأحمدي والا عبدالله هاشم الي في الدمام؟؟

يا أخوان احس ان وكالة هوندا الدمام يلعبون علينا يعني اذا عندك مشكلة في السيارة ما يصلحها نهائيا لا... تطلعها من عندهم تمام وبعد كم يوم يصير فيها شيء ونفس المشكلة...

انا صار علي حادث - الله يبعدكم عن الحوادث - في الصدام الامامي... ومنظم الهواء الي يجي تحت الصدام طاح وانكسر. وشريت جديد من عند الوكالة وركبوه نفس الوكالة بعد.

اول ماطلعت السيارة كان كل شيء تمام وبعدها بكم يوم حسيت فيها رجة اذا مسكت خط والرجة تجي من 100 الى 130 وبعدها تختفي. رجعت الى الوكالة قالي المهندس من الكفرات مع ان الكفرات الي مركبها هانكوك ولها شهرين فقط. يقولي لازم تغيرها ماهي اصليه وركب ميشلان احسن. والحين لها ثلاث شهور ولا سويت فيها شيء. ونفس الرجة...!!

وبحكم اني من سكان الخفجي فماني ضارب مشوار الى الدمام ودي اعرف من الي مجرب وكالة الأحمدي ويفيدني يمكن احصل حل لمشكة الرجة.

والله يوفقكم ولكم جزيل الشكر..

**SaironX** · 23-01-2011, 01:30 PM

اسف على التأخير اخوي
انا كله اروح وكالة هوندا الأحمدي , ممتاز شغلهم ويعطون خصم حلو
والشغل قدامك على شان تتأكد انهم يبدلون ويفحصون
ما صادفتني مشكله من يوم طلعت الهوندا والحمدلله

+ انا صارلي حادث من سنه ونص , وانعدمت السياره من قدام
وكانت السياره عليها تأمين شامل , ووديتها وكالة هوندا الأحمدي
وبعد اسبوعين طلعتها كـ أنها جديده ماشاء الله
ولي يومك هذا الحمدلله كأنها جديده مافيها مشاكل

**mad about kind** · 23-01-2011, 02:02 PM

أقول يالبى قلبك اخوي SaironX وبيض الله وجهك.

**بوحفص** · 23-10-2011, 07:55 PM

يمسيكم بالخير

كيف أرتب تشييك كامل بفرع الأحمدي

أفيدوني يا جماعة الخير

**M_abdallah** · 23-10-2011, 08:08 PM

بسم الله الرحمن الرحيم

اخوى انا بحثت على الانترنت وحصلت ها الارقام انت تتصل وتحدد الموعد تاريخ ووقت
الشويخ للاتصال: 24838470/1/2/3
الأحمدى للاتصال: 23981436/8/9
الشويخ للاتصال: 24814340 - 34838470

وهذا هو الموقع
هاتف وعنوان خدمة السيارات هوندا بالكويت في الشويخ و الاحمدي و الشويخ

واتمنى ان اكون افادتك