ياعكس ياذراع يامقصات .. فزعتكم

**الفـــارس** · 17-03-2011, 02:57 AM

السلام عليكم ورحمة الله وبركاته ..

كيفكم ياحلوين وش مسووين :d عساكم بخير .. واجازة اسبوعية سعيده :(

المهم انا سيارتي 6سلندر 2010 كذا بيوم من الايام كنت ع البحر قبل اسبوعين طبعا رمال

فجاة غرزة السيارة وحاولت اطلعها فصلت نظام vsa ومافي .. جاء واحد وسحبني من وراء المهم واثناء السحب التفت الطارة فجاة ع الاخر وانا حاولت ارجعها وسيطرة عليها .. بعدها كل شيء تمام وفجاة من اسبوع طلعت لي رجه من جهة اليمين الي هو جهة الراكب قدام واحس ان الكفر او المقصات والاذرعه فيها شيء والله خايف ابي مشورتكم وهل اروح الوكاله ولا اشوف مشكله برا عند فني ..

علما بأن سيارتي ماشيه 16الف ووديتها صيانه 1000و5000و10000بس هل تفيدني بشيء في هذه الحالة ..

اتمنى تفاعلكم معي وشكرا ..

**الفـــارس** · 17-03-2011, 11:20 AM

9 مشاهدات ولا رد ماتبون تفيدونا ؟؟؟!!!!! up up

**jnoon.2007** · 17-03-2011, 12:12 PM

سو لها وزن اذرعه

وانا شاء الله ترجع مثل اول

**At3bny-glaha** · 17-03-2011, 12:43 PM

الله يعطيك خيرها ويكفيك شرها .. وبالنسبه للسياره لاتاخذ همها يصلحونها على الضمان وهم ما يشوفون الدرب .. لا تقولهم شي عن التغريز عشان ما يزحلقونك .. وانشب في نحورهم

**الفـــارس** · 17-03-2011, 06:19 PM

قبل شهر اتوقع رحت بسوي وزن اذرعه وترصيص خارج الوكاله المهم طلع معي الفني وجرب سيارة قالي ماتحتاج وزن اذرعه بس يبي لك ترصيص ..

وسويت ترصيص ..

**Classic Design** · 17-03-2011, 09:29 PM

و عليكم السلام ورحمة الله وبركاته

حياك الله يالغلا

والله شوف يالطيب شوف سيارتك 2010 و جاي تسأل هنا عن حل !!!

المشكلة اللي عندك ميكانيكية و يبيلها كشف وما أحد يقدر يفيدك من خلال النت

نصيحتي لك : روح للوكالة و افحص فحص ميكانيكي كامل بـ 200 ريال و ريح بالك و نتيجة الوكالة مضمونه بعد الله

تحياتي لك

**الفـــارس** · 17-03-2011, 10:27 PM

^^ يمكن احد جاته مشكله زي كذا ويفيدنا ..!

**حميد** · 18-03-2011, 02:04 AM

شوف اخوى بقولك شي روح الوكاله لانو مشكله الرجه وارده بالاكورد ال v6 , انا عندى اكورد 2008 v6 فيها رجه تروح وتجى يعنى على المزاج واذا وقفتها فتره امشى فيها بعدين ترج لمده 5 الى 10 دقايق وتختفى ماخليت محل حتى الوكاله جننتهم ومالقو شي اتوقع عيب مصنعى انا اذا زادت الرجه ارصصها وتختفى واذا رجعت ارصصها مره ثانيه لانو هاذا الحل الوحيد
الله المستعان وانشالله سالفتك سهله

**Classic Design** · 18-03-2011, 02:05 AM

^^^

طيب أنا ممكن أفيدك باللي عندي

انا سيارتي 2004 مثل ما مبين بالتوقيع ،، قبل سنة تقريبا طلع لي صوت من جهة يمين ،، صوت طقطقه قوي مرة مع اللفات و كشفت عليه عند ورشة وقالي مقص يمين كامل يبغاله تغيير :d

رحت للوكالة ،، قلت لهم مقص يمين وقالي داخلي ولا خارجي ،، اتصلت على الورشة قالي خارجي ،، المهم قالوا لي بـ 2200 ريال ولا شريت لأن المبلغ ماكان معي متوفر

الكلام هذا منتصف الترم الثاني من الدراسة ،، مع بداية الإجازة الصيفية ( بعد شهرين ) دخلت السيارة للصيانه بالوكالة و قلت لهم فحص ميكانيكي كامل للسيارة و اتصلوا علي بعد يومين وقالوا التكلفة حوالي 2800 ريال وقلت لهم اوك

تخيل بعد ما استملت السيارة و عطوني فاتورة ونص ( ورقة ونص ) كلها قطع غيار و بعد مارحت للبيت و فتحت شنطة السيارة لقيت كل قطع الغيار اللي هم مغيرين و الصوت اللي بالكفر راح و السيارة رجعت وكاااالة ماشاء الله تبارك الله

فاللي حاب اقوله لك : لو أنا مشيت على كلام الورشة و غيرت المقص لحالة بـ 2200 ريال مب خسارة ،، و أنا سويت لها صيانة كاملة بـ 2800 ريال

بالأخير طلعت المشكلة مب بالمقص ،، طلعت المشكلة من صوفة المقص مشقوقة و تهرب زيت

غيروها الوكالة و الحمد لله لاخسرت 2200 ولا شيء

تحياتي