رد مع اقتباسالتغيير افضل اكيد
اذا وضبت القير احتمال بعد فتره تصير لك مشكله فيه بعد
اذا لقيت في التشليح واحد نظيف توكل على الله
السلام عليكم ورحمة الله وبركاته ،،
صباحكم سكر ،، مساءكم ورد
عندي استفسار شيب شعر راسي ،،
بداية أعتذر عن تكرار الموضوع لكني شفت أكثر من رأي والكل بيقول أنه استفاد
السيارة أكورد 2002 أوتوماتيك ،، ماشية مبلغ وقدره ،،
يعني في حدود 250 ألف ،، ما علينا
قدر الله وتعطل القير ،، الكلتشات انهرت المشكلة في المالك السابق شكله من يوم ما اشترى السيارة وما غير زيت القير لونه أسود تقول فحم !
وأنا غيرت الزيت والسيارة قعدت معي زي الفل 7 شهور وخبط القير ،، !
المهم ورشات الهوندا في صناعية أم الحمام بالرياض نصحوني بقير من التشليح بـ1500 ريال والتركيب بـ250 يعني بحدود 1750 ريال تغييره ،، طبعًا مع أخذ القديم
الخيار الثاني إني أجيب الكلتشات من الوكالة بـ1800 ريال ويغيرهم بـ800 ريال يعني بتطلع بـ2600 ريال تقريبًا ..
السؤال هل من الأفضل توضيب القير والا أجيب تشليح والا أخليه يجيب ؟!
ولأن التشليح مستعمل وما ادري كيف اللي قبلي استعملها ،، الله اعلم ممكن ما يكون غير الزيت زي حالة صاحبنا !
وغير كذا انه رح ياخد القديم ،، يعني ممكن يكون اللي رح يعطيني اياه خربان من قبل وموضبه بقطع تجاري لان مستحيل يغير كلتشات بـ1800 ويبيعني اياه بـ1500 !
بالنسبة للضمان ضمانهم شهرين ،، التوضيب والمستعمل نفس الشي
والتوضيب مكلف ،، لكن الأهم عندي العمر الأطول والأداء الأفضل !
والسؤال الثاني، ميكانيكيًا <<>> هل بيتعبر التغيير أفضل والا التوضيب ،، يعني التوضيب ممكن يأثر على الأداء بعدين ؟!
وشكرًاااااااااااااا :o
التعديل الأخير تم بواسطة AsQAccord-02 ; 07-04-2011 الساعة 02:21 PM
التغيير افضل اكيد
اذا وضبت القير احتمال بعد فتره تصير لك مشكله فيه بعد
اذا لقيت في التشليح واحد نظيف توكل على الله
اعتذر للرد الي فوووق التوضيب يرجع القير حق السياره جديد خاصه اذا القطع اصلليه
القير الي بتشتريه مستعمل انت وحضك ... يمكن تطيح بقير مضرووب
تووكل على الله وروح للمضمووون
صحيح لكن التشليح مستعمل وما ادري كيف اللي قبلي استعملها ،، والمشكلة ما تظهر نظافته من شكله !المشاركة الأصلية كتبت بواسطة اكورد 98
التغيير افضل اكيد
اذا وضبت القير احتمال بعد فتره تصير لك مشكله فيه بعد
اذا لقيت في التشليح واحد نظيف توكل على الله
وعلى أساس انه يجيبلي القير من المستودع عنده ! ورح ياخد القديم ،، يعني ممكن يكون اللي رح يعطيني اياه خربان من قبل وموضبه بقطع تجاري لان مستحيل يغير كلتشات بـ1800 ويبيعني اياه بـ1500 !
والشباب قالو أن الميكانيكي إذا ما كان شاطر ممكن يخرب القير ،، على أساس ان الكلتشات لها وزنية معينة !
والله احترت !
عساس تعرف خطأك انت غيرت زيت القير فجأه (دفعه وحده) وبكذا القير راح عليك لأن اللزوجه كانت منخفضه جدآ وغيرته بزيت جديد لزوجته عاليه وحس بتغيير وخبط عليك ولو كان غيرته على دفعات يعني كل اسبوع تشيل علبه وتضيف علبه كان ما صار اللي صار
+
التوظيب ممكن ما يمشي معك 6 شهور وممكن يمشيك واشوف ان التشليح افضل
اي تشليح انا اجيبه والا من الورشة نفسها ؟!
هذا اذا كانت الورشه ممتازه ويعطيك ضمان
لكن اذا اخذ قير نظيف ويضمنه له فتره معينه باذن الله مايحصل معه شي
ياما نسمع ناس وضبوا القير اكثر من مره
اريح راسي واغيره وان شاء الله اللي بالتشليح يكون نظيف
لاتوضب غير قير شوف لك قير من التشليح
التوضيب نسبة نجاحه قليله
ممكن سنه ويخبط
وعليكم السلام ورحمة الله وبركاته
حياك الله اخوي
وان شاء الله نقدر نخدمك ونفيدك
ابنصحك من خلال تجربتي
توضب القير افضل لكـ
اول شي القير حق موترك وانت عارفه اللي يبيله تغير القطع الداخليه وضمان 6 شهور
ثاني شي قير التشاليح ماتضمنها مهما قالك نظيفه يبقى الحظ يامعك او معهم يعني ممكن يدوم معاك سنه وممكن 5 شهور .. وضمانهم شهر - 3 شهور
انا وضبت القير عند ورشة سواليف وعطاني ضمان 6 شهور
بـ 1900 ريال (اخذت اول راتب وضبته .. واخر راتب وضبته مره ثانيه)
جلس معي سنه وودع ..
وضبته مره ثانيه بورشه بالبديعه وعطاني ضمان 6 شهور بـ 2500 ريال
وجلس معي سنتين و..... الى الان بالسياره :d
فـ خذ العلم من شخص مجرب ;)
موتري اكورد 2002 لايكـ يووو
الورشه بالبديعه بالصناعيه الي بعد البديعه مول
دق علي واوصف لك واسنعك عند الورشه
0557855715
...
الكلتشات اصليه يوفرها لك موزع بخصم كويس
..
وتمشي على كلام الميكانيكي ..
والله يسهل عليك وبالتوفيق
:d
0
0
من خبرتي انا ان التوضيب احسن لان مره خبط على كابرس 2002 ورحة ابشتري مكين ولقيد وحد سعود في التشليح الله يوفقه وين ماراح قال جيبه عند الورشه وان اضبطه لك والله ان طلع احسن من الاول ومشا معي سنه ونص زي الحلوه باس شرط علي اني اجيب القطع وكاله كله وجبته فا اشوف ان التوضيب احسن وفيه وحد من اخويي نفس المشكله الى مرة عليك غير زية وخبط القير بعد يومين وسوله توضيب في اتوستار حق القيور في الصنعيه القديمه ماعرف وصفه با الضبط
وكلام محمد عبد العزيز ميه ميه التوضيب احسن واسال انت راعي الورشه وسو نفك تعرف ان التوضيب احسن وهو يقولك
والله يكتبلك الى فيه الخير
محمد عبد العزيز .. الله يعطيك العافية ما قصرت .. !
لعلي أتصل عليك اليوم إن شاء الله ،، !
،،
والشباب الله يبارك فيكم جميعًا !
ألف شكررر
ضوابط المشاركة
مواقع النشر (المفضلة)