مشكلة تقهر وتفشل

**د.عزت** · 14-03-2011, 12:29 AM

بسم الله الرحمن الرحيم ..

بلا مقدمات لأني معصب <

ماشي في امان الله مشغل المكيف والمسجل .... فجأة ... تطفا انوار المسجل والمكيف والشاشة ويسكت المسجل .. كل هذا في ثانيتين ويرجع كل شي شغال كويس !!

بعدها صارت يوميا هالحركة تتكرر اكثر من 3 مرات والان تطورت صارت مع اي كشحه بالنور العالي ..

واذا مشيت بالسيارة فترة بدون مكيف .. لحظة مااشغل المكيف تتكرر المشكلة ..

يعني بالعربي طول ماني ماشي كهرباء السيارة مع النور تطفي وتشتغل .. مع المسجل تطفي وتشتغل .. طبعا اللي يطفي الكهرباء الداخلية (انوار +مكيف +مسجل) ....

ايش الحل ... فيوز ولا بطارية ولا تمديدات معينة وهل احد مرت عليه هالمشكلة ... افيدوني مالي خلق اروح الوكالة المقرفة .....:p

بارك الله فيكم

**نحيب الاماكن** · 14-03-2011, 02:33 AM

شيك على البطاريه

يمكن يبغالها تغيير

**د.عزت** · 14-03-2011, 04:34 AM

اتوقع لو من البطارية يكون التأثير على كامل كهرباء السيارة والله اعلم .. والسيارة ككل توها جديده مالها 8 اشهر ؟

اتمنى الافاده من الباقيين :(

**ملك قوقل** · 14-03-2011, 07:01 AM

اول شي شيك صلاحية البطاريه
شيك على اصابع البطاريه وهل هي مشدوده او عليها كربون لانه يمنع وصول الكهرباء
شيك على اداء الدينمو
واذا كنت مركب زينون او ساوند سيستم تاكد من سلامه التمديدات ومايكون فيه التماس كهربائي
واذا مانفع كل المذكور سلفاً توجه الى الوكاله والله يعينك

**المباشر** · 14-03-2011, 07:45 AM

اما الاصابع ولا البطارية هي السبب 100 %

**د.عزت** · 14-03-2011, 05:14 PM

بارك الله فيكم .. وللمعلومية السيارة شد بلد لم اضيف لها اي شي ..
عزيزي المباشر .. لو كانت المشكلة من الاصابع هل اكتفي بشدها .. ولا لازم ازور الوكاله ؟
واذا كانت من البطاريه هل يشملها الضمان وتغيرها الوكالة ؟

وفي كل الاحوال كيف اقرر هل هي الاصابع او البطارية ؟

(ماابغى اطب الوكالة الا للضروره القصوى .. واكون ضامن اني مابدفع شي لأنهم قاهريني جدا)