اليوم انواع الزحلقه في الخط

**هـآوي** · 18-01-2011, 10:12 PM

السلام عليكم ورحمه الله وبركاته
تهنـآكم الرحمه بالامطـآر والجو الروعه
اليوم وانا جاي من الاحساء والجو امطار ووناسه واخوكم ماشي 140 وبقدره قادر
ما ادري الا والسياره تزحف ع اليمين والله اني ماسك الجوال واكلم خويي ومن هول الي صار
ضليت ماسك الجوال والسياره تلفلف بي المهم اربع لفات او 5 لفات تقريبا
دخلت بين الخطين وبستر من الله المويه والطين مسكت السياره ما اطلع ع الخط الثاني ولا
كـآن رحت فيهـآ المهم ما بنزل لو مدري وش يكون مطر وبرد كملت وعدلت مساري متجه ع الدمام وانا بالطريق اناظر بالمرايه اشوف الصدام الخلفي يضحك وبرطمه نازل هههههه
ووصلت وانزل لتفقد الاضرار طبعا السياره لونها لؤلؤي صار لونها بني من راسها لاخمص كفراتها
والصدام الخلفي تكسر من جهه الكفر الخلفي ورا السائق ومن عند الشنطه.
وعسى الله لا يوريكم مكروه ويجعلها اكبر المصايب.
احمد الله انه نجاني والله اول مره تصير لي وتوبه
نجي للمفيد فديتكم
دام الصدام الخلفي توفى والامامي يحتضر لو تكرمتم كم سعر الصدام 2011 الامامي والخلفي ودمتم سالمين

**عبـدالعزيز** · 18-01-2011, 10:28 PM

آلحمد لله على السسلآمه

و لو انك قدرت تعدل كان سملت لاكن قدر الله و ما شاء فعل

و الشباب يعلمونك كم الاسعار

**هـآوي** · 18-01-2011, 11:59 PM

الله يسـلمـك عبدالعزيز

**FARES__KSA** · 19-01-2011, 12:40 AM

الحين يبيلك ركعتين + الحمد لله :d
والحمد لله على السلامه

**المباشر** · 19-01-2011, 12:43 AM

الحمدلله على السلامة والاسعار والله ماعندي خبر تحتاج بحث بالنادي او احد يفيدك بس حبيت اتحمد لك بالسلامة

**SWAT** · 19-01-2011, 01:16 AM

الحمدلله ع السلامه
اعتقد الصدام الواحد حدود 600 ريال والرش مادري كم
600+600 + 250 رش 100 تركيب 1550 تقريبا ماني متاكد كم

**shnaidr-2008** · 19-01-2011, 04:41 AM

الحمد لله على سلامتك
بالنسبه للصدام الامامي سعره 900 ريال والخلفي سعره 750 ريال
وتكلفة الرش من ورشه لورشه يتقارب بين 300 الى 1000 على حسب الورشه والقيمه لكل صدام يعني
تكلف الامامي 900+نفترض الرش 500 = 1400 الخلفي 750+500=1250 المجموع 2650
والله يعينك لاكن اذا الصدام ماجاه ما جاه اضرار قويه تقر تصلحه عند حقين الفيبر
تقبل مروري

**EBrA** · 19-01-2011, 05:13 AM

الحمدلله على السلامه
ومره ثانيه لاتكلم وانت مسرع
غير كذا ومطر بعد احمد ربك جت خفيفه

**accord007** · 19-01-2011, 08:37 AM

اقول بس اترك السرعه عنك ترا الخط فيه ساهر الحين هذا اول شي وثاني شي رادارات وثالث شي لاتكلم جوال وانت تسوق والحمدلله على سلامتك

**ابوعليان** · 19-01-2011, 10:18 AM

الحمدلله على السلامه وهذا درس لك ياخي لاتسرع الجو امطار كله موية ومستنقعات تسرع ليش لو انك ضريت احد بالطريق وش بيكون موقفك ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**khalody** · 19-01-2011, 10:28 AM

الحمد لله ع السلامه ما تشوف شر

بالنسبه للصدام ما عندي حلفيه عن اسعارهاا

بس حبيت اتحمد لك بسلامه

**كوبيه 0707** · 19-01-2011, 11:03 AM

الف حمدالله على السلامه هذ انذار من ربك

وبالنسبه للصدام ما انصحك تغيره حاول تسويه اذا الاضرار بسيطه
ماراح يكلفك ممكن حدود 600 الصدامين

وانت وشوفة عينك.......... وبالتوفيق انشالله

**ابو حكيم** · 19-01-2011, 01:13 PM

الحمد لله على السلام و ما تشوف شر

>>>> اجل انوااااع التنطيل هع

**ulv** · 19-01-2011, 02:18 PM

من جد والله حمد لله على سلامتك وطز في السياره
الحمد لله بس الله سترها معااك وبيعوضك خيير انشاء الله
وانت كمان ياخي وقت المطر لاتسرع عاااد 140 مرره كثيير وقت المطر

**عاشق هوندا v6** · 19-01-2011, 02:19 PM

الف حمدالله على السلامه

**M O 7 A L** · 19-01-2011, 02:33 PM

تمطر و ماشي لي 140 !

لا تعليق

**هاااوي الاكورد** · 19-01-2011, 02:36 PM

الحمدالله على السلامة
زين انها وقفت في الطين
والف حمدالله على السلامة

**pentium700** · 19-01-2011, 02:47 PM

الحمد لله علي السلامة
صلي لله شكر وتصدق

**متى اشوفك** · 19-01-2011, 02:55 PM

أمطار والسرعة 140 واكلم جوال ؟

احمد ربك انها جات على كذا ، طلع صدقة فهي دافعة للبلاء

<< ما عنده فكره عن السعر

**KNT a7bk** · 19-01-2011, 03:06 PM

ذكرتني بواحد في الكورنيش والله قبل يومين تقريباً

معاه كامري واحنا نمشي وراه ،، شوي الا نشوف سيارته تاخذ 3 عقد ورا بعض :d

بس ماعليك ثبتها وعداها على خير :d

الله يعينك ع التكلفه :(

**طيب على شآني** · 19-01-2011, 03:18 PM

حمدالله ع السلامه ..
الله يهديك آمطآر الارض كلها مويه يعني ادنى انحراف يوديك في خبر كآن ..
دآيم في الأمطآر الوآحد يسوق بهدآوه ويتمشى على مهله ..
لكن الحمدالله جت على كذآ لآتنسى تشكر ربك وتصلي ركعتين ..
وانشاء الله يفيدونك الشبآب بالأسعآر

**سعد السعودية** · 20-01-2011, 01:23 AM

الحمدلله على السلامه
وبالنسبه للسياره عوافي احمدربك شي اهون من شي
والفلوس تروح وتجي بس الارواح اللي ماتجي..

والله يعوض عليك

**عاشق سيييييفيك** · 20-01-2011, 04:51 AM

الحمد لله على السلامه.

**هـآوي** · 20-01-2011, 06:32 AM

لكل الي رد علي وتحمد لي السلامه الف شكر له والله لا يوريه مكروه
وصراحه ماتوقعت الخط او المسار الي انا فيه بيكون فيه مويه راكده وبصراحه الجوال
هو الي خبصني لكن الحمد لله على قضاءه وقدره والف شكر لك مروركم وتحمدكم لي بالسلامه طيب خاطري وكاني سويت السياره تسلمون على شعوركم الطيب
ونسعى لكم في الافراح كلا باسمه
شكرا لكم

**فـــيـــصـــل..607..** · 21-01-2011, 12:46 AM

نصيحه اقولها لك

في المطر في الضباب في الهواء

خلك مركز على الخط وماسك الدركسون بيدينك الثنتين وسرعتك لا تتعدى 80 في الحاله القصوى

لكن 140 ومطر وتكلم جوال
اسمحي لي اقول لك بكل احترام وعتاب اخوياء إنك لوح .. ولا عاد لها ثاني

والحمدلله على سلامتك