صور حادث سيارتي وهي واقفه عند البيت ...

**The Golden Accord** · 14-03-2011, 02:09 AM

بسم الله الرحمن الرحيم

اخباركم يا حلوين ان شاءالله كلكم تمام :d

اليوم ( الاحد ) وبتاريخ 8/4/1432هـ انصدمت سيارتي وهي واقفه جنب البيت ولاول مره اوقفها برا القراج والحمدلله على كل حال

سالفت الحادث ..
الشارع الي عند البيت صار تقريبا من شهر شارع فره وتفحيط وقلت حيا ,,
وتسبب هذا التفحيط في تكسير 3 سيارات لنا حتى الحين هع من غير اكوردتي العزيزه

بعد عدت طلبات للمرور صاروا يجون ويسوون تفتيش ويحجزون السيارات الي تفحط او تكثر فره او يكون فيها مخالفه تتطلب حجز

اليوم مسكت مع رجل المرور يمسك صالون (لاند كروزر) مخالف ويركبه على سطحه عشان يحجزه ( السطحه حالتها حاله)

وبعد ماركب (الجيب) للسطحه مشى صاحب السطحه وطلع الطلعه الي جنب بيتنا ولما صار في وسط الطلعه ماقدر يكمل ودحدرت السطحه عليه وضربت هوندتي العزيزه في الجنب وبعدها صدم فورد ادج 2011 جنبي مباشره وبعد الادج صدم جمس وكانت الضحيه الرابعه سيارة اخوي الالتيما 2010

وللاسف يقول ( مامسكت معي الفرامل )
طبعا صاحب اللاند كروزر عطا سواق السطحه حقه (تكفيخ) وبرد خواطرنا فيه

^^
القصه كامله خلصت والحين مع الصور ...

الخطوط الحمرا تدل على كم تحركت كل سياره من مكانها

صورة لثلاث ضحايا

يالبى هوندتي بينهم

صوره مقربه شوي

طبعا الادج المسكين هو الي اكلها الله يعوضه ان شاءالله

صورة للضحايا من جهة اخرى

صورة مقربة لهوندتي الموقره

وباوضح الاثار في سيارتي

الصدام المسكين وبكل براءه منسدح ع الارض < اول ضحيه وشوفوا الخط الاحمر كم تحركت السياره من مكانها تقريبا متر

.. وهذي صورة لقاعدة الصدام وبعض الاثار في الحديد من داخل

الشنطه من الجهه الثانيه طلعت من مكانها وكانها مفتوحه

بالاخير اعتذر بشده لاني طولت بالقصه بس حبيت اشرح لكم السالفه بالتفصيل < من الطفش

الحمدلله انها جات في الحديد ولا في الاوادم

الي قهرني لما شغلت السياره وعشقتها طق القير طقه كانها في راسي :( وتحركت السياره من مكانها < وهذا اكثر شي خوفني

وبكره ان شاءالله راح نشوف من بيدفع التعويض هل هو صاحب السطحه ام المرور

الكثير بيشوفها بسيطه جدا وانا بعد اشوفها بسيطه ولله الحمد لكن الي يقهر .. اني محافظ ع السياره حتى من الحصا والحمدلله ع كل حال

والمعذره ع الاطاله

اخوكم
THE GOLDEN ACCORD

**كوارداوي** · 14-03-2011, 02:23 AM

الحمدلله على السلامه
و الحمدلله أنها بسيطه و إن شاءالله آخر الأحزان , بس بيني و بينك أول مره اشوف أكورد شكمانها يسار
(إلا إذا كنت مسوي للصوره تدوير أو أن الشكمان الثاني مو واضح)

**الجنوبيvip** · 14-03-2011, 02:28 AM

حمدلله على السلامة صح لسانك في الحديد ولا في الأوادم وترى الصلح خير والله

**The Golden Accord** · 14-03-2011, 02:33 AM

المشاركة الأصلية كتبت بواسطة كوارداوي

الحمدلله على السلامه

و الحمدلله أنها بسيطه و إن شاءالله آخر الأحزان , بس بيني و بينك أول مره اشوف أكورد شكمانها يسار

(إلا إذا كنت مسوي للصوره تدوير أو أن الشكمان الثاني مو واضح)

هههههههه لا الصورة اشعه تحت الحمرا هع

انت ماعمرك شفت اكورد شكمانها يسار غريبه

سيارتي مواصفات خاصه هع :p

**The Golden Accord** · 14-03-2011, 02:34 AM

المشاركة الأصلية كتبت بواسطة الجنوبيvip

حمدلله على السلامة صح لسانك في الحديد ولا في الأوادم وترى الصلح خير والله

الله يسلمك :d

والصلح والله كل مره نقول مسموحين
وبكره نشوف وش ننتهي عليه

**غسانR** · 14-03-2011, 03:34 AM

سلامات ياشيخ ... بس اتوقع ان صاحب السطحه هلالي او اهلاوي شافك حاط شعار الاتي على السياره قال عليا وعلى اعدائي وفلت عليكم الاند كروزو

الف سلامه عليك وعسى تكرهون شيئاً يكون خيراً لكم

**Accord F15** · 14-03-2011, 07:20 AM

^^^

مستحيل يكون اهلاوي راعي السطحه لأن شعب الأهلي العظيم شعب (راقي) وكلهم سواقين وطارات : )

+

الحمد لله عالسلامه يا كبتن والله يعوضك خير

**The Golden Accord** · 14-03-2011, 07:36 AM

المشاركة الأصلية كتبت بواسطة غسانR

سلامات ياشيخ ... بس اتوقع ان صاحب السطحه هلالي او اهلاوي شافك حاط شعار الاتي على السياره قال عليا وعلى اعدائي وفلت عليكم الاند كروزو

الف سلامه عليك وعسى تكرهون شيئاً يكون خيراً لكم

الله يسلمك
ماشاءالله عليك والملاحضه بس وش ذنب الباقين :p
ومفروض المتعصبين يموتون احسن من مشاهدة الكورة

**The Golden Accord** · 14-03-2011, 07:37 AM

المشاركة الأصلية كتبت بواسطة accord f15

^^^

مستحيل يكون اهلاوي راعي السطحه لأن شعب الأهلي العظيم شعب (راقي) وكلهم سواقين وطارات : )

+

الحمد لله عالسلامه يا كبتن والله يعوضك خير

حسيت من ردك انك ( رآقي ) هههههه

الله يسلم قلبك ياغالي ويبعد عنك وعن الجميع الشر

**المباشر** · 14-03-2011, 07:41 AM

الحمدلله على السلامة وتهون ان شاء الله

**The Golden Accord** · 14-03-2011, 07:47 AM

المشاركة الأصلية كتبت بواسطة المباشر

الحمدلله على السلامة وتهون ان شاء الله

الله يسلمك يالغالي والله يحميك ويحمي كل الاعضاء من كل شر

**accordyon** · 14-03-2011, 08:12 AM

نفس لون سيارتي ليكون اختها:d<< مو وقته بس تلطيف جو
الحمدلله ع السلامه ان شاء الله اخر المصايب

**The Golden Accord** · 14-03-2011, 08:19 AM

المشاركة الأصلية كتبت بواسطة accordyon

نفس لون سيارتي ليكون اختها:d<< مو وقته بس تلطيف جو

الحمدلله ع السلامه ان شاء الله اخر المصايب

يالبى الذهبي هع ;)

الله يسلمك حبيب قلبي ولاتشوف مكروه في حياتك ان شاءالله
وش رايك تصير صديقي عشان اللون

**م ج رد حلم** · 14-03-2011, 08:33 AM

الحمدلله عل السلامة

وكويس انها جاات عل كذا

بس مدري اش شعورك اول ماشفتها مصدومه

والله لو انا مكانك مااقول الا الله يعين راعي السطحة خخخخ :d

الله يعوضك

**عآآشق الاكورد** · 14-03-2011, 08:36 AM

الحمد لله على السلاامه
وبالحديد ولا بالعبيد يالغلا
والله يعوض عليك ان شاء الله... :o

**عاشق الابيض** · 14-03-2011, 08:52 AM

الحمدلله على السلامة

ماتشوف شر يارب

وان شاء الله الشغلات بسيطه

وعاد اذا هوه عنده تامين بصراحه اشوف انك ماتعفي

وتخلي التامين يعطوك فلوس

**H خالد H** · 14-03-2011, 11:45 AM

لا حول و لا قوة الا بالله العلي العطيم

الله يعوضك خير ان شاء الله

الله يدفع بها البلا عنك بأذن الواحد الاحد

**meshoo** · 14-03-2011, 12:44 PM

لاحول ولاقوة الا بالله

الحمد لله على السلامه ومعوض خير ان شاء الله

**راعي الوفاء** · 14-03-2011, 12:47 PM

حمدلله على السلامة

**MA6ANSH** · 14-03-2011, 01:20 PM

معوض خير ان شاء الله ودفعت بلا,

الا صدق ماجاوبت انت مركب دبه ثانيه :d
سيارتك شولا ( تصريف اشول) شكمانها يسار هههه

**عاشق السوسو** · 14-03-2011, 01:43 PM

الحمدالله على السـلآمة وآن شـآء الله آنهـآ آخر آلآحزآن يـآبعدهم بس يــآخوي سيـآرتك من آي كوكب الشكمـآن يسـآر..؟؟؟؟:d

**إحساس حساس** · 14-03-2011, 01:53 PM

الحمدلله ع السلامه

**فهودي 2010** · 14-03-2011, 01:54 PM

الحمدلله على السلامه مقدر ومكتوب
والحمدلله جات على كذا ..........

**أغـار يا هـوندا** · 14-03-2011, 02:51 PM

حبيبي الله سعدك , أقلقتني عليك بالحيل
عارف والله انك محافظ على سيارتك , وكذا مرة مرة شفتك في أبها
ماشا الله سواقتك روعة , وهادي
أحمد ربك على الصدمة
(مستحيل سيارة تخرج من المعرض ما تصارع الحياة )
شي طبيعي , حبيبي
واحمد ربك ما تكلفك تقريبآ 1200 هذا لو بتشتري صدام وزحمة شوف الإيدج اللي بجنبك اللي جد انضرب
شوف أنا سيارتي الحين راح تكلفني تقريبآ 7000 والحمدلله على كل حال
وبعدين شغلى القير أنا اقول لك:
(لمن تكون في منحدرات أو طلعات إسحب الجلنط للأخير)
بحيث إنك لو فكيت رجلك عن الفرامل وانت لسى ما حطيتها في p ماتحركت
فـ خلاص بعدها حطها في p
لمن تشغل السيارة وتعشق تكون سلسة معك
حصلت لي كثير في أبها الحركة ذي

**جاكي2** · 14-03-2011, 05:55 PM

الحمد لله على كل حال ... والله انه امر مفجع .. تكون في امان الله .. وتطلع فجأة على مصيبة
والحمد لله انها في السيارات ما هي في احدثاني أو احد المارة على الطريق ....

و معوض خير ان شاء الله