لاتصدق كل ما تقرا

**amz** · 17-01-2011, 12:33 AM

كيفكم ياشباب بصراحه لما قريت موظوع ابو الامجاد استغربت ان الكزس قطعها ارخص من الاكورد وعلى طول رحت منتدى تويوتا العربيه وشفت اسعار قطع لكزسis الصغيره الي تقول سفيك والله اني تعجبت من اسعار القطع الي يقول مغير اربع مساعدات ب12 الف والي يقول الحساس الي في الصدام ب450 والشمعه ب4500 من غير الزنون والكبوت ب2500 والجنط ب1800 والاقمشه الاماميه ب500 او 400 وابو الامجاد يقول قطع هوندا اغلا ولقيته منزل نفس الموظوع في منتدى تويوتا ووالله فيه ناس كثير يشتكو من السياره موبس الي عندهم هوندا الله يخلي الاكورد صراحه قطعها مقبوله زي الشمعه حقت 2010 ب700 والكبوت ب1000 والاقمشه ب255 صح في قطع غاليه بس مو زي الكزس الي الناس يروحو البحرين والامارات عشان القطع هناك ارخص واذا على الناس كل واحد بيمدح الي عنده الي معه اكورد يقول ليتني شريت لكزس والي معه لكزس يقول ليتني شريت bmw والبني ادم مايملا عينه االا التراب

**غاب القمر** · 17-01-2011, 12:35 AM

الحمدلله مقتنع بسيارتي لو يقولون فيها كل خرابات الدنيا

واذا ربنا احيانا تمشيني ان شاء الله لـ 5 سنوات قدام بعد

**dream accord** · 17-01-2011, 12:52 AM

الحمدلله مقتنع بسيارتي لو يقولون فيها كل خرابات الدنيا

واذا ربنا احيانا تمشيني ان شاء الله لـ 5 سنوات قدام بعد

صــــــــــــــــــــــــــــــح لســــــــــــــــــــــــــــانك

**majood AL-azwari** · 17-01-2011, 12:56 AM

شي طبيعي ومعروف عند الكل الكزس قطعها نار

يا حبي للاكورد

**EBrA** · 17-01-2011, 01:39 AM

ياخوي المشكله مو بالسعر المشكله
ان الوكاله كل يوم ترفع السعر بدون اي سبب

**SWAT** · 17-01-2011, 02:57 AM

والله من حمايه المستهلك عندنا ياغافل لك الله
الشباب ماودهم الحين ب مقارنه بين الاكورد و...........
نفتك من الاوريون ندخل في الكزس والحين مادرى وش راح نشوف
ننتظر موضوع يتناقشون فيه

**kakashi-san** · 17-01-2011, 03:52 AM

السلام عليكم ..

اسعار قطع غيار اللكزس is اغلى من قطع غيار اللكزس ES

وفعلاً في السعوديه اسعار قطع الغيار للكزس غاليه ..

انا سالت عن اصطب للسياره من دون الزينون وقال لي بعد الخصم ب ٣٩٣٠ ريال ..

وسعرها في موقع امازون ب ٧٠٠ ريال تقريباً < شوف الفرق ..

وفي البحرين والامارات السعر تقريباً مقارب لسعر امازون ..

يعني اللي ياخذ لكزس .. لا ياخذ قطع الغيار الا من البحرين او الامارات ويسوي الصيانه في ورشه محترمه وانتهينا ..

**برق** · 17-01-2011, 04:43 AM

يعطيك العافية اخوي على حرصك و الف شكر

ولكن أتوقع هناك سوء فهم عند الأخ / أبو الأمجاد أتوقع أنه جايب سعر باب الأكورد كامل

و سعر باب الكزس الخارجي فقط أما بالنسبة لباقي القطع صحيحة و الرجال شكلة إستعجل

بموضوعه و أذكر إني سالت قبل فترة عن باب الأكورد الأيمن خارجي بدون حشوة 610 ريال و كامل
يمكن 1500 ريال إذا ماخاب ظني و الرفرف ب 555 ريال و الصدام فوق ال 500 ريال و كان وقت إرتفاع

أسعار هوندا بشكل عام .

على كل حال شكرآ لك و ننتظر أخونا أبو الأمجاد لنتأكد أكثر .

**محتآآر** · 17-01-2011, 04:53 AM

amz

حبيبي انت اختصرت علي شي كثير بكلمة لاتصدق ماتقرا

لان مو من المعقول قطع غيار الاكورد اغلى من اللكزس !!

الف شكر لك ياغالي واهم شي اني مقتنع بسيارتي ^^

**متى اشوفك** · 17-01-2011, 01:42 PM

قسم انت مية مية :d

<< ينتظر أبو الامجاد

**القايله** · 17-01-2011, 01:53 PM

كلام سليم

لان اخونا حكم على السياره من 3 قطع فقط

حتى لما نزلت له جدول الصيانه ما اقتنع

قام يقول كلام هو والشاطح الي معه غير مبرر

**The Black Accord** · 17-01-2011, 04:04 PM

ياشباب ريحو روسكم من الآخر الموضوع باين أن الرجال بيسوي دعايه لعبداللطيف جميل وللكزس ويبغا يكرهكم في سياراتكم ويجيبكم زباين له

**Silver Aurion** · 17-01-2011, 06:11 PM

اخوي كان من الاجدر انك تشوف قسم اللكزس es وليس قسم is لان كلام ابو الامجاد عن فئة es

و ايضا حاب اصحح لك ان المساعدات ليست 12 الف للاربعه بل سعره حول 750 ريال للمساعد الواحد

و قطع اللكزس is في بعضها اغلى من فئة اكبر منها اللي هي es

**احمد 182** · 17-01-2011, 09:00 PM

ياجماعة الخير اذكرو الله انا اشوف ان الموضوع ماله داعي لان كل شخص قبل لايشتري الهوندا اكيد انه سمع ان قطعها غاليه وانتهى الموضوع .....

**::Accord-V6::** · 17-01-2011, 09:02 PM

هــذا جــدال مـالـه فــااائـده

تـحسب اولاد اعـمارهم مـا بيــن 13 و 15 سنـة بـيتخـاصـموا عـلى الـعاب psp

**دمي اززززرق** · 17-01-2011, 10:29 PM

ياخووي يقول المثل :

اكورد مزيون ولا رنج مديون .... القنااعة كنز لايفنى ..

**amz** · 17-01-2011, 11:09 PM

كيفكم ياشباب انا والله ماودي اسوي مشاكل لكن حبيت اشوف الكلام صدق اولا واشكركم على الردود واخص silver على ردوده المتزنه وتعاونه وسعر المساعدات انا قاريه في منتدى لكزس وكل الاسعار من نفس المنتدى والمفروض اني اشوف اسعار الفئه الي هو كاتبها

**wajeeh704** · 18-01-2011, 02:43 AM

المشاركة الأصلية كتبت بواسطة ::Accord-V6::

هــذا جــدال مـالـه فــااائـده

تـحسب اولاد اعـمارهم مـا بيــن 13 و 15 سنـة بـيتخـاصـموا عـلى الـعاب psp

+ 1

وطريقة كلامكم فيها اتهام لاخونا ابو الامجاد
بغض النظر اذا كان صادق او اذا كان كلامه فيه من الغلط
كلنا بشر

ومحد فينا ملاك كامل :d

**::Accord-V6::** · 18-01-2011, 03:30 PM

المشاركة الأصلية كتبت بواسطة wajeeh704

+ 1

وطريقة كلامكم فيها اتهام لاخونا ابو الامجاد
بغض النظر اذا كان صادق او اذا كان كلامه فيه من الغلط
كلنا بشر

ومحد فينا ملاك كامل :d

2 +

و الأخ ابو المجاد ماهو بـمجرم علـشان تـتهمـوه بـقتل مـوزع قـطع الغيـار :d

**هاااوي الاكورد** · 18-01-2011, 03:33 PM

المشاركة الأصلية كتبت بواسطة دمي اززززرق

ياخووي يقول المثل :

اكورد مزيون ولا رنج مديون .... القنااعة كنز لايفنى ..

يشيخ انت اكوس واحد

يا شباب والله سعر الاكور دجن معقول انا امس كنت في الصناعيه القديمه
ودخلت النهدي حق تيوتا عشان خويه معه كورلا 2009 وخربان الرمان طبعن اشترينا رمان اصلي يجي مع الفلنجا 490 ريال وطلعت من عنده ودخلت النعيمي حق هوندا وسالت عن رمان الاكورد نفس الشي يجي مع الفيعنلنجا حصلت سعره 540 ريال يعني الفرق بين قطعنا وقطع الكورلا شي لا يذكر

يعني يا شباب ريحو روسكم

**pentium700** · 18-01-2011, 03:39 PM

أتوقع أن أبو الأمجاد جاسوس لتايوتا وذي ماقالو الشباب بيسوي أعلان لهم ويكرهنا في الأكورد :d

**احبك يالاكورد** · 18-01-2011, 03:59 PM

المشكلة انه قارن في 3 قطع فقققط وقال سعر قطع اللكزس ارخص وييين وش ذا التفكير

**BЯộǾK ❤** · 18-01-2011, 05:27 PM

الله بهديكم خليتوه جاسوس وعميل هههههههههههههه الله يعينك بيداهمونك والا بيسوون فيك زي ابن علي يا ابو الامجاد ههههههه

لا تسثرت دبرت ... فكونا من المقارنات :d

**::Accord-V6::** · 18-01-2011, 11:45 PM

ابو الامجاد قارن القطع الي هو كان محتاجها بالذات

هو ما قال انه بيقارن علشانكم عشان تعرفوا وكيل هوندا نصاب و وكيل تايوتا جباار سعر القطعة عنده بريالين

هو اوضح فقط انه في بعض القطع الي هي ارخص من قطع هوندا ....

و هو كيف صار جاسوس لتايوتا رحت سالت عنه عند عبداللطيف جميل ولا ؟؟؟