الموضوع: جنوط 17 جقت الفل على 2009

يارجال مافي زي الوكالة الاصلي ..

انا زيك كنت محتار بس قررت اني اشتري اصلية ودقيت سلف وعلى جهي للتشليح

يومين دوران فيها لين حصلت النظيف وريحت بالي ..

انصحك تدور بالتشليح بس لازم تكون تعرف الجنط الاصلي من التجاري عشان لايلعبون عليك ابو يمن ..

والف مبروك مقدما

يا غالي لا احد يلعب براسك
الجنوط اصلية و مافيها شي وناس كثييييير جربوها ومبسوطين فيها بعدين للمعلومية الي يقول فيه فرق
يا حبيبي الوكاله ماراح تبيع سمعتها عشان جنوط و كلام فاضي هيا صناعه يابانية بس انها جاية من دبي بس هذا هو الفرق
اتوكل على الله وخذها وركبلها احلى كفرات وعيش يا معلم.

الجنوط تمام واغلب اصحاب الاسبيشل والسياحي مركبينها وامورهم زينه ولا احد اشتكى منها..

عالبركه مقدمآ

انا مركب الجنوط من الوكاله بـ 1600
لها الحين تقريبا سنه ونص
والحمدلله ما فيها اي مشاكل

راعي الاكورد

اكورد مودي

بلال العلمي

f15اكورد

المتقاعد

الله يعطيكم العافية على ردودكم اللي تشرح الصدر ..
الله يسعدكم يارب ..
.
.
بس عندي استفسار ياشباب اذا ركبتها الضمان يتلعي والا عادي مايضر ..

وشكراا للجميع

الجنوط مالها دخل بالضمان الضمان يأثر عليك اذا كان فيه تعديل عالمكينه او تجريح بتمديدات الكهرباء ونحوها

اعتقد مافيه مشكلة كنت مركب جنوط تجارية على كامري من الغرابي ب 850 ريال و كديتها 5 سنوات و بعتها و مافيه أي

مشكلة فما بالك بشي تاخذه من الوكالة و صدق الأخ إللي قال الوكالة ماراح تبيع سعتها بجنط

ولكن لي وجهة شخصية أخرى

جنوط الفل أفضل شكل لأنها تهبط السيارة شوي و تعطي هيبه أكثر و نفس الوقت أرسى من جنط الأسبشل

عيبها الكفرات غالية و مطبها أقسى من 16

جنط الأسبشل أحلى لأنه نيكل و يعطي شكل أثناء سير السيارة و الكفرات ارخص و يمتص المطب أفضل من

جنط 17 لأن إرتفاع الكفر 60 و جنط 17 الإرتفاع 55 لذا تحصله أهدى

و إذا هي براسك ركبها و إبسط ياعم