وش أفضل لون على الأكورد ؟ سآعدوني يآعيآل محتآر

**Accord Bin Jehad** · 17-01-2011, 09:59 AM

.

آلسلام عليكم ورحمة الله وبركاته ،
أخيراً ولله الحمد سبحانه القادر على كل شيء .. الوآلد بيطلع لي أكورد 2011 فول 4 سلندر .

وما باقي شيء على الإجراءات إلا لون السيآرة بس . وآعطاني الوالد مُهلة إلى بعد الإختبآرآت ، يعني في عطلة مابعد الإختبآرآت بتطلع ، يعني بفلهآ فلل :o < لا يكثر بس :p

المهم شبآب آنآ شفت أكثر من لون وأعجبوني بكل صراحة ، عاد قلت بشوف رأيكم فيهم :

| أول لون : الأبيض اللؤلؤي ( ظلل ) > حسيت كل سيآرآت البيت بنفس اللون أستبعدته شويّه لاني مليت من السيارات الي بهذا اللون =(

| الأحمر العنابي > هذا اللون الي عاجبني أكثر واحد

وش رايكم فيه ؟

| الأسود > ملكي و وحش لكن مع طقسنآ في الحر !!

ويعطيكم العافية ، وآسف على الإطـــاله

**طيب على شآني** · 17-01-2011, 10:25 AM

مبروك عليك / الله يعطيك خيرهآ ويكفيك شرهآ ..
المتعآرف اللؤلؤي رآح يريحك من نآحية الغسيل بعكس اللون الغآمق سوآئاً أسود او عنـآبيُ < رآح تتعبك في الغسيل ..
وانا من نآحيتي أفضل اللؤلؤي صرآحه لون قويُ ورزّه

وانت لك حرية الأختيآرِ ..

**افالون 2012** · 17-01-2011, 10:27 AM

الابيض اللولوي شي

**زهق** · 17-01-2011, 11:08 AM

اللؤلؤي رهيييب

وبعد يجي العنابي

**نور الدرب** · 17-01-2011, 01:48 PM

نصيحه لوجه الله

ابعد عن الاسود مثل فرارك من النار

نصيحه مجرب

**اكورد مودي** · 17-01-2011, 02:01 PM

ليش ما تاخذ اللون الجديد الي هو البني والله ترى خطيييييير على السيارة
والله يباركلك فيها

**A7MAD11** · 17-01-2011, 06:52 PM

انا عن نفسي باخذ العودي بس خذ اي لون انت مقتنع فيه حتي لو كل الناس قالو لكل مو حلو لانه لو سمعت

كلامهم واخذت اللون يلي عاجبهم بعد فترة بتقول ياليتي اخذت هاللون عشان كذا وكذا لانه من الاساس مو

عاجبك وفي النهايه انا اشوف كل الوان اكورد ماشاء الله حلوة ولايقه عليها

**عبـدالعزيز** · 17-01-2011, 06:59 PM

عن نفسي بعطيك خيارين

اللون : الؤلؤي لأنه ملكي عليها

و

اللون : البني جديد و خيالي الصراحه

و مبروك يالغالي على السياره مقدما

**جاكي2** · 17-01-2011, 07:29 PM

أنصحك باللون الؤلؤي
أريح في الغسيل والسيارة دايما نظيفة حتى لو شهر ما غسلتها بس ما يكون في مطر
وترا في البيع بعد عمر طويل يفرق اللون الؤلؤي عن باقي الالوان ب 2000 الى 3000 لمجرد اللون فقط

وتراني مجرب الالوان الغامقة بصراحة ماراح تتهنا بالغسيل غير يوم أو يومين ويجيك الغبار الخفيف على البودي حتى لو ما فيه غبار في ذاك اليوم

وانت صاحب القرار الاول والاخير

ومبروك السيارة مقدماااا

**The Golden Accord** · 18-01-2011, 12:07 AM

يآغـآلي اللؤلؤي ممتاز جدا وجميل لكن ماشاءالله منتشر مره

العنآبي كنق

لكن في اللون الجديد البنـي واعتبره مميز لانه من جد خوقـآق

وشوف الصور مآشآءالله من موضوع الاخ AhMaD-aS

مآشآءالله تبارك الله

تقرير عن أكورد 2011 v4 فل بشاشة (( صور ))

والله لون ماشاءالله مميز وجديد

والراي الاول والاخير لك انت

والف مبروك السياره مقدما

**Silver Aurion** · 18-01-2011, 12:16 AM

يا حبيبي اتوكل على الله و خذ اللون اللي يريحك

لان اللون مسأله اذواق و مستحيل تحصل الكل يرسى على لون واحد لازم تحصل اراء

و بالذات في سالفة اللون لأنك انت اللي راح تمتلك السيارة

و اذا تبي رأي صراحه

اللون البني الجديد افضله على الاسود و العودي لانه لون جديد و مميز بصفه عامة

موفق

**خبےل الله يستےر** · 18-01-2011, 01:35 PM

بصراحه اللون اللؤلؤي حلو ورزه وكشخه <<< خلاص فهمنا :p
ومن ناحية الغسيل مايتعبك اسال مجرب مع بس تبي الصراحه اللون الجديد خقق

اذا تبي نصيحتي وخذت اي لون لاتغسل كثير ولاتلحس الكفرات ترى الهنادي عموما ملفته للانظار بأي لون حتى لو كان اخضر << اما اخضر كثر منها :d
اكيد فاهمني ياكويس ترى العين حق وانا من هالناحيه مجربها الله يعين بس

ومبروك السياره مقدما والله يعطيك خيرها ويكفيك شرها

**ACCORDEA** · 19-01-2011, 11:34 AM

دم غزال او لؤلؤي او بني لا ترووح بعيد

و الافضل لؤلؤي ما جاز لك البني ملك ..

انتتتتتتتتتتبه من الاسوود !!

و بالتووفيق و الله يعطيك خيرها و يكفيك شرها

**BUFFON32** · 19-01-2011, 11:53 AM

شوف اذا ماتبي اللؤلؤي

خذ العودي وانت مغمض

**احبك يالاكورد** · 19-01-2011, 11:58 AM

لؤلؤي والله حلوو وافضل الالوان ع الاكورد وزينته منظر رووعة مايوضح عليه الوصخ مايجذب الشمس عكس الالوان الغامقة

اذا ماكنت تبي اللؤلؤي وتبي تتميز خذ البني روووعة وثاني افضل الالوان من وجهة نظري

بالتوفيق لك