لعيونكم سجلت وان شاءالله ما تقصرون معي

**للصبر أخر** · 15-03-2011, 12:23 AM

اخواني الاعضاء الله يعطيكم العافيه يارب

والله اني سجلت لعيونكم من زمان .... بسبب ردكم ومعاونتكم لمحبين الهوندا ... وعجبني اسم
الهنادي .... وناسه هالاسم ...

اخوي بفضل الله اني بشتري هوندا على قد فلوسي ... وانا لفيت هالسوق ادور على اكورد 2006 او 2007 .. ولقيت اسعارها مابين 41 الف الى 33 الف الفل كامل او الاستاندر ..
وكنت مصمم على الفتحة ...

والقيت سيارة نظيفه ما شاءالله بس يقولي الرجال انها ماشيه 88 الف تقريبا ولكن غير الباب بشركة عبدالله هاشم وهو قالي هالشي عشان الامانه ...

اخواني اذ ربك اراد واشتريتها ... افكر اركب لها فتحة فهل تنصحون اني اسوي توليف...

واللي افكر فيه

فتحة

تنجيد

جنوط اكورد 2008 لقيتها هينا بسعر تقريبا 2200 ريال مع الكفرات

شاشه

فهل تنصحوني اشتري هالسيارة واسوي هالاشياء او اشتري فل كامل

واللي عنده سيارة للبيع يعلمني

والله يجزاكم خير يارب

**دنيآ الغرور** · 15-03-2011, 12:52 AM

والله بنظري خذ شي جاهز احسن لك واريح لراسك

**للصبر أخر** · 15-03-2011, 01:00 AM

دنيا الغرور جزاك الله خير على مشاركتك

وكمان نسيت اضيف ازرار على الدركسون وجناح ....

وكم تتوقعون بتكلفني ...

**Honda*2008** · 15-03-2011, 01:10 AM

آخوي آنصحك بآلفل
لآن آلفتحه آلي رآح تولفهآ
مع آلآيآم بتسبب مشآكل

آنصحك بآلفل v6
وصدقني لو تلف آلمعآرض بتلقى آلنظيف

**FARES__KSA** · 15-03-2011, 01:31 AM

نفس راي الشباب
دور لك فل نظيفه احسن لك من انك تولف وتحوس في السياره

**احبك يالاكورد** · 15-03-2011, 01:39 AM

اخواني يقولكم ع قد فلوسه يعني مستحيل ياخذ الموديل الجديد ومابالكم بال6سلندر

اخوي خذلك موتر نظيف وحتى لو بدون فتحة ازين لك

**للصبر أخر** · 15-03-2011, 01:54 AM

المشاركة الأصلية كتبت بواسطة احبك يالاكورد

اخواني يقولكم ع قد فلوسه يعني مستحيل ياخذ الموديل الجديد ومابالكم بال6سلندر

اخوي خذلك موتر نظيف وحتى لو بدون فتحة ازين لك

والله ما قصرتو يا شباب
انا والله لقيت بس وين النظيف

ومستعد ادفع الى 42الف بس ما لقيت
يا لصدام مغير او فيه رش وسمكرة

وافكر اروح لقطر او الامارات
بس نفس الاسعار
وانتظر باقي الاعضاء

**>>ăҒשּׂЙă<<** · 15-03-2011, 02:45 AM

طيب بدال هالخرابيط اللي بتسويها

جمع قيمتها وزيد ع السياره

**B 5ob3aH** · 15-03-2011, 02:49 AM

الصدامات عادي لو كانت مرشوشه أو مغيره ..

الكلام على البدي والصدمات القويه ..

لو تدور بتحصل .. أدخل موقع حرآج .. و شوف قسم البيع والشراء عندنا ..

**للصبر أخر** · 15-03-2011, 02:59 AM

مشكورين شباب والله يجزاكم خير
والله اني لفيت اغلب المواقع
حراج ومستعمل وسوق
ولا لقيت طلبي

وبخصوص التجميع قلت اني اشوف النظيف وانا اعدل على كيفي
واشكركم على المرور الرد

**غاب القمر** · 15-03-2011, 04:20 AM

لالالالالا

تستعجل بالسياره الا السياره لاتستعجل فيها اصبر

**abooody riyadh** · 15-03-2011, 07:07 AM

دامك تبغى المواصفات هذي .. فلا تستعجل ..
انتظر لين تحصل مطلوبك ..
وبالتوفيق ان شاء الله ..

**الله يذكر ايامك** · 15-03-2011, 07:25 AM

كلام الشباب كفا و وفا معندي شي اقوله غير انك لا تستعجل دوار وراح تحصل
ان شا الله الشي الي في خاطرك الصبار حلو

**اكورد مودي** · 15-03-2011, 10:08 AM

نصيحة واحد جرب هذا الشي مثلك
خذ فل كامل جاهزة نظيفه ومو مشكلة اذا كانت الصدامات مرشوشة او مغيره لان موديلها قديم شوي
اصبر ولا تستعجل وافحص تمام و خذ راحتك
انا قعدت شهرين ادور على اكورد وبعدها الحمدلله لقيت نظيف و مرتاح فيها وهذا الكلام قبل تقريبا ثلاث سنوات او اكثر

**راعي ال ACCORD** · 15-03-2011, 11:00 AM

انصحك خذ لك فل وريح بالك

شوف في موقع حراج راح يفيدك كثير

**للصبر أخر** · 15-03-2011, 05:42 PM

جزاكم الله خير يا اخواني ...

ونردها لكم با الافراح يارب ....

وخلاص ان شاءالله بنتظر ...

والله يكتب لنا ولكم الخير يارب

**نـاعسـ الجفن..!** · 15-03-2011, 11:27 PM

اخوي شف لو تاخذ لك اسبيشل

وبعدين تظيف عليها براحتك جنوط وتركب جناح << بتسير من برى زي الفل

اتذكر قبل سنه ولد عمي لقي اكورد سبيشل 2007 ممشاها 14 الف << اربعة عشر الف

يقوول ريحة الوكاله باقي فيها < ماشاء الله

وزبده الكلاام :d

انك لا تستعجل << بينجلللللللللللللللللللللد :d