والله شي يقهر

**abooody riyadh** · 29-03-2011, 08:34 PM

مساء الخير ..
كيفكم .. ان شاء الله تمام ..
انا عندي مشكلتين الاولى طفشتني وقهرتني .. والثانية موب مررة يعني :d
المشكلة الأولى ..
انا صدمني راعي جمس وجه لوجه .. والحمدلله الصدمة ما كانت قوووية .. ولا صار في الوجهية والحمدلله .. الموهم اللي قاهرني انه جزء بسيط من الكبوت راحت البويه حقته .. يعني طلع لون الكبوت الاصلي .. اللي هو اسود .. رحت الورشات ابغى اصبغها قالوا لازم تصبغ الكبوت كامل .. والمشكلة ان حجم الحكة مو كبير .. يعني تقريبا مثل غطاء علبة البيبسي .. او مثل بصمة اصبع الابهام .. تجاهلت الامر في البداية .. بس والله واضح وخرب شكل وجه السيارة .. وحرام ارش كبوت كامل عشان جزء بسيط ..
حتى قلم التلقيط ما ينفع ..
اللي عنده حل يا ريت يقوووولي .. :(

المشكلة الثانية ..
انا سيارتي سياحي .. وركبت لها جنوط الفل .. واذا مشيت على سرعة 160 وفوق .. ترج معاي رجه خفيفة .. مع ان الجنوط والكفرات سليمة ..
رحت الورشة .. قالي ابو يمن لازم ترصيص ارضي .. بس ما اقتنعت بكلامه ..
اللي عنده حل يا ريت يقووولي .. :(

**تحياتي لمن دمر حياتي** · 29-03-2011, 09:00 PM

الف سلامه ......

الحل الاولا اذا انت منت مقتنع انك ترش الحكه شوفلك استكر حلو وحطه عليها

الجنوط تجاري .:d. او الاصلي ...... يبيلها ترصيص ارضي ياخوي انت الي تبي ترتاح

تحياتي لك

**abooody riyadh** · 29-03-2011, 09:08 PM

سويتها قبل تقولي .. حطيت سيفين ونخله :d
بس والله ما ينفع .. :o

والجنوط اصلي الله يسلمك ..

**tahoe1999** · 29-03-2011, 11:32 PM

الاول والله مدري لكن الثاني جرب ترصيص بلزقه

**abooody riyadh** · 29-03-2011, 11:45 PM

طيب يا غالي .. شنو هذا ترصيص بلزقة .. ووين اللي يسويه ..

**لعيونها** · 29-03-2011, 11:48 PM

الأول .. الله يعينك ع الصبغ ولابد كامل .
الثاني .. سو ترصيص أرضي ( لاصق )

**abooody riyadh** · 29-03-2011, 11:54 PM

طيب اخووي .. ما ينفع الصبغة اللي تجي مع اصحاب التويوتا .. لأنها تجي معها علبة صبغ بلون السيارة .. يعني لو اخذ الصبغة اللي بكامري اللؤلؤي .. ينفع ولا لا :(