عـُدنا بعد 400.000 كيلو وإنقاطع تام لمدة 4 سنوات

**عُـدنا** · 22-03-2011, 12:16 PM

بسم الله الرحمن الرحيم

السلام عليكم ورحمة الله وبركاته

يلي تأشر بالماوس أدخل أدخل لاهنت

أحبتي أعضاء وزوار نادي هوندا

بعد إنقطاع تام عن المنتدى وبعد 400.000 كيلو أعود لكم من جديد

لكي أنقل واقع أقسى وأعنف تجربه للأكورد :d

فقد سبقني بها أخي أكورداوي

وهأنا اليوم أدلو بدولي لكي تعم الفائده
أولاً بين الأعضاء
ثانياً لكل متردد في شراء الأكورد

فقبل 4 سنوات إشتريت أكورد فل كامل 4 سلندر بقيمة 85.000 +1200 كشافات+300دعاسات( أعزكم الله ) =86.500

وقد تضجرت كثيراً لحظه وصول الألتيما 2007 والكامري 2007 والأزيرا 2007

فقد قارنت الأكورد بها فكانت النتيجه مخجله

الأكورد تتجاوزهم سعراً وهم يتجاوزونها مواصفات

فكنت أرى ( وجهة نظري ) أن الأكورد لاتقارن بهم

تميزت السيارات الأخرى بالجديد في ذاك العام مثلاً :-

سستم صوت .. أنوار زنن .. عدسات للشمعات .. إلخ

والأكورد حتى أزرار تحكم من الدركسون لاتوجد بها في فل الأربعه سلندر
ولا كشافات
وهذه أبسط الإكسسوارات

فقدر الله علي وتهورت ودخلت نادي هوندا ونزلت موضوع ذميت في الأكورد ذم مالله به عليم
( مسحت بها بلاط المنتدى :d )

مما أدى إلى إغلاق الموضوع وركلي خارج المنتدى

وهأنا اليوم أعود بوجهة نظر مخالفه ومناقضه تماماً عن السابقه << رقع رقع :d

سأحكي لكم أعنف وأقسى التجارب للأكورد << صدق حاله :p

مرت 4 سنوات بلا رحمه ولا شفقه

ياأخوان أسوأ إستخدام إستخدمتها فمثلاً :-

أروح فيها على البر رمل وحجاره .. إلخ

وحملت فيها حلال :d

وسياره للعيال في الإستراحه :d

وهلُم مجره

إذا كانت الأكورد تحميها في 4 دقائق فوالله ماحميتها إلا قليل جداً جداً

دق سلف وإمش

وإذا كنتم تشغلون المكيف تهدون وتفضون المتور

أنا أشغله على سرعتها

وإذا كنتم تغيرون الزيت في الصيف كل 3000 والشتلء كل 5000

أنا صيف وشتاء أغيره إذا تجاوز 10000

وبحمد الله لا أشتكي من أي خلل في السياره إلى الآن

بدأت تظهر أصوات وإهتزازات في السياره من سوأ الإستخدام ولكن ماشيه من أبدع مايكون

وأبي أقول شئ بس تصدقوني ماتقولون يبالغ ؟؟؟

وربي ماغيرت البواجي إلى اليوم

بواجي بلدها عليها

صحيح كما ذكر في الإسلام أن النحس والبركه تأتي في ثلاث

الزوجه .. والمنزل .. والمطيه (أي وسيلة نقل)

وبفضل الله إن فيها بركه ولكن إضافه إلى جودة السياره

وأخيراً أقول لكم أحبتي

ترى الكلام إلي فوق مو مبالغ فيه والله على ماأقول شهيد

إني إستخدمتها حتى حللت كل ريال راح فيها

وبعد هذا أقول لكم مين بيشتري سيارتي الصبوره تراها صيده <<< برىىىىىىى

وراح أنتظر جديد الأكورد حتى ينزل شكل جميل ويتيسر الحال

وفي فتره الإنتظار راح أكدها كم سنه :d

وأورثها أخواني الصغار <<< ماكو فكه :d

وفي الآخر أقول لكل متررد على الأكورد إعزم وتوكل على الله

وعقبال ماأكتب التجربه في 800.000 <<< ناوي يحللها صح

بالنسبه للعيوب " كما ذكرت مواصفاتها مش ولابد ولكن جودتها تغنيك عن المواصفات

أقمشتها تستهلك بسرعه عاليه لدرجة كل 4 أو 5 أشهر أقمشه جديده

غلاء قطع الغيار مقارنه بمثيلاتها

خلاصة الموضوع

لويدري عبدالله هاشم عن موتري طاح فيني رُكب وكفوف وسحبها مني لأني شوهت سمعة الأكورد:d

لكم خالص ودي وتقديري

طلب أخير منكم الله يبارك فيكم

قول

ماشاء الله تبارك الله

**فهودي 2010** · 22-03-2011, 12:58 PM

ماشاءالله تبارك الله عقبال الثمان مائة الف ...

**2011** · 22-03-2011, 01:36 PM

هلا فيك اخوي

يا ليت تنزل صورة 400000 الف عشان يشوفوها الاعضاء

وشكرا

**X.MAN** · 22-03-2011, 01:43 PM

مرحبا مليون
وعودة ملك للمنتدى
بصراحة دخلت جو وضحك عالقصة :d
ومرحبا ألوف بين اخوانك واحبابك

**A N M A R** · 22-03-2011, 01:45 PM

هلا حياك اخوي مرة تانيه

ماشاء الله تبارك الله

ياليت تكتبها في اول الجملة

وماشاء الله عليك ماقصرت فيها هريتها ومع كدا تعطف عليك وتخدمك

بس اتمنى انك تخف عليها شوي وترحمها لانه باستخدامك هدا السيارة حزنتني

خخخخخخخخ

**.. Monster ..** · 22-03-2011, 01:52 PM

اخااااف مو ركب وكفوف بس
الا بياخذ من السياره ويشتكيك بالمحكمه وقضايا

وفي النهاية يقفل وكالاته ولا عاد يصير وكيل لاي شركة اخرى
ويبيع بسوق الخضار ... يقول الشررهه على اللي يصير لوكيل لهالاشكال خخخخخخخخخخخخخ

الله يجعلك تكد بها الى 1000000 وما يصير فيها شيء

**K H A @ L I D** · 22-03-2011, 02:07 PM

اولا ! ماشاء الله على سيارتك والله يعطيك خيرها ويكفيك شرها

كيف مشيتها الين 400 الف وهيا 2007 وفين كنت تروح فيها وصلتها الين 400 الف

انا على طول طالع نازل خط الملك وساكن جنوب جده ولسه ما عديت 160 الف !!! وهيا 2004 ماشاء الله عليها

والله حيرتني !!!!

بس في الاخير قطع هوندا ناااار

وللمعلوميه عمر البواجي 100 الف فقط ههه انته حلتتها

**نـاعسـ الجفن..!** · 22-03-2011, 02:14 PM

وين حقوق الانساااان عنك << حلوه حقوق الانسان

ماشاء الله ويالله عقبال ماتمشيها الـ 1000000 << كلها ستميت الف :d

**ابو حكيم** · 22-03-2011, 02:36 PM

مشاء الله عليك حللت ام ام الاكورد

الله يطعمك خيرها و يكفيك شره و يحفظها لك

**هاااوي الاكورد** · 22-03-2011, 02:41 PM

مشالله تبارك الله
الله يطيك خيرها ويكفيك شر عيون الناس
وعقبال الكلبه الي عندي << يقاله يدلعها :p

**mr.brhoome** · 22-03-2011, 02:44 PM

ناقص كم صورة للسيارة ولو قدرت لرقم الطبلون

وما شاء الله تبارك الله

**Accord F15** · 22-03-2011, 02:45 PM

الله ييسرها لك يا صاحب الموضوع وتطلع اكورد 2013 فل كامل ولا تنسانا بالتقرير يعنني حركات :d
+
يا عاشق هاتشباك فيه ناس سياراتهم 2009 ومتعدين الـ 200 الف خل عنك بس :d
(اغلبهم كداده)

**accord7** · 22-03-2011, 07:00 PM

مــآشـآء اللــهـ تبــآركـ اللــه

الله يعطيك خيرها ويكفيك شرهآ

تقرير مضحك جدآ اسعدتنا الله يسعدك :d

وعقبآلي :o

**غسانR** · 22-03-2011, 07:07 PM

مشاء الله تباررك الله عقبال المليووووووووووون

**ابو مروة** · 22-03-2011, 09:00 PM

ماشاء الله على سيارتك

**سهم 20** · 22-03-2011, 09:29 PM

ماشاء الله تبـــــــارك الله
الله يعـــطيك خيرها ويكفيــــك شرها

**م ج رد حلم** · 22-03-2011, 11:40 PM

ماشاء الله تباارك الله

الله يعطيك خيرها ويكفيك شرهااا

**S A M I** · 23-03-2011, 12:22 AM

ماشاء الله تبارك الله ,, وترى مو غريب على الاكورد ..

الوالد قبل زمان كان معاه اكورد .. ومشيت 500 الف .. وكان يمسك فيها خط اسبوعيا 800 كيلو رايح جاي ,, وما اشتكت من شي .. بس في الاخير انباعت ومافيها اي حاجه ,,

**احبك يالاكورد** · 23-03-2011, 01:09 AM

ماشاء الله تبارك الله

ان شاء الله ال1000000

**BЯộǾK ❤** · 23-03-2011, 01:52 AM

ماشاء الله تبارك الله يعطيك خيرها ويكفيك شرها ...

وعقبال الـ 1000000

ههههههههههههههه بس احلى شي ياللي تأشر بالماوس ههههههههه

**The Golden Accord** · 23-03-2011, 05:18 AM

مآشآءالله تبارك الله

وعقبال المليون ك/م بدون مشاكل

وماناقص الا صورة العداد

<عكسك شرا الاكورد بقناعة مع نزول الكامري 2007 والالتيما وقرب نزول الشكل الجديد

المشاركة الأصلية كتبت بواسطة عاشق سفيك هاتشباك

كيف مشيتها الين 400 الف وهيا 2007 وفين كنت تروح فيها وصلتها الين 400 الف

انا على طول طالع نازل خط الملك وساكن جنوب جده ولسه ما عديت 160 الف !!! وهيا 2004 ماشاء الله عليها

والله حيرتني !!!!

اخوي ياليت تشوف هالموضوع

أكورد 2009 ماشية 153 ألف .. وش أغير ؟

**فتى زهران** · 23-03-2011, 08:58 AM

عندي إحساس إني أنا وأنت أخويا

ياخي معاي 2009 ونفس النظام والله

كرف + بر + تركيب حلال + كل شي ذكرته

يعني أنا وأنت في الهوا سوا

الله أكبر كم أنتي كبيره يا هوندا :d

يالله الله يعطيك خيرها ويكفيك شرها يااااااارب

**عُـدنا** · 23-03-2011, 04:20 PM

أشكر الجميع على مرورهم وتهنأتهم لي << بس ياإنشتاين :d

بالنسبه للي يسأل وشلون مشت 400 أحب أقوله إهي مامشت 400 بالتمام لأ 400 إلى كسور بسيطه جداً

والصور للعداد راح أصوره بالجوال لكن ومأعرف وشون أوضعها في المنتدى :o << رجاءً راعوا ظروف المتصفحين << فضح حاله

والأخ إلي يقول إكتب ماشاء الله تبارك الله << الله يجزاك خير حبيبي

لكن أتمنى من المشرفين وضع ماشاء الله تبارك الله < لأنه أنا مو فاضي أعدل <<< نصاب كبييير :p بيحوس الموضوع وهو ماكتبها

وأحب أضيف معلومه عن غيار الزيت

سبق وإتكلمت مع دكتور في الجامعه وذكر لي إن تغيير الزيت كل 5000 مجرد دعايه وإعلان من الشركات والكوالات العالميه وأن المحترك الجديد يتغير زيته كل 10000 ولا يضره بشئ وعلى العكس كل ماتقدم عمر المحرك كان تغيير الزيت بسرعه أفضل

يعني السيارات موديل 2000 يغير الزيت كل 5000

لكن الجديده وش ذنبه يغير الزيت كل شهر أو شهرين ؟؟

<<< موتري وربي ما أغير زيته كل 5000 حتى لو وصلنا لعام 2020

مو كفايه 86500

وإلي بيجرب صحة كلامي يمشي سيارته بشرط تكون جديده 10000 ويدخلها الوكاله ويسأل الموظف هل ياترى باقي لزوجه في الزيت ؟؟؟ وإسمعوا الرد على شان تقتنعوون

وفي النهايه أتمنى الدعاء لي ولوالدي