سلام عليكم
يالله حيهم كل واحد باسمه
ياأخوان انا كثير اشاهد بعضكم الا بيطلع عيوب في الأكورد بالغصب
صح فيها عيوب لكن والله مهيب لدرجة تخليني أكره السياره أو أفكر في سيارة أخرى تقل عنها مستوى من ناحية ( العملية والجودة ) ;)
موضوعي ياااخوان انا عندي اكورد موديل 2009 ماشية لحد الآن 153 ألف وكسور وماغيرت غير الفحمات الخلفية اربع مرات ولاخرطت هوبات ولا هم يحزنون لان كثر الخرط بيخليك تغير الهوب بكبره بعدين
المهم ابغى اعرف وش اللي احتاج اغيره خصوصا مسألة زيت القير لحسة مخي
لاني ماغيرته الى هاللحظه فيه ناس فاهمه تقول لاتغيره لانه مايتغير اصلا !!
وفيه ناس تقول لا .. غيره لايخبط القير عليك
والبواجي ماغيرتها مع ان السياره مافيها تفتفه ولله الحمد
نصائحكم لي ياأخوان :o:d
زيت القير المعرف انه يمشيك إلى 60,000 كأول مره, بعدها يبدأ يتغير كل 40,000.
لكن نصيحة إذا ودك تغيره لا تغير إلا عند الوكالة, ولو صار شيء لاسمح الله يصير عندك حجه بمطالبة حقك.
وشركة مثل هوندا مو تصلح لك القير إلا تشتري لك سيارة. :d
اما بخصوص البواجي بالنسبة للموديلات الجديده 08+ التغيير على الـ 100,000 ألف, وهذا عمره الافتراضي.
والأفضل التغيير حتى تتحسن عندك الدعسه وعدم صرفية البنزين (في حال الملاحظة!)
:(
^
بيض الله وجهك أخوي وماقصرت ..
أي والله انا خايف من مسألة زيت القير ومستحيل أغيره برا الوكالة
مع أني اشوف استجابته ممتازه ومااشكتي منه
والبواجي بغيرها
بس تتوقع تغيير زيت القير + البواجي في الوكالة كم راح تكلفني ؟
زيت القير مع الأرتفاع المتوقع انه يوصل فوق الـ 190 ريال, التغيير بالصيانة السريعة وبنفس اليوم والوقت.
البواجي حقت الموديل 07 وتحت قيمتها حول الـ 50 ريال, اكيد انتم ارخص. :d
:(
بواجي الـ 2008 وفوق اغلى من الموديلات السابقه لانه يتغير على 100 الف
المهم زيت القير لا تغيره مره وحده لانه بيجاوب عليك ويجيب العيد بدري :d
الزبده انت تغيره كل اسبوع علبه .. يعني فرغ منه علبه الحين وحط بدالها علبه جديده (زيت قير هوندا فقط)
بعد اسبوع غير علبه للمره الثانيه
بعد اسبوع غير علبه للمره الثالثه
بعدها رح للوكاله وغيره مره وحده عشان الزيت يكون اخذ على اللزوجه الجديده بالتدريج
* احد الشباب كان زيك مايغير الزيت يوم تهور وغيره صار القير فيه ونه واضحه وتحسف انه غيره مره وحده
..
....
السلام عليكم
المواتر الأوتوماتيك لازم يتيغر زيت القير كل فترة ، بعكس القير العادي يضاف إذا نقص
ويختلف عدد الكيلومترات من سيارة لأخرى بحسب نوعية الزيت لا إسم الشركة المصنعة للزيت او السيارة
غالباً والمتعارف عليه 40-50 ألف كم ، بس فيه أنواع ممكن تأخر في عملية تغييره لكنها أغلى
تحية ..
بالمناسبة ، حتى لو ماكان فيه تفتفة بالمكينة ، من الأفضل تغيير البواجي وصفاية البنزين ، تضمن لك بإذن الله حماية وعمر إضافي للسيارة بدون صيانة أو لتلافي مشاكل في غنى عنها بالإضافة لأحصنة كانت مغيبة عن المكينة لأن شرارة البوجي ضعيفة حالياً ،وأسلاك البواجي /الكويلات
ولا تنسى تهتم بفلتر الهواء وأي حساس متعلق بالهواء والثروتل لو كانت بالهوندا " أغلب خبرتي نيسان لاتشرهون هههه"
<-- يبيله تصفيق هههه جاي يشارك مب عارف هي كويلات ولا أسلاك
تحية
- تغيير السيور.. المكينه + المكيف
- تغيير الزيوت.. القير + المكينة + الدركسون + الفرامل مع الفلاتر الخاصه بها
- تغيير الفلاتر.. المكينة + المكيف
- تغيير صفاية البنزين ..
- تغيير البواجي
واذا عندك ملاحظه على الفحمات اضيفها للقائمه
وهذي تعتبر اشياء استهلاكيه ولها عمر وتنتهي ,غيرها كلها ..وامورك بالسليم ان شاء الله
التعديل الأخير تم بواسطة غاب القمر ; 18-03-2011 الساعة 09:10 AM
صحيح الموديل الجديد اغلى من ناحية البواجي بس تحملها 4 أو 5 أضعاف الموديل الجديد واوفر بالبنزين وشرارة أفضلالمشاركة الأصلية كتبت بواسطة الـمـسـافـر
وسعرها عند اخر تسعيرة قبل شهرين
4 بواجي أكورد 2008 هو 279 ريال بدون تركيب وكمان بعد الخصم
باقي شاص السياره لييه ماكتبته
أنا اتوقع انك تنتبه بس للقير وزيته وغيرها لا تقعد تدور بلاوي سيارتك مافيها ولاشي ليش بطره زايده اغير سيور مكينه وبواجي وصفاية بنزين وسيور مكيف ومراتب داخليه وبساتم المكينه والسلندرات لا تخليها
حبيبي دز وعوذ الشيطان واذا فيه شي بيبان لك وبتغيره براسه
وانت ابخص بشغلتك وبالتوفيق
طيب يا شباب تغير زيت القير هذا مني فاهمه يعني كل يوم استنر عند الوكاله واقلهم شيلو علبة حطوا عللبة ولا عند بنشري واذا كان عند بنشري هل هو شفط ولا بالصرة ولا كيف +08
كلامك سليم ولا اروع
بس لا تقولي بطره هذي مو بطره هذي اشياء تتغير عشان تحافض على عمر السياره
يعني مثلن لو ما غيرت صفاية البنزين راح تنعدم البخخات
ولو ما غيرة البواجي راح تصرف بنزين
والمصيبه انك لو ما غيرة السيور وجاك يوم سافرة وقاك السيره مكاني وش بتسوي اشيل السيارة صطحة 1000 ريال واتمرمط وحالتي حال
اختصار الكلام اذا انتبهت للاشياء البصيطه سلمت من الاشياء الكبيره
وانا اسف على الاطاله
يعطيكم العافية ماقصرتو ياأخوان وعاجز عن شكركم
ولكم مني التحيه واحد واحد
وانا ان شاء الله لاكملت السياره 160 الف بوديها الوكاله واغير الزيت والسير والبواجي اما الباقي ماشوف لها داعي
دام الامور طيبه وحنا بخير :d
ضوابط المشاركة
رد مع اقتباس
مواقع النشر (المفضلة)