الموضوع: فيديو : تركيب القرص الوهمي المطور متعدد المنافذ USB , 3.5mm , iPod , Bluetooth

السلام عليكم ورحمة الله وبركاتة ...

حياكم الله في التقرير الذي ابطا ..



احترت وش اسمي هالوصلة .. شكلي بسميها القرص الوهمي المطور متعدد المنافذ

اترركم مع الفيديو .. طبعاً مافية طريقة التركيب ..لأني سبق وشرحتها وركبتها اكثر من مرة في فيديو سابق وشرح سابق .. نفس الطريقة .. اللهم الوصلة تختلف .. في هالفيديو بتشوفون المميزات حقت الوصلة مع الـ USB ركبتها على هوندا اكورد موديل 2003 وتراها تركيب على اي اكورد من موديل 2001 الى 2012 لأنهم كلهم بنفس المنفذ ...

[ame=http://www.youtube.com/watch?v=kdl6Z_lGgcU]YouTube - ‫تركيب القرص الوهمي المطور متعدد المنافذ‬‎[/ame]


2001 الى 2007 المنفذ موجود ولكن بحاجة الى وصلة !:(
2008 الى 2009 موجود منفذ 3.5mm فقط ..!
2010 منفذ USB فقط بدل 3.5mm
2011 الفل بالنافيقيشن يتوفر البلوتوث لكن هل للمكالمات فقط ام لنقل الصوت ايضاً ؟ يتوفر USB -على ما اظن-
الوصلة هذي فيها كل المنافذ اللي فوق



مميزات القرص الوهمي المطور متعدد المنافذ

اولاً : منفذ الـ USB

وهذا اللي يجي لحالة مع الوصلة ،
- تقدر تسوي 99 البوم وكل البوم داخلة 99 ملف صوتي
- تقدر تقدم كل ملف صوتي وترجع فية على كيفك ، وتقدر تغير بين الالبومات بالترتيب
- اذا طفيت السيارة وشغلتها ترجع من آخر مكان كنت تسمع فية

ملاحظة مهمة وراح تشوفها في الكاتلوج : لازم ترتب الملفات داخل الفلاش ولا ماراح يشتغل اي شي حطيتة بالفلاش ..!

شوفوا هالصورة من داخل الفلاش ميموري :



ثانياً :منفذ وصلة الايبود :

يباع لحالة وليس اساسي مع الوصلة بسعر 19.75 دولار
طبعاً ما جربتها لكن بأنقل المكتوب في الموقع
- تشحن الايبود
- تحكم كامل من المسجل
- تحكم كامل من الايبود

ثالثاً : الوصلة المعروفة للابتوبات والجوالات وجمع المشغلات الصوتية اللي هو منفذ السماعة 3.5mm
يباع لحالة وليس اساسي مع الوصلة بسعر 9.75 دولار
- اشبك وشغل اللي تبي والتكم من نفس الجهاز فقط بدون شحن . ( نفس الوصلة اللي في الاكورد 2008 و 2009 )
يعني في سفر وانتو 5 اشخاص واحد معة ايبود والثاني ايباد والثالث لابتوب والرابع بلاك بيري والخامس نوكيا ميوزيك اديشن .. كلكم بتستمتعون مع هالمنفذ على سماعة السيارة ..

رابعاً : وصلة البلوتوث

تباع لحالها وليست اساسية مع الوصلة بسعر 44.99 دولار

هذي ابكتب تفاصيلها قريب لانه لحسة مخ .. هل تنفع كاركت للسيارة بشكل متكامل او لا ،، ابشوف تفاصيل اكثر ..


ختاماً .. الخلاصة

انطباعي عنها .. مناسبة جداً للعرب يوم معهم بلاك بيري ويوم معهم ايبود ويوم معهم مشغل MP3 واذا طفروا معهم فلاش ميموري

تقيمي لها 9 من 10

افضل بكثير من اي قطعة قبل .. لأنها من جد متعددة الاستخدام ..
اي استفسار .. حاضرين .. لا يردك الا الكيبورد ... ;)

والله الموفق ..
اخوكم / مصعب